وعليكم السلام والرحمة
ياليت الموعد بالضبط
لانو ممكن انزل ان شاء الله وبرضوا وحدي واول مرة ازور الصين
وباي مدينه انت
بالتوفيق

هلا والله اخوي dotbander
الله يحييك
الموعد مو محدد لكن لابد ان يكون خلال هالعشرين يوم لان رمضان وصل الله يحييه
كنت مخطط يكون في بداية اغسطس يعني 2او 3
او حسب ما يناسب معك
انا بصراحة الان في ماليزيا ومن هنا ابي ادور حجز بس اول شي الخوي
وحيا الله الجميع

مساء الخيرات
اقلاعي ان شاء الله من الرياض يوم الثلاثاء 3 اغسطس
الرياض - دبي - هونج كونج
وبعدها عاد بدربي راسي (كني بنقالي توة جاي الرياض
) الى شنزن
لا لغه ولا شي بس الامور سعه صدر وان شاء الله تساهيل
وهناك تفكير اخر يقول اني انطق بهونج كونج يومين بعدين ادرعم
على شنزن محتار صراحه
على العموم لي رد اخر بكرا ان شاء الله لاني بودي جوازي افيزة غدا
بمشئيه الله ..

الاخ مسلم للابد زالاخ ابو الفداء
شكرا جزيلا لدعواتكم ومروركم الكريم
وجزاكم الله خير الجزاء
هلا والله بالخوي القوي
انا في انتظار ردك غدا عن الفيزا
ويعجبني فيك الطناخة وهي اهم شي
لكن على ما فهمت من خطتك انك بعيد عن شنقهاي
واذا ودك في هونق كونق خليها في الرجعه قضي فيها يومين
على العموم رتب امورك وخلينا متواصلين وشكرا
الاخوة الاعضاء اهل الخبره ما اشرتو علينا بشي ترى ما نستغني تونا عليمية

هلا والله
ام
بوكرا يعني الصبح
قصدي الظهر الساعه 12 استلم جوازي ان شاء الله مفيز خالص
وتحت مكتب الفيز فيه خطوط الامارات بمزع تذكرة من عندهم ان شاء الله
يا على الاربعاء او الخميس ان شاء الله والاقرب انها الاربعاء
وبالنسبه لشنقهاي مو مشكله اجيك هناك مدام الدعوة سعه صدر
وتمشيه لابد من رفيق انا يومين بهونج كونج ويومين بشنزن وبعدها فاضي 9 ايام
ما عندي شي بس كيف نتواصل الحين !!
ام
تدري عاد شف اسمي او نكي هنا بالمنتدى زي ما هو بالضبط وراسلني عليه على بريد الجي ميل
انتظر منك رساله بارقام التواصل ان شاء الله
والله يوفق
تحياتي

اليوم استلمت الجواز ولله الحمد مفيز جاهز
وقصيت التذكرة على الخطوط الاماراتيه
الرياض - دبي - هونج كونج ومنها بالقطار على شينزن ان شاء الله
وينك يالخوي
يوم السبت ان شاء الله راح اكون بشينزن وعاد ننسق سواء كيف
انزلك .. بالتوفيق للجميع

السلام عليكم ورحمة الله وبركاته
سأزور الصين وتحديدً ( شنغهاي ) من 4 أغسطس الى نهاية رمضان، سأتواصل معكم خلال تواجدي هناك.
سؤالي: كيف الاجواء هناك ؟
وبالتوفيق