المحترم / خطاب2
أسعد الله صباحك ومساءك بكل خير
لا يخفى عليك بأن المنافذ دقيقة جداً فما أعتقد الخروج من قطر إلا بتفويض رسمي معتمد من صاحب السيارة والله أعلم
لذا أنصحكم بأخذ الحيطة وذلك بإستخراج تفويض قيادة سيارة
مع العلم بأن إستخراج التفويض سهلة جداً وفي خلال 30 دقيقة ويستوجب عليك وجود رخصة قيادة والهوية الوطنية سارية المفعول
وتروحون وترجعون بالسلامة والله يبارك لكم في حلالكم

جزاك الله خير اخوي سعود .. لكن هل التفويض اللي تقصده نسويه في السعودية ولا قطر ؟
اذا في قطر كويس لأن خويي ساكن بالرياض وانا بالأحساء وراح يمرني في الطريق وصعبة نسوي تفويض في السعودية ونطلع قطر نشتري وننقل الملكية في قطر بنفس اليوم ..
لأن الوكالات القطرية تدوام الصبح واللي يجيهم على الساعة 8 - 9 الصبح وفلوسه معه كاش والسيارة اللي يبيها موجودة يمديه ينقل الملكية ويرجع في نفس اليوم

حياك الله
أقصد السعودية
مدام خويك بالرياض عادي أرسل له صورة رخصة القيادة + صورة الأحوال عن طريق الفاكس وأهم شي ما تكون عليكم مخالفات وتكون سارية المفعول ويطلع التفويض
وفيه خدمة أسهل وهي تفويض السيارة إلكترونياً دون الذهاب إلى المرور لكن للأسف بحثت في موقع وزارة الداخلية وموقع الإدارة العامة للمرور بس ما شفت خدمة التفويض
وهذا رابط تصريح اللواء / العجلان ( هنا ) وهذا مركز المعلومات الوطني ( هنا http://www.moi.gov.sa/wps/portal/nic/!ut/p/b1/04_Sj9CPykssy0xPLMnMz0vMAfGjzOJNnQOcPS18jQ3dnU2cDTxNDMMMgp1NjUNdTPWDE4v0C7IdFQHXOmHI/ )
وأي استفسار آخر حنا في الخدمة

وهذا رابط سوف تجد فيه نموذج تفويض قيادة مركبة ( هنا http://www.rt.gov.sa/applications.php )

الله يبشرك بالخير اخوي سعود .. لأن تفويض السيارة بالذات يفرق عن نقل الملكية في انه يجب حضور الطرفين الى المرور ولا يسمحون ان يسويها معقب حتى لو كانت جميع المستندات معه والطرفين يحملان رخص وبلا مخالفات .. وهذا الكلام متاكد منه إلى قرابة عدة أشهر من الان .. فالله يبشرك بالخير وان شاء الله يطبقونه فوراً لان من الامور الغريبة عندنا ان تفويض القيادة يشترط فيه حضور الطرفين الى المرور ونقل الملكية لا يشترط فيه ذلك وإنما تكفي عمل مكاتبة في المعارض

ولا تفويض ولا شيئ!
التفويض والوكالات تكون في حال غياب الشخص، أما والشخص صاحب السيارة موجود معك في الجمارك فلا توجد أي مشكلة. ينزل من السيارة ويرجع لك في الجمارك ويبرز لهم الأوراق وبطاقته وانتهى الموضوع.

المحترم/ الأمير غازي ،، لا هنت على الإفادة
والأستاذ/خطاب2 ،، علمنا وش يصير معك علشان نستفيد
دمت بود