تروح وترجع بالسلامة يالامير وننتظر تقريرك بأذن الله ورحلة موفقه والله ييسر امورك
وتقبل مرورى ،،،،،،،،

1. اخوي الامير ،،


2. وهذا شرح ذكرته في تقريري لكيفية إستخدام الأندرقراوند في فيينا :


3. وهذا شرح لكيفية حجز القطار من فيينا الى ( زيلامسي او سالزبورغ ) :

اخوي الامير ،،

اسأل الله ان يوفقك ويسعدك ويردك لنا سالم غانم ،، وبخصوص سؤالك عن القطار وكيفية استخدامة راح تلقى الجواب موضح في تقريري بالكامل وبالشرح الممل ،، مع اني أتشرف بزيارتك لتقريري ولكن لعيونك راح انقله لك هنا ( بخصوص السؤال الرابع ماعندي خلفية لاني مارحت لسالزبورغ واما زيلامسي كنت ساكن في الفيلا هوتيل ونفس الفندق عطاني بطاقة تخفيض على بعض المناطق السياحية ) :
الفيينا كارد انا ما أنصحك فيها لاني شريتها وكانت الواحدة بقيمة 18 يورو لمدة 3 أيام شاملة الاندرقراوند وبعض المحلات وعليها تخفيض في دخول بعض المناطق السياحية ولكني ما أستفدت منها الا في دخولي لقصر الشانبرون وأخذت تخفيض يورو واحد بس ؟؟ يعني لو تأخذ تذكرة للأندرقراوند بقيمة 13 يورو لمدة 3 أيام أوفر لك ..
والتكاليف اخوي على حسب نظامك يعني في ناس يحبون يدلعون أنفسهم بالغداء والعشاء وفي ناس ياكلون خفّافي ،، وبخصوص الاسعار عندك الموية والبيبسي والمشروبات الباردة من 1.5 يورو الى 3 يورو وفي المقاهي تقريباً الكوب من 6 يورو الى 10 يورو ،، ملاهي البراتر تقريبا سعر التذاكر فيها من 3 يورو الى 10 يورو ،، البرج كان سعر التذكرة 5.5 يورو للواحد والغداء كان حسابنا تقريباً 40 او 50 يورو ،، يعني البلد غالية شوي !!

وهذا شرح ذكرته في تقريري لكيفية إستخدام الأندرقراوند في فيينا :

في حاجه ودي اقولها... كثير من الاعضاء يسألني عن طريقة استخدام الاندرقراوند وراح اشرح الطريقة بالصور
طبعا تذاكر الاندرقراوند تشتريها من ماكينة التذاكر في اي محطة .. لكن انا شريت بطاقة فيينا كارد من كشك لمدة 3 ايام بسعر 18 يورو للشخص لانها شامله الاندرقراوند والباصات وعليها تخفيض لدخول المناطق السياحة لكن سعر تذكرة الاندرقراوند لحالها لمدة 3 ايام تقريبا 13 يورو ... وانت رايح للقطار راح يجيك هذا الصندوق الازرق تختم التذكرة فيه...

لنفترض انك في البراتر وتبغى ترجع لشارع المشاة عند محطة ستيفنز .. يعني حسب الخريطة اللي تحت تبي تروح من محطة براتر ستيرن اللي رقمتها انا برقم (4) الى محطة ستيفنز بلاتز رقم (1) مرورا بمحطات برقم 3 وَ 2

(الخريطة تلقاها عند الكونسيرج اللي في الفندق او في الكشكات او في استعلامات الاندرقراوند تحت)
نقطه مهمة ... اذا نزلت تحت راح تلقى مسارين للقطار واحد رايح وواحد جاي ..
كيف تعرف القطار اللي رايح لساحة ستيفنز؟؟؟ سهلة ... حسب الخريطة في نهايتين للمسار نهاية تنتهي في محطة شمالا مثلا ..ونهاية تنتهي في محطة جنوبا ...
انت شوف المحطة اللي تبي تروح لها في اتجاه اي محطة من النهايتين ؟؟؟؟.....
في مثالنا هذا وانت في البراتر تكون محطة ستيفنز في اتجاه المسار اللي ينتهي جنوبا عند محطة Reumann-Platz فاذا نزلت راح تلقى لوحة بأسم آخر محطتين زي هذي

واذا مالقيت الوحة روح لاي مسار وتلقى لوحة زي هذي وراح تعرف انت على اي مسار

ارجو اني وضحت الطريقة وسامحوني على التقصير...

وهذا شرح لكيفية حجز القطار من فيينا الى ( زيلامسي او سالزبورغ ) :

واللحين راح اذكر طريقة حجز القطار الى زيلامسي وكيفة معرفة القطار والبوابه والمسار ... مع انو كان ودي اذكرها في تقرير زيلامسي لكن لان بعض الاعضاء مستعجلين وقلت يستاهلون نذكره عشانهم...
اول شي واهم شي اذا كنتم رايحين على زيلامسي فلابد من التوقف في سالزبورج ((( تأكدو ))) ان الفرق بين وصول قطاركم الى سالزبورج وتحرك القطار الثاني الى زيلامسي اكثر من ربع ساعة على الاقل عشان يمديكم تنزلون وتروحون للقطار الثاني خصوصا حنا يالعرب عفشنا واجد وثقيل .. لايصير لكم مثل اللي صارلي تأخرنا عن القطار وأضطرينا نجلس ساعة نستنى القطار الثاني لا وبعد ما كان دايركت على زيلامسي وقفنا في محطة وغيرنا القطار الى زيلامسي....
ثاني شي لاتحجزون الا من المحطة نفسها قبل بيوم او نفس اليوم بس قبل رحلتكم بساعة على الاقل لانو في مجال وفي حجز ولا تحجزون مقاعد .. انا يوم رحت كان القطار فاضي وحجز المقاعد ب 7 يورو...
ونصيحه اذا سألتو الكونسيرج حق الفندق عن مواعيد القطار راح يعطيكم التايم تيبل ويقولكم في مكاتب في وسط البلد تحجزلكم ... لا تسمعون كلامهم .. انا قالولي كذا وقلت ياولد خلني اضمن لي مقاعد ورحت لهذا المكتب وخذا مني 20 يورو مقابل حجزه لي :112:... وما انتبهت الا يوم رجعت الفندق وقلت يالله خيره وهذي صورة المكتب

المهم رحنا لمحطة wien westbahnhof بالتاكسي وكلف 10.5 يورو حسب العداد ...
واذا دخلتوا المحطة راح تلقون هذي اللوحة الزرقاء الكبيرة مكتوب فيها مواعيد الرحلات والبوابات
كان قطارنا الساعة 10:34 صباحا .. ودورت قطارنا المتجه الى سالزبورج لقيته على بوابة 8

اذا كنت حاجز مقعد تلقى مكتوب في التذكرة رقم المقطورة والمقعد وكان رقم مقطورتي 17

ونصيحه احجزوا درجة ثانية لانو مافي فرق اللهم المقاعد جلد .... وهذي صورة الدرجة الثانية وبعدها الاولى

وهذي صورة للكباين وانصح حجزها للي يبي يتسدح ويتمدح او الحريم اللي يبون يفتشون

احب اذكر المشكلة اللي حصلتلي في محطة سالزبورغ لان في احدى الاخوات سألتني عن كيفية تغيير القطارات ...
يوم وصلنا الى سالزبورغ كان لابد اننا نغيير القطار وبسب تأخرنا في النزول وعدم معرفة المحطة وكان الموضوع فيه نزله ورقيه بالمصعد تأخرنا على القطار الثاني وراح علينا ...
تنبيه مهم : اذا حجزتوا تأكدو ان الوقت بين وصول القطار وتحرك الثاني يكون طويل عشان يمديكم ..
في سالزبورغ اول ماتوصل تلقى المصعد امامك اذا نزلت راح تكون في الصالة الرئيسية تلقى اللوحة الزرقاء دور اسم ZELL AM SEE وتلقى مكتوب جنبها رقم المسار انطلق بسرعة حسب اللوحات الارشادية اللي مكتوب فيها أرقام المسارات .. واذا ماعرفت اسأل الانفرميشن وهم يدلونك ...
انا يوم تأخرت على القطار أظطريت اني اخذ قطار ثاني يطلع على محطة وبعدين غيرت القطار وطلعت على زيلامسي وكان اسم المحطة اللي غيرت فيها القطار
وهذي صور للمحطة زيلامسي
بالتوفيق اخوي الغالي ،، واتمنى اني قدرت أفيدك ،،

يعطيك العافيه يالغالي وبالعكس قريت موضوعك اكثر من 10 مرات
ودخت
وايش رايكم في هالفندق بزيلامسي seehotel-freiberg.at
او هالشقه هذي Schaubensteiner, Appartement سعرها لمدة اربع ليال 195 يورو

يعافيك يالغالي ،،
هذا الفندق seehotel-freiberg.at هو نفسه الفيلا هوتيل اللي سكنت فيه انا ولكن السي هوتيل اللي ذكرته انت المبنى القديم من الفندق وهذي صورة من تقريري عن زيلامسي موضح فيها الفندقين :

بخصوص الشقق ماعندي خلفية عنها ولكن هذا موضوع عنها للاخ العضو ابو ناصر عبدالله ولكنه قديم من 2005م ، ولكن ممكن تسفيد من موقع الشقق الموضح :
APPARTEMENT Schaubensteiner
e-mail : http://www.Schaubensteiner.at
الشقق تسع ل 7 اشخاص معدة بالكامل موقف للسيارات، طاولة تنس وموقف باص امام المبنى
تتراوح الاسعار من 41 - 141 يورو والتنظيف النهائي 35 – 50 يورو

ماتقصر ومانستغني
طيب في فينا انا حجزت فندقين
واحد ثلاث نجوم بسعر 257 يورو لمدة ثلاث ايام وهذا الفندق http://www.geblergasse.com/
والثاني اربع نجوم بسعر 260 يورو لمدة ثلاث ايام وهذا الفندق Hotel Vienna
طبعا الان سعره 300 يورو
فما الافضل في وجهة نظركم ولييت اقدر اتواصل معك يابيمو

هلابك اخوي ،،
بخصوص الفندق الاول مو بطال ،والغرف معقولة، وصحيح انو بعيد شوي لكن محطة الاندرقراوند قريبة منه وهذا ممتاز ،،
اما الفندق الثاني فحاولت أبحث عنه في النت مالقيت شي ، اذا عندك رابط له نزله عشان نشوفه ..
تحياتي ،،

يعطيك العافيه اما الفندق اليك بالرابط
http://www.how-to-get-to-your-hotel.com/hotel/at/hotelvienna.html?aid=100200;sid=85ec5995bc8ea5fb279c30d4cf3a45a4

هلابك اخوي الامير ،،
موقعة جيد والاندرقراوند قريب من خلال محطتين وانت في الكارتنر ، وايضا قريب للبراتر ، أرى انك تحجز فيه عشان الوقت ، وانا حاولت ابحث لك عن فنادق أقرب ولكن المشكلة انو تاريخ سفرك قريب ومالقيت غرف متوفرة في أغلب الفنادق !!
بالتوفيق يالغالي ،،

يعطيك العافيه
انا حاجز في الفندقين
بس الى الان مادفعت شي لهم