صباح / مساء الخير لكل حبايبنا في المنتدى
من جد استفدت من التقارير والمواضيع اللي هنا في المنتدى عشان كذا ضبطتلي انا واثنين من اخوياي برنامج في باريس لاربع ليالي بس ابي اتاكد من اهل الخبرة هل هو اوكيه ولا لا
ياجماعة الخير
الليله الاولى راح تكون 5 سبتمبر راح نوصل الساعه 9.30 مساء تقريبا
وعلى الفندق اللي هو Médéric عاد فيه ناس مدحته وناس احم احم ما ني قايل المهم هو عنده محطة مترو قريبه منه جدا وهي Courcelles
المهم الغالب ان الليله هذي يا دوب يمدينا نتعشى فالشانز ونتكي شوي ونرجع على الفندق كذا خلصنا الليله الاولى ,, يعني عنده شئ كثير فيها اصلا
الليله الثانيه
من الصباح يا دوب فطور وعلى اللوفر والاوبرا
وجوله هناك بعدين على جاليري لافييت
على بعد الظهر بنروح على الحي اللاتيني ومنه على الشانز مرة ثانيه و منه على الفندق
الليله الثالثه فيه شوية شغل
من الصباح على ملاهي استيراكس وفله وناسه الى بعدالظهر وممكن تطول المدة شوي ,, لاحظوا اني ما قلت ديزني لاند لان كثير من الاعضاء يقولون انها يعني مو مرة وخصوصا للشباب اللي زينا
وبعدين نرجع على الشانز ونجي قوس النصر , ما ادري اذا لحقنا على ايفل ولالا بس اذا ما قدرنا على جوله بالقارب وعشاء في نهر السين
اليوم الرابع 9 سبتمبر
اذا ما لحقت على ايفل الليله اللي قبله راح نتسلق ايفل ونصور وذكريات واي حاجه... واحد فلها خ امزح معكم شوي بس
المهم ومنه على مونمارت وبعدين نرجع على الظهر نسوي شيك اوت وعلى المطار نبي ناخذ سيارة من هناك وعلى سويسرا
هذا البرنامج اللي ضبطته بناء على الزبدة من الكثير من التقارير اللي فالمنتدى بس وش رايكم فيه
وعلى فكرة فيه شوية مشاكل لي مع خريطة المترو لكن ان شاء الله القى عليها توضيح من الاعضاء اللي فالمنتدى
بليز يا اهل الخبرة اعطوني رايكم فالبرنامج واذا احد عند اقتراح يقدم يوم على يوم او يضيف اي شئ بلييز افيدوني فيه
اخوكم خالد
Kjohany