1. السلام عليكم ورحمة الله وبركاته

السلام عليكم ورحمة الله وبركاته

من فتره طويلة وأنا متابع لهذا المنتدى الأكثر من رائع وبصراحة أفادني في أمور كثيرة... والله يجزاكم خير...
طبعا بعد ماقرأت 90% من مواضيع المنتدى حسيت نفسي متشتت من كثرة المعلومات ... لي فتره طويلة وأنا اقرأ وانسخ وأحس نفسي الحين ضائع ....ياليت تمشون معايا خطوه خطوه ....يعني ماراح انزل كل الاسئله الحين بس خليكم معايا على طول ...أرجوكم تساعدوني ذي أول مرة بحجز فيها إن شاء الله بنفسي وارتب كل شي قبل السفر...
السؤال الأول: رحت قبل كم يوم للبنك الأهلي وقدمت على بطاقة مسبقة الدفع وقالي الموظف سجل اسمك مثل اللي في الجواز بس للأسف أنا أخطيت في (الاسبلنق) ... اتصلت عليهم قال الموظف لازم تقدم من جديد على وحده ثانيه أو عادي ممكن تمشي معاك إذا في دول شرق أسيا بس في أوروبا لا صعب .... السؤال اخلي البطاقة عندي ووقت ما احجز الفنادق أسجل في بيانات البطاقة اللي في الموقع نفس الاسم اللي أخطيت فيه؟؟؟
السؤال الثاني:كنت ناوي أسافر أنا وزوجتي في آخر شهر فبراير بس لاحظت في هاذي الأيام إن الأسعار مره مرتفعة وعدم توفر غرف في بعض الفنادق ... فكرت إني أأجل الرحلة إلى 10 مارس تقريبا ايش رأيكم تكون الأسعار برضو مرتفعه ولا نزلت شوي مع العلم إني ابحث واخطط بقدر المستطاع إن تكون الرحلة اقتصاديه وفي نفس الوقت أبغاها تكون شهر عسل؟؟؟؟
السؤال الثالث: بالنسبة للرحلات الداخلية الأفضل والأرخص احجزها قبل السفر أو هناك في ماليزيا؟؟؟
السؤال الرابع: هل يوجد فندق في نفس مبنى برج التؤام ... إذا كان موجود فندق ايش اسمه؟؟؟
السؤال الخامس: رشحو لي أفضل فندق في كوالا من ذي الفنادق من ناحية الموقع والفخامة والاطلاله (بيكولو – دورست رجينسي - باسيفيك رجينسي)؟؟؟
وسامحوني راح اتعبكم معايا بس والله مالي غيركم بعد الله ...