لا تروح معاه ذا النصاب لو تروح مشي
لي عوده لموضوعك

على فكره انا متواجد بلندن حاليآ ..
اخوي كلاودز اشكرك على مرورك وياليت ماتتاخر علي لان ودي اروح لها بكرا ..
والله يعطيك العافيه .

كلاودز رايدر تراني لقيت لك الترامس اللي تبي ..
بمحلات المصطفى بشارع الادجور رود .

اخوي انا كنت اطلع من محطة ايوستن في لندن الى بريستون وبعدين من هناك بالتاكسي تقريبا باوند وتكرة القطار تقريبا 40 باوند ذهاب وعوده مفتوحة والفنادق الممتازة هناك فندق الهيلتون واحجز من النت من الان ارخصلك بكثير ...
تحياتي

عفوا تركب التاكسي من محطة القطار تقريبا 25 باوند والقطار 40 باوند وخلك من النصابين الي هناك اخدم نفسك بنفسك واهم شي هناك لايفوتك عرض المسرح حق الجوكر في البليجر بيتش..

انا اقول احسن شي السيارة استاجر لك سيارة بنفيقيشن ورح لها بيوصللك لين باب الملاهي ما فية ضياع ان شاء الله وارخص لك اليوم ب30 باوند يابلاش والدخول للملاهي ب20 باوند للشخص شامل اللعب في كل الالعاب
بس ليش ماتروح لالتون تاور تراها اكبر من بلاك بول بس انا عندي بلاك بول اروق واحلى

السلام عليكم اخي العزيز
بلالالاك بول
احسن طريقه تستأجر سياره اذا كنت تبي ترتاح وله عليك بالقطارات
و1500 باوند تخليك تلف بريطانيا عشر مرات من جهة البحر يعني تروح الجنوب والغرب والشرق والشمال وتسكن بكل مكان يوم
هذا نصاب والله اني انقهرت
انا اجرت سيار لمدة اسبوعين ب370 باوند جير توماتيك
ودمت بود

معليش أخوي على التأخير.بس كنت ابي الحقك قبل لاتروح مع النصاب راعي التكسي رغم أني كنت مستعجل وقتها.
فادوك الشباب ويمكن تكون الحين في بلاك بول حسب ما قرأت هنا وشفت صور برايتون تشبه ألي حد كبير بلاك بول لاني زرت بلاك بول ولألعاب يمكن تكون برايتون أفضل. بلاك بول تفرق بالتاور فقط ويمكن الجو يكون أحلى لأنها شماليه شوي.
تقدر تطلع لها من أيوستن ستيشن وبالقطار يبيلها أكثر من ثلاث ساعات تقريبآ. بها العاب كم ذكر الأخوان وبها حديقة حيوان كبيره وبها تاور يسمونه بلاك بول تاور وأرتفاعه أكثر من 380 قدم تقدر تشوف بلاك بول كلها منه. فيه العاب للأطفال وفيه سيرك ومطعم وصاله رومنسيه للي يحبون الرقص و صاله لدينصورات مادخلتها لأنها كانت مغلقه. بس أكثر شي عجبني قمة البرج والسيرك.
وأذا مارحت باقي وتبي معلومات أضافيه مستعدين.

كل من حبيبة زوجها فضحتنا بذا الترامس ههه شوف كنت بلندن أخر جولاي وخطر على بالي أشتري ترامس في اللحظات الأخيره رحت للمحلين أللي بأدجوير رود ولقيتهم مقفلين ومايفتحون ألا الساعه 12 الظهر وأنا كنت بطلع من الشقه الساعه 11 وتركته ورحت بس خلاص خذيت من أرقوس والشكر لحبيبة زوجها ولك على أهتمامكم.