s0kar
19-07-2022 - 08:00 am
السلام عليكم
أولا شكرا لمرورك لموضوع قامت بكتابته عضو جديدة بالمنتدى
وأخيرا سوف يتحقق حلم حياتي وسأسافر الى مصر بعد شهر تقريبا
خطتي :
تبدأ الرحلة يوم 5 اغسطس ولمدة اسبوعين
3 ليالي بالاسكندرية نشوف معالمها ومكتبتها وآثارها ( أكيد ما يكفي بس بنرجع لها بعدين )
3 ليالي بالجونة ( من كثر ما قريت عنها منكم والله يعطيكم الف الف عافية)
4 بشرم الشيخ ( عشقتها من كثر ما شفتها بالافلام)
4 ليالي بالاسكندرية (هذي خاصة لراحة والاستجمام فقط بدون اي طلعة بس البحر والبيت)
الحين انا توهقت بحجوزات الفنادق ... ما ادري كيف احجز ؟ وابغى تساعدوني وتعطوني آرائكم؟
الاسكندرية.. اخترت هيلتون جرين بلازا بس من موقع الى الثاني يختلف السعر كثير وبصراحة ما ادري مدى مصداقية المواقع الالكترونية
الجونة ... ما قصر المشرف العزيز اعطاني رقم المكتب واتصلت ورتبت معهم اني باخذ ستديو صغيروون
شرم .. حطيت عيني على جولي فالي بس شوي غالي... بس يالله ابغى مكان جميل وحلو.. اذا عندكم لا تبخلون علي
الاسكندرية .... اذا رجعنا بنآخذ شاليه.. بس من وين اقدر احجزهم وهل عند احد فيكم رقم مكتب حجز او رقم صاحب شاليه او اي شيء يقدر يساعدني فيه
ولكم مني جزيل الشكر
على فكرة بسافر انا واختي ووبنتين لها صغار اعمارهم 3 و 4 سنوات فاتوقع ان احنا مو محتاجين الى شاليه ضخم... بانتظار ردودكم مع خالص تقديري
أختكم سكر
