تروح وترجع بسلامه
اخوي انا في شغله لازم اسويها قبل لا اسافر
اقسم المبلغ والحمدلله ماينقص معاي ولا شي
مثلا انت ميزانيتك قول باخذ المتوسط منك وانت رتبها على كيفيك هذا مثال
الميزانيه 6000 دولار غير التذاكر ماعرف اسعارها حاليا
حلو عندك السكن غرفه لشخصين مثلا 200 دولارفي الليله طبعا في ارخص وفي اغلى
انت بتظل سبع ايام يعني 6 ليالي 6 في 200 = 1200 دولار للسكن
اجار السياره يعتمد عليك وانت ونوع السياره الي تبغها سياره متوسطه السعر 100دولار في اليوم
لمده سبع ايام 7 في 100 = 700
عندك صار اجار السياره والفندق مجموعهم 1900 دولار
اطرح 6000 دولار ناقص 1900 ثمن السياره والسكن
0-1900 = 4100 دولار
هذا المبلغ المتبغي
اقسم المبلغ على سبع ايام
4100قسمه 7 ايام يطلع لك ياخوي 585 دولار في اليوم
يكون صرفك في اليوم 585 دولار هذا مبلغ جيد
ومنها البنزين(( لازم من اول يوم تعبي فل وتكون معا السايق وتعبي معاه بنزين لاتعطيه فلوس يقولك انا بعبي))
خلك معا
وفي الاخير يعتمد عليك انت وميزانيتك يمكن تكفيك ويمكن لا في ناس يصرفون في اليوم اكثر من الف دولار

مرحبا أخوي
أكيد بيكفيك وبزيادة
خلينا نقول بتسكن ب 200 دولار والسياره ب 150 دولار هذا السعر فوق المتوس بشوي
200+150= 350 دولار * 7 = 2450 دولار * 3.76 = 9212 ريال سعودي
المتبقي 10000 ريال / 7 أيام = 1428 ريال يومياً تعيشك ملك
0ريال بتكفيك كثير

محمد.م
اول شي حياك الله اخوي محمد
بس الظاهر البعض ماركز على مالون بالاحمر
اذا الدعوى فيها سهرات وبسطه ووناسه كل يوم كل يوم فهذا يعتمد على المكان اللي راح تسهر فيه....لأن فيه ( مطارح ) السهر فيها يكلفك 300 و 400 و 500 دولار لليله الواحده حق شخصين..لاحظ هذا السهر بس. اذا انت راح تسهر في مثلك هيك مطارح عز الله يادوب يادوب تكفيك 30 الف ريال لشخصين لمده اسبوع، أما اذا كان سهرك عادي وفي اماكن عاديه مو أماكن ال ( high class ) في هالحاله بيكفيك المبلغ ويزود بعد
تحياتي

مشاء الله عليك ماخليت شي حق موسم الصيف ههه
انا مسافر من 6 مايو الى 14 مايو سفرة شباب بودي معاي 1300 $ مصروفي الشخصي غير السكن وسيارة
الاسعار طايحة ألحين ومافي منمو جارج نفس الاعياد وراس السنة والصيف
وعلى حسب ماقالي واحد لبناني ان حتى السولدير فاضي
بس بليل بالويكند يصير زحمة معتدلة والشوب بداء
بداية شهر ابريل كان في حركة وارتفاع بالاسسعار لان كانت
اجازة ربيع بالسعودية و في كير من العوائل قضوها بلبنان
فصارت حركة ورتفعت الاسعار أم الان نزل كل شيء

بومروان13
ههه اخوي انا احب يوم اسافر ما احرم من نفسي من اي حاجة ابدا
لكن لبنان اول مرة ارحلها وفعلا غالية مقارنتا بالدول الي رحتها وعشت فيها ملك على قول اخي
هيبة ملك
على العموم 5 ايام20-30 الف اتوقع حلوة
(5) ايام وليس (7)

طب يا اخوان انا عندي موتر
اقدر اطلع بيه ؟؟ وهل اوفر لي ؟؟؟
وغير كدا هل اقدر اعدي من سوريا حاليا ولا مقفلة

محمد.م
بحكم خبرتي وكثر سفراتي للبنان بمواسم وغيره
المبلغ اخي الفاضل يكفيك بالراحة حسب المدة (5) ايام بما انك لست بموسم
واعلم ان مبلغك حتى لو كان بأعز المواسم سوف يكفيك لمثل تلك الفترة
تستأجر سكن وسيارة وسهرة ليلياً .. وتذاكر طيران ...
اخي لبنان تحتاج ذكاء من الشخص كيف ومتى يصرف ..
بالنسبة للسيارة ما انصحك لأسباب:
المشوار طويل، والحدود البرية تأمين ورسوم وقلة حيا وتأخير
ومرمطة بالاردن وسوريا ولبنان (من باب تجربة قلت بكشخ بسيارتي)
اولاً: الاردن على طول رادارات ويتصيدون الخليجي ومخالفة فورية ..
ثانياً: بتكسر سيارتك على الخطوط السيئة.
ثالثاً: ماتسوى تعب الرحلة القصيرة (خمس ايام) ..
وبالآخير تطلع عليك نفس السعر ..
السيارة لا ينصح بها إلا في حالة انك بتجلس فترة شهر واكثر
او لديك عائلة كبيرة والتذاكر مكلفة لمن احواله المادية بسيطة ..
تمنياتي لك بسفرة ممتعة ...

ولد بابا وماما
انا قلت لو اشحن سيارتي لين سوريا واستلمها من هناك
لاني احس راح اوفر كثير !! عن طريق البسامي
خصوصا انو لو طلعت بسيارتي راح اكشخ صح هناك ك
بدل ما اروح استاجر سيارة كشخه واشيل هم سعرها
لاني حصلت نفس موتري للايجار بقيمة 300 دولار باليوم
انا اشوف فكرة استاجر من هناك غالية جدا
ولو طلعت بسياارتي راح اوفر كثير حيث ما تبقى من المزانية راح يكون للخط والبنزين وللسكن وللصرف فقط
ما رايكم؟؟

نصيحه لاتسافر بسيارتك
اذا انت شايل هم الايجار فأنت بتخسر قده من ورى المنافذ الجمركيه والردارات والبنزين وبتكسر سيارتك على الخطوط السيئه جدا هناك، وحط فوق هذي خطر ان السياره تسرق منكم...الصيفيه اللي راحت انسرقت سيارتين لسواح سعوديين في لبنان وأكثر من كذا صار بسوريا...وفوق هذه وتلك خطر الحوادث المروريه لان القياده هناك ضرب من الجنون واسأل مجرب ولاتسأل طبيب، وحتى الشحن وهو الشحن يعدم السياره الحين، اذا سيارتك نظيفه وتخاف عليها خلها بديرتك وسافر بالطياره اريحلك، ولاتنسى ان سوريا مولعه الحين ويمكن يتصيدون على السعودي. عشان كذا اشتر راحتك احسن. ولاتنسى انك بالأخير رايح خمسه ايام بس يعني ماتسوى تضرب مشوار الالاف الكيلومترات عشان خمس ايام او اقل