الصفوة
03-09-2022 - 10:45 am
السلام عليكم ورحمة الله وبركاته
وبعد
حياكم الله اخوتي جميعا
حقيقة ترددت في كتابة هذا الموضوع كثيرا
ولكن
يعلم الله انها تقرقر في راسي منذ سبعة اشهر تقريبا
هل اكتب هذا الموقف ام اكتمه والله كريم
لكن
حز في خاطري ان يكون هذا الامر ديدن لضعاف النفووس
واسال الله ان لا يجعل صاحبنا منهم
الموقف
اخذت لي فلة في كوتا بونقا (مدينة الزهور)
ثلاثة ايام في الصيف الماضي
واثناء تجولي واولادي في فلل كوتا بنوقا
واحصل هاك الشاب السعودي من جدة
معه زوجته وبنتين وابن
ابنته الكبيرة قرابة العشر سنوات
عند البوابة
جاي من جاكرتا الى كوتا بونقا
بالتاكسي الارزق وبالعداد
هو ممنوع لكن يقول كل شوي نعطي هالشرطة بخشيش
والظاهر انه اخذ عليه 400 الف
الحاصل
وانا اتجول وزوجتي في كوتا
لقيت الرجال مدروش وضايع
يسمع بكوتا بونقا
ولا يعرف كيف يسكن وكيف يستاجر
انا ما قصرت بالاتصالات
ضبطت له حجز عن طريق الاخت ميان
وقلت له لازم تتقهوى عندي انت وعيالك الليلة
بعد ما ارتحت له من شكله وتعامله وتعامل زوجته مع زوجتي
والله الرجال بالفعل
حاء هو وزوجته واولاده
وشربو القهوة عندنا واستانسنا حقيقة
بالسوالف والتمر السكري وكانت ليلة سمر حلوة
واكرمناهم بما تيسر
فنحن قلووب واحدة والله لا زلت اتذوق طعم تلك الجلسات الجميلة
واخذت علومه
وجواله الاندونيسي والسعودي
وعمله
وسوالف
روحاته وجياته
وعالم السياحه
لكن
الذي حصل
بعدها تفرقنا انا رحت للجبل وهو راح لباندوق
وبعد تقريبا اسبوع تقابلنا في جاكرتا
ارسل لي رسالة الرجال
كلها ذووق واخلاق وحياء
يخبرني انه في ازمة مالية
الظاهر بطاقته الفيزا ضاعت منه
او مدري ايش اللي حصل بالضبط له
طلب مني سلفة
يقوول والله
حق السكن يومين وان ما معه ولا مصرووف وهو على جناح سفر
وباذن الله اول ما يصل الى جدة يرجع لي المبلغ
حقيقة كسر خاطري
ابو عائلة ومنا وبنا والله
قلت له لو تبي قلبي ما اتاخر عنك وكل ما بجيبي يفداك
علشان العائلة اللي معه والاطفال
قمنا بالواجب
واحمد الله اللي اكرمني بمثل هالموقف
سواء كان
بالفعل عابر سبيل او نصاب
فلن يضيع ما قدمت فهو مبلغ لا يستحق الذكر
الغريب في الامر
بعد ما رجعنا للسعودية بشهر
ارسلت له رسالة لجواله السعودي
كيف حالك يا بو ط...
الحمد لله على السلامك
اخووك ابو ....
رد علي مرة واحدة
وقال جزاك الله خير ما قصرت
وبعدها
اتصل عليه ما يرد
ارسل رسائل ما يرد
هذا الكلام الان له فووق الست شهور
ترددت في كتابة الموضوع كثير
قلت لعله يعيش ظرووف
وصرت كل تاريخ 25 اخر الشهر ارسل له رسالة تهنئية ههه
لعل الله يفتح على قلبه
انا ابي الاخوة والاخوات يعطونا درووس
وتحكمون على موقفي معه
هل بالفعل يكون هذا وسيلة نصب واحتيال وموجود ومتكرر مع اكثر من شخص
والا هي صدفة
واذا كان المبلغ صغير واتمنى ان يكون كذلك " فتحسبه صدقه لك ولاهلك " , وعسى ربي يعوضك على نيتك .
وللمعلوميه ما حصل معك حصل مع الكثير ممن اعرفهم من الشباب , لكن الفرق انهم كانوا بلا عوائل .
واخيرا الله يجزاك خير , لانك فكيت كربت عياله , ولاهو ماهو بكفو .
والله يعوضك خيرا .