هلا أختى أم رشودي أنا عني شريت أشياء من قولد كوست وقالي البياع الي بالمحل خذ الفاتوره وراجع فيها المكتب الي بالمطار بس والله وقت الجد ماوديتهم معي للمطار وعلى ما أضن لازم توريهم الأغراض الي شاريها
وأنا كتبت عنها في أول صفحة من تقريري

wats the tax freee in details
ايه هي التاكس فري؟
ليش اختي ما خدتي الفلوي بالمطار؟
لا والله زعلتيني

هي نظام يعمل فيه بالعالم جميعها ..
اذا اشتريت اي قطع وتود الذهاب بها خارج الدوله ترجع لك الضرائب ... وبصراحه انا لاأؤمن بها كثيرا فهي متعبه خصوصا انه اشياء بسيطه اما اذا كانت اشياء سعرها مرتفع فيمكن العمل بها كما قلتي ..
اتنتظر ردك لو حبيتي زيادة معلومات فسأتصل بالسفاره واسأل عن الوضع والطريقه لذلك ..

التاكس فري نظام مو معقد زي مايتصوره الناس
بعد نقطه الجوازات في جميع المطارات الدوليه في استراليا فيه موظف مسؤول عن التاكس فري المهم تاكد من:

• - انك تشتري من محل ديوتي فري - duty-free store
• - ممكن تشتري من اي محل ثاني غير الديوتي فري بس بشرط ان المجموع في الفاتوره مايقل عن 300 دولار استرالي
• - الشغلات اللي في الفاتوره لازم تكون معك مثل (اجهزه - ملابس - ساعات ....) والغالب يطلب انه يشوفها المهم فواتير لاشياء معك مو فواتير مطعم او فندق

اذا تاكد الموظف راح يحسب التاكس ويرجعه لك اما عن طريق شيك او بايداعه في بطاقة الكرديت كارد وهذي اسهل واريح
اتمنى ان الموضوع اتضح لكم وتمنياتي لكم بالتوفيق

السلام عليكم أم رشودي أشلونج؟ زين شفناج بالمنتدي بغيت أقولج عن مطعم أكله وايد حلو أسمه( ليالي شيراز) في قولد كوست في نفس الشارع إللي فيه فندق هوليدي إن وسلفادور فرقامو وفندي .
وبشريني عن الطيران إنشاء الله ما تعبتو؟ إي بعد نسيت لاأقولج روحي منطقة (برزبن ) وايد حلوه بس حاولي تخلينها يوم الجمعة علشان السوق يسكر الساعة تسع بالليل وبالتوفيق.

saad1515
يعطيك العافية على المعلومات القيمة الوافية الي ماتحتاج نزيد عليها شي
بس لازم الواحد يروح بدري للمطار لان عملية الاعادة تاخذ نص ساعة على الاقل انا يوم رحت لهم متاخر باقي على الاقلاع 40 دقيقة قالوا لي رح الحق طيارتك ابرك لك وخل الفلوس لنا.
وظاعت علينا الفلوس

Abo Halah
وي حسافه جان خذيتهم معاك
بس يلا ماعليه خيرها بغيرها

سجا الليل
أهلين سجا الليل
حمدالله على سلامتكم شلون سفرتكم عسى إستانستوا وماتعبتوا من الطيران وما أذوج العيال بالطياره!!
وين سكنتوا بجولدكوست؟؟ورحتوا سيدني ولالأ؟؟
وياليت تقوليلي شرايج بالسوق هناك شنو المميز فيه؟!؟!
وشلون الماركات عندهم أرخص من سعر الكويت ولانفس السعر؟!؟!
إحنا ليلحين ماسافرنا حجزنا تاريخ198 بس الظاهر باجر بنروح نغيره إلى تاريخ228 لأن فبزتي طلعت وفيزت بورشود ليلحين ماطلعت ودعواتج إنها تطلع
وإن شاءالله بنروح للمطعم لأن بورشود يحب الأكل الإيراني
بإذن الله ناوين نقعد بجولد كوست12ليله إذا مدانا ليش لأ يمكن نروح برزبن
وإن شاءالله ملبورن ليلتين وسيدني5ليالي

ام رشودي مثل ما وضح لك الاخ سعد نظام الاسترجاع الضريبي..
واضيف عليه لازم تكون معاك فاتورة ضريبية من المحل وتكون الاغراض معاكي بيدك في الطيارة (ولا يتم شحنها).
وفي طريقة جيدة لو كانت اغراضكم كثيرة حاولوا مع المحل يعمل لكم فاتورة بالمبلغ كله بكم قطعة بسيطة عشان تحملونها معاكم وتراوونها للجمارك .. وباقي اغراضكم تحطونها مع الامتعة المشحونه في الطائرة.
يعني لو شريتي خمس حقائب يد مثلا خل يسجل الفاتورة بحقيبة وحدة واحمليها مع للجمارك والباقي معك الشنط.
الملف التالي فيه شرح مصور لنظام الاسترجاع الضريبي في استراليا وفي اللغة العربية: (يلزم لفتح الملف برنامج Adobe Acrobat)
لحفظ الملف اضغط الماوس اليمين وحفظ باسم http://www.customs.gov.au/webdata/resources/files/Travellers___arabic1.pdf
بالتوفيق.