حياك الله
انا مره قرأت ان اليابان من اغلى الدول بالمعيشة على مستوى العالم خصوصا بالعاصمة طوكيو , وبالنسبة لتاريخ السفر بشهر يناير يكون الجو بارد مثل اوروبا ولاتنسى ان سعر التذكرة غالي لان البلد بعيدة ,جرب ماليزيا افضل ,واذا مصمم على اليابان خلها بالصيف الجو يكون حلو
بالتوفيق

زرت اليابان سابقاً طوكيو ... حقيقة اسعارها غاليه .,, ولكن بصراحة جداً جميلة وتستحق الزيارة راح تشوف حياة اخرى وناس طيبة واماكن جميلة
وراح ازورها تقريباً في الوقت الي انت راح تكون هناك
بس ما ادري هل هي راح تكون فيها اماكن سياحية ممتازة في هذا الشهر او لا لأن الجو راح يكون بارد إذا كان لديك اماكن عنها ياليت تفيدني
ولا تنسى مشكلة الأكل ... اكبر مشكلة واجهتني ,,, لا يوجد اكل حلال إلا نادر في المطاعم الهندية والعربية
فإذا نويت تروح خذ معك جبن واشياء تمشيك

اخي الكريم ولله الحمد زرت اليابان اكثر من مره ....
( رحلة شباب لحب الاستكشاف و المغامره )
البلد جميل جدا للاسكشاف والمغامره ..... ولكن لايوجد فيه برامج سياحيه كثيره .... فلايعتبر بلد سياحي
الوصول لطوكيو من تاريخ يناير حتى يناير خمس ليالي
في هذ الوقت البلد بارده جدا جدا ...... ممكن يكون ثلج ... انا رحتها في فبرائر واكنت درجه الحراره واحد مئوي
معدل الصرف للفرد اليومي من دون السكن و التذكره كم بيكون تقريبي ؟ بدون مبالغه
البلد غالي جدا ....
التنقلات عن طريق المترو رخيصه .... ممكن يوميا تكلفك 100 الى 150 ريال سعودي حسب المشوار
الاكل .... اقل وجبه تكلف 100 ريال ( سندويش الشاورما 30 - 40ريال ) ..... يعني 300 ريال كافيه للاكل والشرب اليومي
السياحه .... لا اعلم ان هناك رسوم لكثير من اماكن السياحه ... ولكن ان وجدت في 100 ريال بحد اقصى ماعدا ديزني ممكن الدخول 700 ريال ليومين

هل تستحق الزياره في هذه الفتره و ماهي النشاطات الي ممكن نمارسها
من وجه نظري ... لا تستحق الزاره في هذه الفتره ... الا اذا خلصت العالم وماباقي الا هي
واخيرا البلد غير سياحي ولكنه بلد تنبهر بتطوره الكبير وهي فرصه للتعرف على ثقافات جديده .....
اكثر شي عجبني اثناء زيارتي هي هيروشيما ..... وممكن تستعين بمرشد سياحي في البلد وهو بالفعل سيجعلك تستمع بكل دقيقه فيها ( من تجربتي )
واي سؤال انا في الخدمه

يوجد تقرير للاخ عبدالله الربدي ممكن قرائته

بالنسبة للطقس الجو بارد جداً الآن ، توصل درجة الحرارة ل صفر
حط في بالك إن درجة الحرارة أرفع من درجة الرياح ، يعني لما درجة الحرارة صفر فبرودة الرياح تساوي (- 5) خمسة تحت الصفر تقريباً.
المعيشة غالية جداً و العقار غالي لكن أنت سايح منت رايح للعيشة هناك.. و من تجربة اليابان أسعارها معقولة
المواصلات عن طريق الصبواي ، أبعد مشوار ما يكلفك أكثر 12 ريال ، و أنت يومياً بيصير عندك مشوارين تقريباً رئيسية فالتكلفة رايح جاي ما تتعدى خمسين ريال.
و تقدر تشتري من محطة الصبواي بطاقة خاصة شحن اسمها suica و وحدة اسمها Pasmo.. تشتريها مشحونة و فيها ألفين ين مثلاً و تقدر تستخدمها في بعض البقالات والصيدليات و الباصات (ماتستخدم في التكاسي لأن التكاسي غالية جداً و فتحة الباب في طوكيو ب40 ريال و أوساكا ب37 ريال تقريباً). و إذا بغيت ترجع و البطاقة فيها مبلغ تقدر تسترده.
الأكل بتلقى وجبات بخمسين ريال و بتلقى بثلاثمية ريال. دائماً خل أكلك من المطاعم العالمية لأن أسعارها متقاربة زينا.
المتاحف رسومها رخيصة جداً ، أغلى متحف تلقى تذكرته ب25 ريال. لكن الأماكن الترفيهية التذكرة فوق المية ريال.
أنتم شباب يعني ما فيه مشتريات غالية من غينزا و شيبويا وغيرها من الأماكن الخاصة بالموضة والماركات العالمية، و لو شريتوا أشياء فبتكون من أكيهيبارا و شينجوكو و هناك المحلات بتلقى الغالي فيها وبتلقى الرخيص.
طوكيو كبيرة و لا يكفيها خمسة أيام للفرفرة ، و أختلف مع أخوي حموشي يقول إن اليابان مو سياحية، بالعكس اليابان سياحية بإمتياز و تصلح للسياحة العائلية.
القروبات و العروض السياحية كثيرة و لهم مواقع.
موفق و سفرة ممتعة.

الحمدلله سافرت اليابان مرتين 2010 و 2012 الأسعار مو غالية.. لو إنك سائح جاي الرياض بتلقىى الرياض أغلى! (أسعار فنادق ومطاعم فخمة الرياض أغلى)
بالعكس بالنسبة للعوائل مع الأطفال اليابان جدا معقولة أسعار أغلب المواصلات مجانية للأطفال ودخول الاماكن السياحية غالبا مجانا للأطفال
برأي أفضل وقت لزيارة اليابان هو نهاية مارس إلى منتصف إبريل وقت الشيري بلوسم الربيع جو رائع في اليابان
طوكيو كيوتو يونفيرسال ستديو بأوساكا هيروشيما هاكوني تقريبا هذي أهم المدن الي تصلح للعوائل في التمشي طبيعة ومدن ترفيهية ومزارات سياحية وتاريخية وأسواق