شدعوة مافي أحد يرد علي

والله لوطالبة الرحلة تكون على حسابكم محد طنش بهالشكل

$$مذهلة$$
تحية طيبة لك أختي العزيزة :
يعتبر موقع بوكينغ من المواقع المشهورة والممتازة لحجوزات الفنادق booking.com وبإمكانك الحصول على شقق أيضا من خلال البحث في الموقع ,,,, بالنسبة للتنقل ومن وجهة نظري وتجربة سابقة أرى أن القطارات متعة وليس به ما يخوف مثل ما تقولين وتعتبر أنسب طريقة ,, وإذا حبيتي تعيشين التجربة والمتعة والاثارة والاستمتاع بكل ماتعنية الكلمة فعليك إستئجار سيارة والانطلاق في ربوع الطبيعة الخلابة خاصة طريق زي لام سي ولا تخافين من أي شيء إذا معاك جهاز الملاحة وعندك المعرفة في إستخدامه ....
تحياتي وتمنياتي لرحلة ممتعة ..

رجل المهام
أشكرك جزيل الشكر على المعلومات والله يعطيك العافية

حياك الله أختى مذهلة
موقع booking .com مناسب للحجز عبر النت , وبالنسبة للتنقلات فهناك القطارات أو إستئجار السيارات
بالنسبة للقطارات فهى أمان وممتازة وممكن أن تحجزى من المانيا بمحطة القطارات هناك أو من سفريات جامبو بشارع فهد السالم بجانب سوق المخازن عند البنك الوطنى أو عن طريق النت من خلال موقع القطارات الالمانية
وبالنسبة للسيارات فممكن حجزها بالنت أو من خلال الشركات الموجودة بالكويت مثل شركة avis الموجود فى شارع فهد السالم , وأطلبى السيارة مع النافيجيشن أو الأفضل أنك تشترين النافيجيشن (نوفى 770 ) وهى باللغة العربية وسهلة الاستخدام ويمكن شراؤها من الكويت من شركة سيز آند ديزرتس بالشويخ خلف سيتى سنتر

فاضل الخياط
الله يعطيك العافية على المعلومات
بغيت اسال شنو الافضل احجز السيارة من الكويت ولا من النت ولا لما اوصل المانيا من ناحية السعر والاضمن ...سوري على الازعاج بس بصراحة اول مرة اسافر ومعاي عيالي

مرحبا اختي
بالنسبة للسكن حجزي في ميركور او كورت يارد قربين من محطة القطار والاسواق واذا ميزانيتج تسمح اخذي ميريديان او سوفتيل مقابلين المحطة.
بالنسبة للقطارات مافي اي مشكلة من ناحية اللغة الانجليزية وحتى بعض الموظفين من اصل عربي ومن ميونخ تقدرين تاخذين تذكرة اسمها ( بايان او بايرن ) مب متاكده من الاسم ب 28 يورو للعايلة 5 اشخاص واذا عندج اقل من 5 سنوات مجان تقدرين بهذي التذكرة تروحين زلمسي بس طبعا الخط راح يكون ميونخ سالزبرغ لمدة ساعتين من غير تبديل وبعد ماتوصلون سالزبرغ تغيرون القطار الى زلمسي لمدة ساعة.
بالنسبة لتأجير السيارة ماعندي فكرة في اروبا احنا نأجر في امريكا بس اروبا ما قط .
اتمنى اني افتج وعسى الله يسهل اموركم بس عندي سؤال انتي مب خايفة من المرض انا وايد خايفة اودي عيالي مع اني كنت مواعدتهم هالصيف على المانيا والنمسا وسويسرا بس الحين كنسلت لأن عندي طفلة عمرها سنة واختها 5 سنوات وخايفة عليهم . على العموم اذا في خاطرج اي سؤال عن ميونخ انا حاضرة .

معليش أختي أحط سؤالي بموضوعك
انا نفسي اجر سيارة لأن جربت القطارات حلوة وسهلة عيبها الوحيد لما اتنقل من مدينة وعفشنا كثير
واطفالي صغار
فسؤالي هل الافضل احجز من هنا او من النت او اذا وصلت
اذا كانت محطة وصولي فرانكفورت وماراح اجلس فيها راح انزل على دسلدروف على طول راح استأجر سيارة
بعدين باقي الايام أحب اعتمد على القطار اسهل واريح من سالفة الباركينغ
السؤال هنا هل يمكن استأجرها لمدة يومين وبعدين اسلمها ولما يجي موعد سفري لموينخ استأجرها مرة ثانية ومراح اسلمها الا في موعد السفر لأن موينخ اقدر اروح فيها لسويسرا والنمساء وفرنسا :bounce8:
اما دسلدروف الاقرب لها بلجيكا وهولند وسبق لي زيارة هولندا وماعجبتني
اسف على الاطالة وشاكر لكم تعاونكم
تحياتي,,,

manayeer
أولا مشكورة على المعلومات بالتاكيد افدتيني
أما بالنسبة لعيالي كل سنة اوعدهم وبصراحة مااخذهم غير دول عربية هالمرة بخاطرهم يروحون وبالنسبة للخوف اكيد فيه شي بسيط بس انا فكرت فيها يعني لو دولة سكانها بالملايين فيها كم حالة تنعد على الاصابع فهذا شي طبيعي والله الحافظ ان شاءالله بناخذ احتياطنا ومحنا ان شاءالله داعسين خشومنا مع العالم والله كريم ان شاءالله ماكو الا العافية