العاشق 17
05-08-2022 - 10:40 pm
السلام عليكم
الحقيقه انا عاجز عن شكركم سواء صاحب الموقع او الاعضاء الكرام فجزاكم الله خير الجزاء لما تقدمونه من خدمات جليله لاخوانكم المسلمين في شتى انحاء العالم فالف شكر ...
الحقيقه انا عامل جدول كذا لشهر العسل وابغى اخذ رائيكم فيه فما خاب من استشار ..
مدة الرحله تقريباً 20 ليله .
كالتالي :
كوالا 9 ليالي
اول ثلاث ليالي في فندق الخيول الذهبية
ليلتين في جنتنق الذهاب لها بالتاكسي وسبب الاقامه ليلتين اول يوم في المنتجع وثاني يوم راح اروح القريه الفرنسية وكمان للراحه والاقامه راح تكون في فندق جنتنق او انصحوني بفندق افضل ماعندي اي معلومه صراحه عن الفنادق هناك
ليلتين في فندق تريدرز
ليلتين في فندق ماندرين اورينتال
افضل عدم التنقل فانصحوني بافضل الفندقين
بعدين انطلق لبيننق بالطائرة لمدة اربع ليالي في فندق باي فيو بيتش
اوموتيارا بيتش اوبارك رويال او اختاروا فندق آخر بصراحه محتار ماهضمت المدينه هذي مدري ليه .
ثم الى لنكاوي (وش احسن الطائرة والا الفيري ) لمدة خمس ليالي في فندق وستن لنكاوي او الفور سيزون وش احسن ؟؟
ثم العودة بالطائرة الا كوالا والاقامه فيها ليلتين في فلل صن واي لاقون ..
ثم العودة الى ارض الوطن وش رائيكم في الترتيب ذا ؟؟
وشكراً مقدماً
بالنسبة لفندق الخيول الذهبيه هو صحيح فخم كافندق ولكن غرفة عاديه جداً عموماً منطقة سيلانجور منطقه حلوه تستاهل الزيارة لأن فيها سن واي لاقون والماينز وندرلاند اما بالنسبه لجنتنق فحاول تكون فيها في اوقات الويكاند لأنها تكون حلوه وفيها ناس وحركه وانا كانت تجربتي في فندق جنتنق اما بيننج فعندك فندق شنقرلا راساسيانق (مسوين عليه عرض )غرفة مطله على البحر 690 رنقت وعندك فندق بارك رويال حلو ونظيف وغرفة حلوه ومطاعمة ممتازه اما فندق بي فيو فانا ماسكنت فيه ولكن يمدحه واحد من الشباب يقول جداً روعه ، اما بالنسبة لنكاوي فندق الوستن الي كان الشيرتون سابقاً هو ممتاز على حسب ما قريت في مواضيع الشباب في المنتدى اما لفندق الفور سيزون فهو لا يعلى عليه والشاطي الخاص فيه جداً روعه ولكن الفندق جداً راقي وكلاس ولا فيه الحركه الي تتوقعها يعني استجمام ورمونسيه بشكل غير طبيعي
اتمنى اني افدتك ولو بشي بسيط وربي يوفقك برحله سعيده ...