غلا المنامة
02-05-2022 - 12:14 pm
السلام عليكم..
حجزي على باريس ان شاء الله من 2 الى 7 يوليو. نطير 2 يوليو الفجر يعني نوصل الضحى و حجزنا في الماريوت فيلج ف بنقضي اليوم الأول في أكتشاف الأوتيل و المنطقة.
ثاني وثالث يوم (3 و 4 يوليو) بيكون في ديزني (ياريت احد يفسر لي كم منتزه اهو وكم وقت يحتاج كل منتزه عندي 4 أطفال).
رابع و خامس يوم (5 و 6 يوليو) فاضيين وناويين نروح على باريس بس ما ادري وين اروح انا باقولكم الي في خاطري و انتو رتبوا لي الجدول: ودي اروح المونامرت و برج ايفيل و متحف اللوفر و اللافاييت (على فكرة هو وين محله بالضبط؟) و بعد خاطري اروح الغابة و سلامتكم.
اخر يوم 7/7 التوجه الى لندن في ما في وقت اسوي شي ولبي على التلبيق.
باموت خاطري اشوف كل شي هاذي اول زيارة لي لباريس و ابي اشوف ع الأقل الأماكن المهمة.
السوق عندي مو مهم لأني رايحة على لندن بعد باريس بس ابي ازور اللافاييت اخذ فكره وكونه علم من باريس.
شاكرة لكم تعاونكم.
البارك الاستديو الفيلاج ( بدون تذكرة دخول)
بعض الاحيان الفنادق تقدم احقيه لك بالدخول لديزني بدري قبل الناس وتتفاهم فيها مع فندقكم اذا شريتوا منه
الاستديو بالكثير عليه يوم او نص
البارك هو اللي يستحق الوقت الاكثر ويفضل ما دام بالصيف انكم تستخدمون الباس
لكم رابطين راح يفيدكم كثير باذن الله
https://artravelers.com/p/re/603316
ودي اروح المونامرت و برج ايفيل و متحف اللوفر و اللافاييت (على فكرة هو وين محله بالضبط؟) و بعد خاطري اروح الغابة و سلامتكم.
تبينهم بيوم واحد تقدرين وبسهوله بس ما تطولين باللوفر وتقدرون اللوفر الساحه من فوق تتمشون فيها وتنزلون للمتحف داخل دون الدخول بالاقسام
لافيت هو بجانب الاوابر وهي منطقه تسوق ان رحتي الي لافييات فيه مطل بالدورالسابع لا يفوتكم اذا حابه بالخريطه يوضح لك البعد بين الاربع المواقع ابشري