الله يوفقكم في سفرتكم ، نصيحتي لكم تسكنون في Glasgow رفيجاتي واايد يمدحونها احسن من Edinburgh لان حتى اللي في ادنبره يروحون Glasgow ومنها روحوا Edinburgh زوروها وشوفوها.
وان شاء الله تستانسون

مشكوره أختي
حاب اعرف وش تتميز المدينة عن الثانية؟
بإنتظار آرائكم يا أعزائي.

وعليكم السلام ورحمة الله وبركاته
هلا وغلا الغالي
وحياك الله بين اخوانك وخواتك وان شاءالله اتفيد وتستفيد
معنا قروب في المعهد راحوا قلاسكو الأسبوع الي فات وامدحوا المدينه بجمالها وهدوئها ..
واغلب المسافرين ايفضلون قلاسكو على ادنبره ولكن للأسف لحد الحين ماجمعت معلومات كافيه ..
ومثل ماقالت خبيرتنا الكويتيه ..خل المقر في قلاسكو ومنها تنقل
واي خدمه احنا تحت امرك الغالي

مشكور أخوي القطري
من خلال بحثي عن المدينتين تبين لي ان جلاسكو تتفوق على ادنبره:
1. الموقع على الخريطة والقرب من بعض الأماكن في اسكتلاندا اللي تستحق الزيارة
2. المدينة نشيطه وترفيهيه اكثر من ادنبره.
3. تعد افضل حركه تجارية وتسوق.
بالنسبة لأدنبرة تعد اهدأ اجمالا من جلاسكو.
ياليت تعطوني رايكم.

الصراحة انا سكنت فالمدينتين، كل مدينه ولها ميزتها . جلاسكو مدينه تجاريه وتتميز بكثرة اسواقها وقربها من باقي الاماكن السياحيه خصوصا لوخ لاموند. أما أدنبرة تتميز بجمال طبيعتها ولكنها ليست بعيده كثير عن جلاسكو. انا عن نفسي إرتحت في أنبره أكثر . واي معلومات نحن فالخدمه.‏