مسافر مغامرر
22-09-2022 - 02:55 am
السلام عليكم والرحمة
انا ودي العب قولف في الرياض وين تنصحوني وهل يوجد مدارس تعليم القولف
اتصلت على فندق انتركنتنتل وقال موجود لكن لازم تدرس عندنا شهرين كل اسبوع حصتين وكل حصه 100 ريال واذا اخذت بكج 12 حصة راح نعطيك اياها 1000ريال وطبعا راح نعطيك بعدها رخصة للعب بأي مكان
وبعد ماتستلم الرخصة كل مابغيت تلعب لازم تستأجر عربة قولف 40 ريال و اغراض القولف 40 وكل لعبة تقريبا ساعة ونصف 100 ريال واتوقع قالي لازم تشتري ماادري وشو
هل تنصحوني فيه واذا كنتم تعرفون مكان افضل يكون احسن
واقدري ادخل الزوجه معي تتفرج على فارس احلامها وهو يخبط بالكورة شمال ويمين او ممنوع
وشكراا
اخوي حياك الله فيه نادي قولف في ديراب جدا ممتاز ورائع وراقي
السعر بالسطل يعطوونك زي السطل مليان كور قولف وشوت على كيفك
بالضبط موقعه مااعرف لكن بدور لك وافيدك اذا عرفت
مجموعه من الأصدقاء راحوا له بس نسيت الموقع بالضبط حتى فريق مانشستر يوم جاء للرياض عطوهم جوله فيه
والدعوه فري تقدر المدام تدخل