صباح او مساء الخير لكل الاحباب
التكاسي نوعين :
=======
الأول:
المرسيدس القديم يسمونه الطاكسي الكبير مختص بالنقل من والى المطار ..
سعر النقل مثلا من المطار الى كازا تقريبا 100 ريال
الثاني:
داخل المدينه "بالعداد" تاكسي لونه احمر من الحجم الصغير ويسمونه طاكسي صغير ..
معدل اجرة المشوار داخل المدينه 10 ريال
من كازا الدارالبيضاء الى اقادير
بالباص:
توجد شركات افضلها شركةستيام مثل النقل الجماعي عندنا
موقع المحطه ملاصق لفندق فرح يعني مايحتاج تكسي
سعر التذكره ذهابا 70 ريال واذا كان معك شنط ياخذون عليها رسوم بمبلغ بسيط
مدة الرحلة 9 ساعات يتوقف الباص مرتين للاستراحه والأكل " يوجد مطاعم مشويات " رائعه لاتفوتكم
انصح برحلة الصباح للاستمتاع بالجو والمناظر التي تذكرنا بالبر وقت الربيع
اذا وصل الباص اقادير تاخذ شنطك وتجد التكاسي في انتظارك التاكسي الاحمر يسمونه التاكسي الصغير .. لاتفاصل في السعر اركب وانتظر حتى يشغل لك العداد وراح يكلف المشوار داخل المدينه حوالي 10 ريال
بالطائره :
من كازا الى اقادير سعر التذكره بحدود ستمائة 600 ريال ذهاب واياب المشكله اذا ماتطلع على الرحله تتلغي عليك التذكره والأشكل ماتقدر تغير الموعد يعني اضبط مواعيدك تمام
زمن الرحله ساعه
بالقطار الى مراكش وبعدين بالباص الى اقادير :
ماعندي معلومات آسف حبايبي
من المطار الدولي محمد الخامس الى كازا " الدار البيضاء " :
بالتاكسي
بحدود 100 ريال والزمن تقريبا نصف ساعه
بالقطار
كل ساعه تقريبا ينطلق القطار
سعر التذكره 20 ريال والشنط تحملها معك مجانا وتضعها في الرف الأعلى لمكان جلوسك
اذا كان معك شنط كثيره انصحك بتاكسي
بعد الانطلاق راح يتوقف القطار في عدة محطات واختر محطتك القريبه من الفندق للنزول او انزل بالرئيسيه
اذا كان عددكم اكثر من اثنين يفضل اخذ التاكسي الا اذا كان هدفكم تغيير الجو والاستمتاع بالرحله
عندما يصل القطار الى المحطه خذ التاكسي الاحمر " الطاكسي الصغير " وبالعداد يوصلكم للفندق
بالباص
اتجه لموقف محطة الباصات وانتظر قدوم الباص .
سعر التذكره بحدود 15 ريال
تحياتي