Khalid-Qatar
15-01-2022 - 12:40 pm
السلام عليكم
التقرير عباره عن جوله بسيطه ومشوار للمطار الحربي في بتايا ...... المهم
وطلعنا وقبضنا الدرب ورحنا فوق عند البوذا مالهم على الجبل لصغيير الي فوق
الميناء مال بتايا ...طبعا رايحين بس علشان نشوف المنظر من فوق وصورنا لكم كم صووره
وتفظلوا يالربع
شوفوا كيف المنظر عجيب
وعقب شوفوا هالاشكال الي مصدقه نفسها
خلود وصلوح
صلوح وعبود
خلود وعبود
ونرجع شوي للمنظر
يا سلام يا بتايا
هذي واجه المعبد ومكانا ورى المكان الي نصور منه المهم نكمل
يا عيني
وهذي الصورة تحت الجبل عند الميناء
صورة مبنى خفر السواحل الي في بتاياوعقبها بيوم او يومين رحنا وحجزنا تذمره بتايا - - بوكت ب 2450 بات على خطوط بانكوك
طبعا طلعنا من بتايا من المطار الحربي الي عندهم
ركبنا اللوموزين وهوه عباره عن مستبيشي شنها قوطي ووديونا ههه
وتابعونا وفالكم طيب يالربع
مراسلكم خالد - قطر من برنامج منتدى العرب المسافرون بتايا
طبعا كانت الساعه 10 ونص تقريبا والجو كان حلوو وجانا شوية مطر لطف علينا الرحله
طبعا التايلندي مع سيارته القوطي مانعنا من التدخين ومغربلنا نبي ندخن مب قادرين
يا خساره يعني ... هالجبل من جدام صورته بكيمرة الفديو وكانت واجهه الجبل راسمين عليها تمثال بوذا من
ذهب من قمه الجيل لين تحت
المهم مره ثانية نجيبها لكم
جوو حلو الصراحه وظلال مع هالشجر .... مادري شجر كنار ولا شنو
انزين طبعا الرحله من الفندق لين المطار خذت لها تقريبا 25 دقيقة
ووصلنا المطار الى المضيفات الى على الكونتر طالعين لنا لين باب المطار ويهاوشونا تخرتوا وتأخرتوا
نزلنا بسرعه بسرعه وعطونا البوردنق كارد ودخلنا المطار الصراحه صغير بس حليو يعني
دخلنا وعلى طول لين البوابه للدخول الى مدرج الطيارات قلنا بنركب باص يودينا للطياره
بس لا وين طلع قطار صغير ينتظرنا على المدرج وركبنا
ووينك يالطياره وشان تطلع ام مراوح ((ام احمد)) على قوله الشياب قبل
بس والله طلعت عجيبه الطياره
وهذا احنا راكبين القطار مادري الباص المصوصو مادري سله الجمعية ومودينا للطياره
لحظه الصعوود للطياره ... يقولون انها آآمن طياره ام مراوح والله العالم
وهذي مجموعه صور من الجو وتابعونا
ياسلام على هالجزيرة
وبدينا الهبوط التدريجي
ومادري من وين طلع لنا هالنهر
وبعد نزلنا
ووصلنا جزيرة بوكيت وخلصنا الاجراءات في المطار
ورحنا على مكتب سياحي وخذنا لنا فندق ب 1450 بات لمده 3 ليالي
الصراحه استانسنا في بوكت بس التلفزون بهدلنا مايطلع شي بالعربي ولا بالانجليزي مافي الا التايلندي
بس كنا ماخذين احتياطنا وشاريين لنا دي في دي وكل يوم نشوف فلمين وعقب كل واحد يتوكل على غرفته
انشالله عجبكم الموضوع
وباقي كذا موضوع لبوكت وعقب اقولكم مع السلامه وطاير عنكم
واشوفكم على خير
مع السلامه
.