- تكفون الي يقدر يساعدني لا يبخل علي اخوكم متوهق توهيقه لا يحسد عليها .
تكفون الي يقدر يساعدني لا يبخل علي اخوكم متوهق توهيقه لا يحسد عليها .
موضوعي بالتفصيل اني رحت لوكالة سفر وسياحة قبل شهرين بالضبط يعني بداية شهر 2 وحجزت مدينة>>كوالا>>مدينة وكان الحجز اوكي وطلب مني صاحب المكتب (حسبي الله عليه )عربون 2000 ريال بحجة ان الحجز ماراح يلغوه لي لانه راح يشتري لي التذاكر من حساب المكتب لين اكمل باقي المبلغ واذا غيرت رايي راح يروح علي العربون وهو يخصم قيمة 50ريال من التذكرة لحساب الخطوط والباقي يرجع له يعني كل هذا من حقه وافقت على الشروط واعطيته العربون وكان اتفاقنا اخر شهر 4 امر عليه اكمل المبلغ واخذ التذاكر, الى الحين مافي شي كله تمام وراحت الايام وجت الايام وانا مرتاح مستانس وشلون ماارتاح وحجزي اوكي المهم جاء الوعد وهو اليوم 22/4/1427ه ومريت المكتب وانا اموري كلها زينه يعني مستانس وادخل المكتب والقى صاحبي الي هو صاحب المكتب واسلم عليه وسوى فيها مايعرفني قلت مو مشكلة اهم شي تذاكري واقعد عنده لين انتهى من قرقرته بالجوال واعطيه ذيك الابتسامة من الاذن للاذن (لاحظو لهالحظه انا مستانس ) وسلمت عليه ثاني وقلت له انا عندي تذاكر لكوالا من عندكم وهذا السند الي لكم عندي وباقي المبلغ المتفق عليه( مسوي فيها واثق ):m9: المهم قام يلعب بالكمبيوتر الي عنده:mf_pcwhac وانا اقول في نفسي الحين قاعد يطبع التذاكر (قايلكم جاي واناواثق) الا يوم قعد يخز عينه في عيني واطلق ذيك الرصاصة اللي بعدها خليت الاخلاق والإتكيت على جنب:112: قالي حجزك ما تاكد للحين لكن انشالله راح ااكد لك اياه لا و يقولها وهو زعلان (حاس فيني الاخ متأثر ) المهم قلت الحين انت اخذت العربون على اي اساس ؟ وانت قايلي انكم قاطعين التذاكر ومنتهين بس تنتظرون اكمل المبلغ قال لا انت فهمتني خطاء المهم مالكم في طول السالفة (طولت عليكم ) المهم قالي انشالله راح القى لكم حجز لان مجموعنا 6اشخاص (قايلكم الوضع صعب ) وراح يرد علي يوم السبت او الاحد يعني بعد اربع ايام بالكثير
المشكلة مريت بعده خمس مكاتب ومن يوم اقول ماليزيا يردون علي مافي بالعربي لو يطق ماراح يلقى لي حجز بس كان يبي يصرفني.
الي ابيه منكم الله لايحرمني منكم
1- اقدر اعذب:11sted_co راعي المكتب ولالا (معاي سند يثبت كلامي اني دافع عربون لتاكيد الحجز)
2-في امل القى حجز ولا مافي امل راحت علينا .
ودمتم ,,,,,,,,,,,
