السلام عليكم ورحمة الله وبركاته
كيف حالكم ان شاء الله بخير
بما اني اخترت الوجهه لسفرتنا وهي غالبا عشاني فتركو اهلي علي اختيارا لفنادق شلت هم مره
ابي اقولكم مخططي قبل لا ارسله للاستاذ ريتشارد وان شاء الله يتجاوب معاي
احنا اقلاعنا من الرياض الى كولمبو يوم 4-10-2010 باذن الله بالليل الساعه 10 ووصولنا هناك الصباح الساعه 6 وشي بتوقيتهم
اول يوم5-10-2010 اخترته في نوقمبو واخترت فندق ذا بيتش لانه مااعرف غيره صراحه
يوم 6-10-2010 نطلع من نوقمبو اخترت نروح لكاندي نمضي ليلتين ومحتاره بين الهونس فولز وامايا هيلز الله يخليكم قولو لي كل سلبياتهم وايجابياتهم عشان اعرف اختار
بعدها بيوم8-10-2010 بنطلع من كاندي ونروح نوراليا واتوقع بنختار القراند لاعجاب الاكثريه فيه ليلتين
بعدها بيوم 10-10-2010 بنطلع من نوراليا ونروح بنتوته ليلتين وبنختار فندق تاج
وبعدها ليله كولمبو وطبعا محتاره بالفنادق
اقلاعنا 6 المغرب من يوم الاربعاء 13-10-2010
الله يجزاكم خير ويوفقكم ساعدوني جد محتاره ومهتمه ابي اظبط الحجز