مسائكم سعيد يا اخواني المسافرين .... انا مشتركه جديده معاكم لكني متابعه قديمه جدا
بصراحه نوينا انا وزوجي هالصيفيه نسافر لأمريكا للسياحه وبدينا نعد العده حتى نضبط موعد للمقابله وضبطنا جميع الأمور وفيه شغله وحده بغيت اسالكم عنها
انا موظفه ( مدرسه ) لكن بالاوراق ذكرت اني لا اعمل وسألني الموظف بالمقابله وقلت له لا اعمل ( هل تتصورون ان هذا بيأثر على حصولي للفيزا ( ولاتسألوني ليش ما قلت اني موظفه مادري هي جت كذا )
مقابلتنا كانت يوم الأحد اللي فات وطلعنا للسفاره من الساعه 9 ونص والموعد كان 10 وانتظرنا ساعه تقريبا برا السفاره ولما دخلنا وانواع التفتيش انتظرنا برضو ساعه حتى يشيكون عالورق وبعد التشييك انتظار ساعه حتى ياخذون البصمات وبعدها انتظار ساعتين حتى جت المقابله اللي ماخذت منا ولا 7 دقايق من جد انواع التعب والارهاق
ولافيه معانا جوالات نضيع وقت فيه بس نتفرج على السقف والموكيت
ماطلعنا منهم الا الساعه 2 ونص الظهر
اللي اجرى المقابله كان امريكي من تكساس ... حبوب ومرح بس يضحك ويعلق واسئلته كانت عاديه مافيه شي من برا الاوراق وكأنه يقرا علينا الورق واعطانا كروت وقال بعد اسبوعين تمرون السفاره تاخذون الجوازات وسأله زوجي عن الفيزا قال تاخذ لها وقت على ماتروح الاوراق وتجي ( وياعالم يعطونا او مايعطونا بس الله كريم )