حاول تبحث في البريستول موقع ممتاز قريب من البحيره كما تلاحظ في الصوره كذلك قريب من الأسواق أما بالنسبه للمواقف المجانيه ممكن تسألهم

فيه فندق اسمه Hotel Montbrillant هو خلف فندق الويرويك بالضبط ويقطع بينهم محطة قطار لكن فرق بالسعر
تمشي خمس دقائق للبحيره حنا اخذناه في شهر جون ب 900 ريال ما ادري الان كم اسعاره
غرفته مرتبه
عندهم مبنيين الاول غرف والمبنى اللي خلفه يسمونه استديو الزياده اللي في الاستديو ان فيه مطبخ الصراحه هو موب مطبخ مثل البار او مجلى صغير فيه عين غاز
احنا سكنا يوم في الاستديو واليوم الثاني في الغرفه الغرفه احلى وانظف وارتب
هذا موقعه في بوكينق
https://www.booking.com/hotel/ch/hotelmontbrillant.html?aid=1300939

الأخ abofahad
أشكرك على الفندق ، بس مشكلته غالي بزود واحنا نبي غرفتين
بالمناسبة
كيف تم التقاط الصور عبر قوقل ؟
شكراً لك يا M A K على الاختيار الجميل
ما زلت انتظر من الإخوة رد حول المواقف في جنيف ؟
هل هناك مواقف مجانية لو في الضواحي مثلا

يا خوي شف لك بديفون و الله مو طبيعيه هالقريه انا توي راجع سكنت في شقه غرفه و دورة مياه 140 يورو و مجانا

متى موعد السفر ؟؟؟
https://www.booking.com/searchresults.html?aid=1300939
صفحة ديفون في بوكنج و الله قريه حلوه لا تفوتك

شكراً لك أخي المغروم على نصيحتك الطيبة
وديفون قرية رائعة بلا شك
ولكن أفضل السكن في جنيف خاصة معي الأسرة والتي تحب التسوق
لكن لا بد من زيارة ديفون وبعض القرى المجاورة
أشكرك لمرورك الطيب
وباقي أبو عزيز ولا يهونون الخبراء ليخبرونا عن مسألة المواقف المجانية في جنيف إذا حصلت ، لأن معنا سيارتين

و الله اللي تشوفه يا بعدي لكن ديفون بينها و بين السنتر بالكثير 20 كيلو يعني ربع ساعه ولا ثلث ساعه و انت بالسنتر
بالاخير الخيار لك اذا كنت قد زرت جنيف من اول و عندك قكره عنها اللي تشوفه يريحك سوهه
لكن اذا انت اول مره نصيحه اذا لقيت شقه بديفون خذها و بدون تردد
انا رحت سويسرا ثلاث مرات سكنت مره بجنيف في الوارويك عام 2007 شهر العسل وكان جيد خصوصا موقع الفندق و انا اول مره اسافر لاوروبا
عام 2008 رحت سويسرا و حبيت اجرب السكن بعيد عن جنيف سكنت في لوزان و حبيت لوزان و صارت من اقرب المناطق لي
عام 2010 توي راجع قبل ايام قليله سكنت في ديفون و اشوف انها افضل منطقه خصوصا موقعها مو طبيعي و المنطقه رايقه
و تحس فيها براحه مو طبيعيه و تعاملهم جدا راقي
بالتوفيق