السلام عليكم ورحمه الله وبركاته
رمضان مبارك عليكم .. وربي يتقبل منكم ماتبقى من شهر رمضان ويبلغكم بعيد الفطر المبارك
بداية احب ارحم فيكم جيمعا وانقل لكم الصورة الاوليه اللي شفتها من اول مانزلت
اقلعت امس يوم الجمعه الموافق 2-8-2013 على طائرة الخطوط السعوديه من مطار الدمام على متن طائرة الايرباص 321 والرحله رقم 321 ايظا وتاخر الاقلاع حوالي نص ساعه ووصلنا مطار القاهره الدولي الساعه 4:25 دقيقه تقريبا .. حركة المطار كانت عاديه جداا ومن الوهله الاولى حسيت ان الامور تمام جدا كان باستقبالي السواق بالسياره اللي متعود استاجر منه وهيا مصر زحمه انا قلت يمكن عشان الجمعه ووصلت لفندق الماريوت بالزمالك وعملت اسرع تشك ان في حياتي لم يتجاوز ال 3 دقائق والفندق مو ذيك الزحمه طبعا طلع العرق السعودي وحبيت اسال وسالت رجل محترم بالرسبشن اسمه مستر محمد عن نسبة الاشغال الحاليه قالي ماتتجاوز 10 بالميه!!!!!!
ولكن الاوضاع والله طبيعيه جدا جدا جدا ولا فيه اي مشاكل والشرطه مشاء الله بكل مكان انا حتى الاول ماكنت الاحظ وجود الشرطه بالكثره هذي من بعد ثوره 25 يناير مابي اكون سياسي لان مالي فيها بس حبيت تكون الفكره وصلت يعني الشرطه ولله الحمد بكل مكان والامان موجود بكل القاهره ولاكن هناك مكانين يحظر الذهاب لهم لان باختصار شديد ناس لهم شأنهم الخاص مالكم ومالهم على قولة اخوانا المصريين
رحت اكلت في قدورة وكان الاكل عجيب وتسحرت في النيل جراند ( قراند حياة سابقا) السياحه شبه معدومه ولاكن شفت ناس خليجيين بفندق الماريوت بالليل لاكن مو بالكثره اخوانا العرب اكثر لاكن بصراحه ماعرفت احدد الجنسيات بس الواضع انهم عرب وشفت اجانب برضو بس جاني احساس انهم صحفيين .
الفكره من كتابة الموضوع :
( الفكره هي اني حبيت انقل لكم الصورة كم شفتها عن طريق سرد كل شى شافته عيني واتذكره )
انا رايح شرم الشيخ يوم 10 اغسطس لين 14 اغسطس ومن ثم العوده الى القاهره ترانزيت ساعتين وبعدها راجع للدمام .. الفكره اني ذهبت الحين عشقي لرمضان مصر له نكهه خاصه في قلبي
للمعلوميه احنا شخصين بالسفره ...
ملحوظه :
لاتصدق كل ماتراه في التلفاز فالحقيقه تدلس والواقع يزور
الملخص المفيد :
كل اللي خايف من الجيه عشان الاوضاع فابشره واقوله تعال والامور تمام
اما اللي بيجي ويدور زحمه مصر مثل اول فاقوله لاتكلف على نفسك وتجي الامور هاديه تماما
الخاتمه :
دعواتكم لي ولكم ولجميع المسلمين
فمان الله