من الحسناء اسطنبول التي تغفوا في حضن الغرب
و تُفيق على ترانيم الشرق
عدت اليكم بتقريري الجديد بعد زيارتي لها صيف 2011
اولاً.. أعتذر عن طرح التقرير متأخرا لظروف خارجه عند ارادتي .. واقدم لكم هالتقرير وان شاء الله يستفيد من آحب ان يزور اسطنبول هذا الصيف ..
ثانيا التقرير مختلف كليا عن تقرير العام الماضي ..آحببت أن أختصر لكم رحلة مدتها أسبوعين والنصف الى أهم الاماكن.. وأقدم لكم بعض النصائح والآماكن التي يمكن زيارتها ..
لأن في أماكن سبق زيارتها العام الماضي وتم تغطيتها بتقريري عام 2010..
وراح يكون هذا التقرير مجزء الى جزئين بأذن الله..
الجزء الآول / عن منطقة لالالي الجميلة ..وماحولها من مطاعم واسواق والمقاهي اللي زرتها و الموجوده هناك..
والجزء الثاني / تقريرعن حديقة يلدز بارك,, وامرغان ..ومنطقة ايوب والتلفريك .. وزيارتنا لبحيرة سابنجا.. وسوق شا شمبا بازار .. والاكواريوم
حقيقة سفرنا لتركيا لم يكن لها آي ترتيب مسبق ..
العام الماضي كانت الصيفيه بتركيا واحببنا ان نغير الوجهة هذا العام ..
حيث كانت النيه السفر الى احدى دول شرق آسيا وقمنا بعض الترتيبات والحجوزات المبدئية
لكن سرعان ما ان اتت بعض الظروف الطارئة اللي غيرت وجهتنا ..
وبعد آخذ وعطا ومشوارت عائليه.. قررنا السفر الى تركيا وراح آذكر لكم فيما بعد الآسباب ..
خلال أسبوع فقط تم كل شي بسرعه حجزنا طيران فقط ..والحمدلله تسهلت وتيسرت وماتعقدنا ع طول تأكد الحجز ع الخطوط التركيه في خلال يوم وبموسم صعب الواحد يلاقي حجز ..
بنسبه لسكن..والدي قبلها كان في المانيا واتفق معنا ان نلتقى هناك في اسطنبول ويقوم بتنسيق والحجز بالفنادق
وآخوي كانت رحلته من كندا الى السعوديه عبر الخطوط التركيه وتوقف في اسطنبول وكمل قضاء الآجازة معنا وهذي الاسباب ,, لذالك أخترنا اسطنبول لقضاء الصيف هناك..
.. حلق بنا فوق الآجواء الاسطنبووليه مدت النصف ساعه الى آن سمحوا له بالبهوط .. لكن لعب في أعصاب الناس وخاصة اللي عندهم فوبيا طيران..
منطقه حيويه تجاريه ..رآئعه رآئعه رآئعه جداً
قريبه من بيازيد و السلطان احمد.. وسوق فاتح مشي ع الاقدام 15 دقيقه..
سكنا في فندق مطل شارع لالالي ..وبنفس الشارع الترم
و قبال الفندق محطة انطلاق الباصات دقيقتين مشي نوصل هناك ..
الترم يوصل الى تقسيم .. وبالتاكسي 10 ليرات لاحد يضحك عليكم ويزيد في السعر
المطاعم والمقاهي والاسواق والفنادق والحدائق .. كل شي فيه موجود حولنا
الآسواق هناك بالجملة والمفرد صناعه تركيا.. وتورد من المركز الرئيسي الى جميع
انحاء العالم
المنطقه شبيهه بالبلد بجدة في النهار تستمتع بمشاهدة التجار من افريقيا ورسيا و اروابا وامريكا ..
انا لو خيروني مابين منطقة السلطان أحمد وتقسيم .. وشارع الاستقلال .. اختار منطقة لالالي
الفندق خلفي وانا امام شارع لالالي وفي الجهه المقابله فندق كراون بلازا وتحته محل يبيع حلويات وهدايا انصحكم فيه
سكنا بفندق أكغون هوا فيه اثنين واحد كبير وسبق قد نزلنا فيه وكان وقت تجديد الفندق وقتها .. وهذا الفندق الثاني تابع لهم بس اصغر شوي وبسيط جدا مافيه مسبح ولانادي رياضي ..
تم حجز أربع غرف ..غرفتين ترابل وغرفتين لخشصين يعني على قدنا ..
هذا الفندق من الداخل اللوبي..
صالة الطاعم..
راق لي الاثاث والانتيكات الكلاسيكه الديكور بكشل عام فخم
نروح للغرف ...
واسعه ونظيفه ..
الحمام اكرمكم الله
هذي بعض الايام صورت فطوري بنفس الفندق ..
الحين ناخذكم بجوله حول الفندق ..وبنفس المنطقه الحيويه نهارا وليلاً ونعرفكم ع بعض الاماكن
زي ماذكرت لكم في الاول منطقه تجاريه
يوجد اكثر من 100 الف محل حلوه لتسوق
وحقيقه كلها منتجات صناعه تركيه
ملبوسات
احذيه
شنط
ملابس داخليه
مفارش
وخامات فخمه ورآقيه
يعني اللي يروح هناك يخليه لتسوق وتمشي
ما راح يندم ولازم من المكاسره طبعا ..
وننتبه ما نروح يوم الآحد لأن أجازة.. وما تفتح المحلات ماعدا البائعين المتجولين والفارشين على الارصفه ..