السلام عليكم
هلا وغلا الغالي
المنطقه هذي اغلب الي يسكنونها من الخليجيين ايحبون الهدوء والبعد عن الناس ..
وسكنتها مرتين ..مره سنة 93 واخر مره سنة 2004 ..
وقريب منها مستشفى كرمويل ( يتبع حكومة الإمارات ) والأغلب من سكان هالمنطقه من اهل الإمارات لقربها من المستشفى ..
والمنطقه فيها مطاعم حلال ..
إذا اتحب الهدوء والبعد عن الخليجيين فهذي المنطقه راح اتعجبك ..
ولي تامر فيه احنا تحت امرك الغالي ..
بس اياني وياك اتزعل ام طلال ..يكفي انك ماراح اتقعدها في لندن على هواها

انا بامانه حجزت هناك شقه وغرفتين وصاله وهل كلام من ابريل بس ما خبرتها تعرف راح ومن الوالد الله يخليها لما كان يدلعنا ..... بس تعرف هي الفنادق اللي تبيها اوفر البجت مالي وانته ادرى بالصيف كيف تصير لندن ......
على فكره هي بعده مصره اتمدد بس تعرف انا ما رايح بروحي معا ام طلال وطلول رايح معا الشغاله واخواته ولو كنا 3 حماس انوله وين ما تبى بس ينحسب ضعف السعر ......
في كل شي وانته خبير لندن وادرى بالاسعار ......
وياي رمضان وعقبه العيد .... وغير كذا بوديها سويسرا وفرنسا
اتصدق اتصلات على الاماراتيه قالت لهم اذا بغينا نرد تاريخ 19 بدل 15 وانا انصدمت شور علي اذا بتمدد وين اسكن وبسعر معقول ...........؟؟؟؟؟؟؟

اهم شي يا اخوي القطري المنطقه راقيه ؟؟؟؟؟
كم تبعد عن الهايد بارك و واماكن شوبينك هارودز جيمس بوند ستريت ..... واكسفورد ؟؟؟؟
عشان كذا قلت اسال خبيرنا قبل ما يطيح الفاس بالراس وام طلال اذا ما عجبها شي زعلها عجيب ......

ههه
كفو عليها :8888:
غيرت الحجز من 15 إلى 19
الله لاأيفرقكم ابدا ويرزقكم الذريه الصالحه ..
الله يرحم ايام العز :8888: ..كان الوالد ايقول حق الأهل وين تبون تسكنون وبدون حساب :8888:
اما الحين انحاول انبعدهم على قد مانقدر :8888:
شوف طال عمرك ..
فيه رقم وحده عراقيه اسمها مريم حطيته عند الإداره ..اطلبه منهم وكلمها وقول لها جايتني توصيه اكلمج والقطري ايسلم عليج :8888:
وان شاءالله ماراح اتقصر معاك ..احنا ناخذ الشقه من عندها 750 باوند في الأسبوع ( غرفتين وصاله ) بس ماأدري هل هذا السعر لنا احنا ولا الكل ..
انتظرك الغالي

AbuTalal7777
والشور لك طال عمرك ..

لالالا بالعكس حنا نحب اخوانا الخليجين الواحد ما يحس روحه في غربه يعني منطقه وايد وايد هدوء ؟؟؟؟؟ بس كيف من ناحيه الامان ؟؟؟؟؟؟؟؟
والله اني يالس افكر اذا ام طلول ما عجبها شو اسوي ذيك الساعه ........

إذا بغيت الصدق ..
ماأدري ليش بس احسها ماراح تعجبك ..
لأنك متعود على قروفنر وعارف الجو هناك غير ..

كيف اتوصل معا الاداره ما اعرف راسي كذا ما اعرف لو ام طلال تقرا روحت فيها وشقق اللي من عند مريم هذا سغر الصيف ؟؟؟؟؟؟؟؟

الغالي
اطلب الرقم عن طريق بوابة الإقتراحات من اهنا
https://artravelers.com/s/33
والسعر اخذناه في الصيف .. ( لاأتعلم احد :8888: )