وعليكم السلام ورحمة الله وبركاته
هلا وغلا الغالي
موع بوكينق أرخص من الموقع الرسمي للفندق ..
وفي الغالب المواقع الرسميه اتحط اسعار غاليه وخصوصاً ال 5 نجوم ..
اموفق الغالي

ما شاء الله عليك يالقطري دائما مميز ومتواجد لمساعدة الاعضاء .. الله يعطيك ألف عافيه ..
بالنسبة لحجزها من موقع الفندق الرسمي انا برضو جربته وحصلته أغلى ولكن أقصد لو أروح للفندق و أحجز منه بيكون نفس سعر موقعهم أو أكثر أو أقل .. وبرضو هل هو أقل من موقع بوكينج او اكثر ..
لأني سمعت اشياء كثيره ،، اللي يقولك تحجز من مكتب سياحي ارخص من الحجز من الفندق نفسه و اللي يقولك تروح للفندق و تحجز من عندهم أرخص لك من المكاتب السياحيه او المواقع حقت الحجوزات ..
يعطيك العافيه مره ثانيه ..

هلابك الغالي ..
الله ايعافيك وايطولي بعمرك واحنا تحت خدمتكم ان شاءالله
الطريقه الي افضلها وأتبعها هي كالأتي :
في البدايه اكون خلفيه عن سعر الفندق من خلال مواقع النت مثل بوكينق وأكسبيدا ..
وبعدها اروح للسفريات واقولهم عن الفندق الي انا ابيه .. إذا السفريات عطتني أقل وهذا للأسف ماقد صارت معي سكت وتوكلت على الله وحجزت من عندهم ..
إذا طلع سعر الفندق في السفريات أكثر وهذا المعتاد قعدت اتناقش معه في السعر لين اوصله اما نفس القيمه او قريب من القيمه ..وبعدها أحجز من السفريات حتى لوا كان الفرق شي بسيط ..
بعطيك مثال ..كنت ادور فندق في هولندا واخترت واحد مكانه حلو وقريب من الأماكن الي ابيها ..لقيت سعره في موقع بوكينق 4000 ريال لمدة 5 ليالي ..
فرحت السفريات وقلت لهم كم سعر الفندق الفولاني لمدة 5 ليال !!
قالوا لي كلهم فوق ال 6 الاف ريال !!!!!!!!
طبعا ماتناقشت معاهم ورجعت حجزته عن طريق موقع بوكينق ..

للآسف زي ما توقعت المكاتب السياحية غاليه .. ولكن بقي سؤالي الموجود في العنوان ويمكن موب واضح كثير ..
بوضحه لك أكثر يالقطري ..
الأرخص أحجز من بوكينج ،، او أروح لندن و أدخل الفندق و اخذ الغرفه من عندهم ؟
يعطيك ألف عافيه ،، والله يوفقك ..

لا لا لا لا
تحمل أتسوي هالحركه ..
اولاً الفندق يمكن ايكون فل !!
وثانياً ومن خلال الحجوزات الي سويتها عن طريق موقع بوكينق ولا مره صادفني ان الفندق ارخص من المواقع الي برا ..

القطري اخيرا لقيتك أخوي
عندك فكره عن كاتنبري ؟؟؟
كتبت موضوع أسال عنها بس بعد ما نزل وأنا مستعجله ؟؟؟ الصبح رايحه لها ...

هلا أخوي القطري ،، ما في بالي فندق معين أساساً ،، ممكن أحجز أول ليليه من موقع بوكينج وبعدين ادور لي على فندق غيره ..
عموما إذا اي واحد من الاعضاء جرب و حجز من الفندق مباشره بدون مكتب وبدون مواقع ياليت يقولي ارخص من الفندق او اغلى ؟