وهل تنصحوني أشتري التذاكر من الآن أو أنتظر إلى 10 أغسطس فلربما أنخفضت أسعارها ?
والله يا خوي ماعندي خلفيه عن الحجوزات احنا سفرنا بحول الله اول اغسطس وحاجزين لنا شهرين على الاماراتيه ومعى اننا حجزين من بدري كانت الاسعار غاليه ...3200 للكبار و2100 للصغير فوق 7سنوات ....
أما بالنسبه للفنادق احنا بعد مثلكم خليناها ع البركه ماحجزنا ابو الشباب يقول اول مانوصل نحجز ومن كثر ماشوف كل الناس حاجزه من بلدها بديت اخاف اننا مانلقى لكن الحين اشوى فيه احد مثلنا ....

شكراً أختي مُزن على الرد وعلى المعلومة ،،،،
وأنا بصراحة خايف من التأخير، لكن أنا دايماً أحتاط لنفسي كثير
وإن شاء الله تجي آراء الأخوان أعضاء المنتدى وعلى ضؤها أقرر،،،
بس أنا مثل ما قلت إني أخاف من الظروف الطارئة خاصة أن سفرتي من17/أغسطس إلى 2سبتمبر
يعني لسه باقي كثير وما يدري الإنسان وش يصير.

مرحبا مهند1
إذا ياخوي معاك عائله لاتغامر وإحجز من هنا ياخوي ودبر أمورك أفضل إن كان ولا بد
أنا ماحجزت بالرغم من إنه كان معي زوجتي بس فيه واحد إبن حلال ضبط لي الحجوزات هناك وبإسعار أقل من هنا بكثير تقولي ليش ماحجزت من هنا أقوله ماكان فيه حجز
تقولي ليش غامرت أقولك مشتهي الروحه والحمدلله ربي وفقني وتظبطت أموري

عزيزي .. صدقني لا تغامر .. تراك في ديرة ماهي ديرتك .. ما تعرفها ولا لك أحد فيها..
عموماً الأسعار في أغسطس ستكون مرتفعة شوي في أغلب الفنادق المعروفة .. والسبب لأن أغسطس يعتبر موسم عندهم .. ويسمونه حقين السفر والسياحة Peak Season .. وقد شاهدت كتيب الأسعار بنفسي لدى مكتب السفر والسياحة.
وللمعلومية .. يوجد خيار إلغاء الحجز في حال حدتك الظروف لا سمح الله .. وإلغاء الحجز يكون قبل 72 ساعة من موعد الوصول للفندق لأغلب الفنادق .. طبعاً سيكون هناك عمولة إلغاء حجز تؤخذ عليك .. بعض الفنادق يأخذ حق ليلة كاملة إذا كان المبيت عندهم أكثر من 3 ليالي ..
إعقلها وتوكل .. واضمن حجز لا تروح عليك الفنادق الزينة ويخرب برنامجك .. والله ييسر لنا ولكم الرحلة .. ويمتعنا وياكم بالصحة والعافية .. وطاعة الرحمن .. آآآآم]]]]ن .
تحياتي .. أبو لينا

الحجز من كوللمبور ميسر لا تشيل هم فقط يوم وتسوى حجوزاتك ولا اعتق فيه مشكله وسوف تختار الفنادق على مزاجك

تقولي ليش غامرت أقولك مشتهي الروحه والحمدلله ربي وفقني وتظبطت أموري
أخوي خالد شكراً على النصيحة ويارب أتوفق مثلك ، لأني متحمس للروحة الله يعطينا خيرها ويكفينا شرها،،
أكرر شكري لك

عزيزي .. صدقني لا تغامر .. تراك في ديرة ماهي ديرتك .. ما تعرفها ولا لك أحد فيها..
أخوي أبو لينا شكراً لك على النصيحة بس بصراحة كلمتك هذي تخوف مره ،، وستكون بعين الاعتبار، لكن أنا من وجهة نظري ، أن أسوأ شيء ممكن يصير لاقدر الله ، إني أقعد في الفندق اللي حجزته من الرياض إلى نهاية إجازتي، وفي تصوري إن فنادق جينتنق وكاميرون ما عليها زحمة مثل كوالا وبيينانق ولنكاوي ، وجينتنق وكاميرون مناطق محببه لنا إذا ما لقينا في بينانق وباقي المناطق.
أكرر شكري لك.

الحجز من كوللمبور ميسر لا تشيل هم فقط يوم وتسوى حجوزاتك ولا اعتقد فيه مشكله وسوف تختار الفنادق على مزاجك
أخوي"لاتلوموني" كلماتك مشجعة وتبعث في القوة والشجاعة ، أشكرك جزيل الشكر على مرورك ونصيحتك.

اخوي مهند
انا قبل سنتين حجزت من مطار كولا لمبور على فندق بارك رويال 5 نجوم الي ورا فندق الماريوت وعطوني جناح فاخر جدا ب400 سعر خطير جدا
لكن مو على كل حال بتلقا حجوزات لكن الاسعار منافسة لاسعار مكاتبنا هنا