اولا مبروك

• 1- الصرف وش الافضل

الصرف افضل شي من الصرافين هناك ولا تصرف من المطار اي مبلغ الا 200 ريال علشان قيمة التاكسي

• 2- التوزيع بالنسبة لليالي جاكرتا بالي الجبل او العكس

صراحة رحلة 10 ايام قليلة جدا وما يمديك تروح لبالي
يومين جاكرتا
4 ايام الجبل
1 يوم باندونق
3 ايام جاكرتا
هذا على حسب جوك اذا تحب طبيعة ولا تحب المدن

• 3- اقتراح سكن نظيف و سعره معقول واحجز من هنا والا من هناك

روح لمكتب كاها واحجز من عنده ارخص بكثير
بالنسبة للفندق بجاكرتا عندك خيارات كثيره بمكتب كاها تحصل خياراتك
بالجبل تاخذ فله وانصحك بمدينة الزهور

• 4- الاماكن السياحية والفعاليات

راجع تقارير الأعضاء بتحصل كل شي

kfsh_fs
عندي كم استفسار الله لا يهينكم

• 1- الصرف وش الافضل

تاخذون معكم دولارات وهناك تصرفون روبية

• 2- التوزيع بالنسبة لليالي جاكرتا بالي الجبل او العكس

راح يكون وصولكم الاثنين 13-9 ومدة اجازتكم الفعلية 9 ايام
فالافضل تكون يوم للراحه في جاكرتا
الثلاثاء 14-9 التوجه من الصباح للبنشاك
بما انكم شباب خذو لكم يوم تطلعون من الصباح تتجهون لضاحية لمبانق وتمرون على باندونق اذا حبيتو السوق وفي الليل ترجعون للبنشاك
الاحد 19-9 في المساء التوجه لجاكرتا
تقضون الاثنين والثلاثاء ويوم الاربعاء التوجه للمطار

• 3- اقتراح سكن نظيف و سعره معقول واحجز من هنا والا من هناك

اذا وصلتو ان شاء الله من المطار

• 4- الاماكن السياحية والفعاليات

بيفيدوك الشباب او لي عوده ان شاء الله بروح اصلي الان
جزاكم الله خير مقدما
وادعوا لي بالتوفيق انا وخويي
الله يوفقنا واياكم

ماقصر اخوي orang اعطاك المفيد ...........
8 ايام فعليه بالديرة .. والله اعلم انك تشيل بالي من القائمة او انك تزيد المبلغ وتروح لبالي ...
جاكرتا يوم >> الجبل 5 ايام >> وترجع لجاكرتا ... 100$ يومي شامل السكن
او جاكرتا يوم >> بالي 5 ايام >> وترجع جاكرتا ... 200$ يومي شامل السكن
عموما 8 ايام صدقني غير كافيه باندنوسيا لانك دافع تذكره مبلغ وقدره .. والشيء راجع لك انت اخوي .. لو تقدر تزودها لاسبوعين يكون افضل ...

• الجو في جاكرتا رطب وحار نوعا ما فلا انصحك بالجلوس فتره طويلة بجاكرتا ...
• الفنادق لم اسكن سوا في واحد وهو القولدن جيد نوعا ما ولكن اغلبيه الاخوان هنا لم يمدحونه وكان سكني فيه عام 2008م وسعره 180 ريال تقريبا .... كل سكني بالشقق الفندقية لاننا شباب ...
• جاكرتا اطلع لملاهي دنيا فانتزي وعندك عالم البحار والالعاب المائية اما الجبل لديك خيارات عديدة 1- حديقة الزهور 2- الشلالات 3- سفاري 4- بحيرة الليدو 5- حديقة الشاي 6-البراشوت ...
• الاسعار اعلاه غير شامله التسوق والاشياء الشخصية الاخرى ..... وهي تعتبر كحد اعلى باذن الله ...

kfsh_fs
عندي كم استفسار الله لا يهينكم

• 1- الصرف وش الافضل
• 2- التوزيع بالنسبة لليالي جاكرتا بالي الجبل او العكس
• 3- اقتراح سكن نظيف و سعره معقول واحجز من هنا والا من هناك
• 4- الاماكن السياحية والفعاليات

جزاكم الله خير مقدما
وادعوا لي بالتوفيق انا وخويي
ماشاء الله عليك كيف لقيت حجز
لو كلفت عليك تسدح رقم المكتب اللي في الدمام أو جواله
تعبت مالقيت حجز ل 3 نفر من مساء العيد وحتى يوم 13/10
ياليت نتخاوى على الرحلة مع بعض أخوك راكان

توقيت رحلتك صعب اخوي بالسكن حاول قدر الامكان تحجز اقل شي اول يوم من النت بزياده بسيطه او وكل الله زي ما قالوا لك الاخوان وسجل اسماء فنادق عديده لو مالقيت بواحد تاخذ ثاني لان رحلتك بتكون وسط موسم اجازه الفطر اللي تبدا من 9 الي 19 سبتمبر
بقيه اسئلتك الاخوان ما قصروا كفوها ووفوها طرح ورد بارك الله فيهم

orang gila
الله يعطيك العافية

jaka
مشكور اخوي ماقصرت ودعواتك لنا بالتوفيق

راكان العباس
اخوي لنا الشرف نخاويكم وبالنسبة للمكتب في الرياض وما اتوقع الادارة تسمح بوضع ارقام لاكن شف اي طريقة نتواصل فيها وانا تحت امرك

جاكرتاوي 999
بيض الله وجهك وما قصرت اخوي ولو الود ودي كان جلست شهر بس خويي اجازته بس عشر ايام
وحنا ودنا نروح جاكرتا وبالي والجبل حتى ولو المدة قصيرة
والله يعطيك العافية