LORD_SA
سلأم..
في معاهد كثيرة في فرنسا تلبي رغبتك بس انا بالنسبة لي سألت ودورت لي عن معهد في باريس ورسيت على معهد L.S.I وتوي خلصت الكورس قبل ثلاثة ايام والمعهد لو تبي تدرس فيه يومين بس مايقولون لا ولو تبي اكثر من سنة برضوا مايقولون والظروف ان شاء الله مناسبة مافيه عرب يعني غصبن عليك تضطر تتكلم فرنسي حتى لو ماتعرف
المعهد حلو ومكانه حلوو وتعليمهم وأسلوبهم حلوو يعني بالعربي وقت الي تبي تنضم للكورس ووقت الي تبي تخلصه هذا بيدك انت الي تختاره
هذا رقم تلفونهم وفاكسهم وإيميلهم
Tel: 0142605370
Fax: 0142614136
E.mail: [email protected]
انا شخصيا كان اوكي بالنسبة لي ولو بروح مرة ثانية باريس بدخل نفس المعهد وطبعا يربتبون لك سكن مع عائلة او فندق بكيفك انت والي تبيه

هلا اخت ميمي
اولا وين مكانه بالضبط في باريس وكم سعر الكورس فيه ويا ليت تحكين لي عن تجربة شخصية لك
بالتفصيل عشان اقدر ارتب وضعي
يا ليت الاسعار واللي يرحم والديك وطريقة الدفع

1. وهذا عنوانهم


2. LSI, Paris-350, Rue Saint Honore 75001

LORD_SA
سلاآم..
أمم مكانه في لاكونكورد وإسم الشارع سانت اونوغي ولو نزلت في محطة توليغي او محطة كونكورد نفس المسافة راح تمشي أربع دقايق عشان توصل للمعهد المعهد بالضبط في ظهر ساحة بلاس دو فندوم الي يجيك خلفها الأوبرا

وهذا عنوانهم

LSI, Paris-350, Rue Saint Honore 75001

سعر الكورس عاد يعتمد عليك وعلى المدة الي حتسجل فيها وهل تبغى تسكن عن طريقهم مع عائلة او مع فندق او هل تبغى وجبة العشا مشمولة مع السعر يعني انت تختار (إذا كنت بتختار سكن مع عائلة العشا حلو عشان تقعد تسولف معهم وتدردش بالفرنسي)
بالنسبة لي كان حسابي على أساس 30 يوم + ليلتين اضافيتين شاملة وجبتين عشا وفطور + توصيل من المطار + الكورس + امتحان تحديد المستوى + رسوم التسجيل (1972,50 يورو)
بس لو بجي اقسمها كان سعر الكورس بدون السكن والأكل والتوصيل من المطار (930 يورو )
طريقة الدفع تقدر تحولهم على حسابهم بس الأحسن لما تروح وتبدا يومين ادفع كاش او بالبطاقة هو مفروض تدفع اول يوم بس السكرتيرة كرستيل حبوبة مرة وماراح تقولك اصلا تعال ادفع وتقدر تكلمها تستفسر لأنها تعرف انجلش.
طلاب المعهد اغلبهم من الجنسيات الألمانية واليابانية والمكسيكية والإيطالية يعني من هالصوب.. عرب مافيه لأني سألت قالولي تقريبا انتي اول عربية تجينا والله العالم..
بس حلو عشان تضطر تتكلم فرنسي لأن اعرف كذا شخص معاهم عرب بنفس الكورس ومرة متضايقين لأنهم يضطروا يتكلموا عربي معاهم..
أم المعهد ينظم رحلات للقروب بين فترة وثانية وتقدر عن طريقهم تروح حق اي دولة قريبة تبغاها بسعر حلوو مررة يعني تروح بالويك اند وترجع عندهم اسعار رمزية أنا كنت بروح بلجيكا بس اضطريت ارجع قبل الموعد.
أم هذا الي خطر على بالي اذا تبغى اي شي معين اسأل وانا اجاوب بالي اعرفه

هلا الله مشكوره على سرعة الرد
والله ما ادري وانا اخوك انا محتار
الفكرة طقت في بالي كذا
يعني انا ما اعرف شي بالفرنسي ابد لكن انا اطقطق اسباني من كورسات اخذتها ولانيب ذاك الفله بعد
ودي اعرف هل بدايتي من الصفر حتكون كويسه ولا لازم أأسس اول هنا قبل لا اروح
وانا على فكره الدعوه عندي سياحة بدراسة
وهل تشوفين ان المعهد في باريس شي حلو ولا احاول ادور في مدينة ثانية
وهل الدراسة اكاديمية بحته ولا كذا فيها برامج ووناسة واهم شي الاختلاط عشان تطوير اللغة
وكيف وضع العائلة اللي سكنتي عندهم؟؟ من المعهد ولا انتي مختارتهم عن طريقك
كم ساعه الدراسة في اليوم ووش الوضع بشكل عام
مشكوره وانا مره اسف اني ازعجتك بكثر الاسئلة

lord_sa
اشدعوة مافيها شي ازعاج ولا شي
الأسباني حلو والفرنسي حلوو ومنت مضطر تاخذ كورس هنا وتخسر نفسك فلوس عشان تروح هناك تاخذ كورس ثاني يعني خل فلوسك انبسط فيها هناك احسنلك
بيني وبينك انا الدعوة كانت سياحة باستفادة نفس الشي عشان كذا قلتلك ان المعهد ينظم جولات للمكان الي تبيه بالويك اند ويسوي رحلات جماعية للطلاب بيني وبينك انا انبسطت كونت علاقات حلوة
بالنسبة لاختياري معهد في باريس عاد هذا شي راجعلك مدينة تور اغلب الناس تروحها واعرف بنت سعودية راحتلها قبل اسبوع بتدرس هناك بس تقول ياكثر الخليجين الي يدرسون لغة هناك وكثير يروحونها عرب يعني نفس الشي وحتى ليون اعرف كذا شخص يدرس فيها بيني وبينك ماقدر اقدر ولا احكم انا شخصيا حبيت اقعد في باريس عشان زي ماقلتلك كنت ناوية سياحة في دراسة
وبالنسبة للبرنامج الدراسي هم يعتمدوا اسلوب الدردشة والضحك يعني طول الوقت هذرة وسوالف خبرك مو زي الي عندنا .. الاختلاط عاد هنا دورك تطلع من المعهد روح تمشى خلك قريب من الطلاب واطلعوا مشاوير
أنا كنت اروح واجي معهم نتمشى ونتكلم ونسولف فرنسي .. وحتى لو تمشيت لحالك احسن واحسن لأنك بتضطر تسأل وتتكلم مع الناس والمحلات فرنسي
العائلة انا اعطيت المعهد شروطي وهم اختاروا العائلة بس حظي طلع حلو يعني ماشالله كانوا روعة معي اطلع وواروح واجي بكيفي وأي شي ابيه مايقصرون
الدراسة انت تختار تبغى الصباح الين 12 ونص او تبغى النهار كله
بس بما انك ناوي سياحة احسنلك الصببح عشان تطلع ويمديك تنبسط وتتمشى وتسهر وتروح وتجي
عموما بالاخير هذا رايي عن تجربتي يمكن غيري عنده شي ثاني
أي شي تبيه حآضرين

ميمي انا عندي استفسارات واجد وما ادري كيف بقعد انا وياك نتناقش فيها
هل فيها طريقة اتواصل انا وياك دايركت ماسنجر او شي
ولا يهمك من يوم ما تساعديني تبين تحذفيني ما فيه مشاكل
ومشكوره سواءا وافقتي ولا رفضتي

lord_sa
أم هذا اللي عندي وأي شي يخطر على بالك اسأل وانا اجاوبك هنا

عموما مشكوره وما قصرتي واتمنى اي احد يقدر يزيد على الموضوع ما نستغني