والله برابي اخي منطقة سلطان احمد افضل للعوائل
وهادئة باليل مو مثل التقسيم باليل هوسة ضجيج

مشكور أخوي ع الرد السريع .. بس ياليت تفيدني و الكل يفيدني إيش الأماكن اللي ممكن نزورها في تقسيم ؟؟؟ طبعاً للعوائل
و بالنسبه للسلطان أحمد أخذت معلومات عنها و في متاحف و أماكن حلوه بس ياليت تعلموني عن تقسيم أيش ممكن نزور فيها ؟؟؟

اولا:
منطقة تكسيم ، منطقه مزدحمه ومن خلالها تقدر تروح لأي مكان تبغاه بجميع المواصلات . ان كنت تحب الزحمه والناس وفي الليل حياه مافي هدوء والأجواء هذه ف أنا ارشحلك تكسيم ، احنا دايما ننزل في تكسيم مع زوجي والأبناء . ( من وجهة نظري تكسيم افضل من منطقة سلطان احمد ) ، قريب منها ميترو و ميناء كبتاش و اورتاكوي ، جواهر مول ، عثمان بي ، منطقة الباصات تروح لكل مكان.
ثانيا:
منطقة سلطان احمد ، منطقه تاريخيه في الليل هدوء ، بها جامع السلطان احمد و توب كابي و ايا صوفيا وقريب منها البازار المسقوف و ميناء امينونو ، لكن ارشح لك تكسيم لانها الافضل ،
ان كنت ح تنزل في تكسيم انصحك بفندق CVK hotel اذا كانت مواصلاتكم عن طريق المترو والباصات
اما لو كانت مواصلاتكم عن طريق سائق خاص ( انا ما افضلكم السائق ولا التاكسي لزحمه الطرقات ) فحبذا انكم تنزلو في فندق Marti istanbul hotel
واي استفسار احنا في الخدمه

ألف ألف شكر عليكم جميعاً و جزاكم الله خير .. عطيتوني خلفية و أقتراحات أكثر من رائعة و أشكر لكم ذلك ..
أنا دخلت في راسي جزيرة الأميرات و إن شاء الله بروح للجزيرة مع زوجتي إيش الميناء اللي أروح له و كم تكلفة الرحله؟
عندي أستفسار آخر كيف الأسعار لو حاب أتقضي من هناك هداية لأهلي ؟؟ وكيف أسعار المطاعم ؟؟ أنا طالب و طالع هناك من حسابي الخاص و لازم أعرف التفاصيل هذه عشان ما أتورط
وبالنسبه للفلوس أقدر أشيل مبلغ كبير كاش ؟؟ و هل البطاقات الدولية تشتغل عندهم ؟؟
مشكورين

أرجو مساعدتي ولكم مني جزيل الشكر و الدعاء