يزيدنا شرف التواصل معك....وحياك الله
بخصوص السياحة الحمدلله في تطور ونمو
والتركيز الي حاصل على البنية التحتية الان يبشر بالخير
والتطور الي تشهد البلاد يخلينا فعلا نفخر والحمدلله سبق دول كثير
ويكفي انك تشوف وتسمع عن وصول افواق سياحية من دول عربية واوروبية واجنبية بشكل عام
للبلد للسياحة ....يعني قطر موقع جذب للكثير .... وبطيبعة الحال
احنا اهل البلد نشوف كل شيء روتيني تقول كيف ؟؟ اقولك لاننا والحمدلله نعيش على ارض
هالبلد الطيب ورحنا ونشوف كل يوم نفس الشيء وننتظر التطور كل يوم انت ياخوي غيب عن قطر
شهر من غير شر ولما ترجع واقسم بالله انك تشوف تغيير ....واعتقد انت اخبر مني بالاماكن السياحية
يكفي انك تفكر كل مرة تستكشف شيء في قطر وتلاقاه منور

وعليكم السلام ورحمة الله وبركاته
في شي مهم بخوصوص الي يسكنون في البلد يحسون بالملل
مثلا عندك شعب المانيا يحب السياحة خارج بلده وفي نفس الوقت تحصل زوار كثير في المانيا
ونفس الشي الايطاليين واليابانين وحتى الاخوه السعوديين عندهم في بلادهم شغلات حلوه بس تحصلهم يسافرون
ذكرت شغله مهمه
ان الشباب
0او 90% يقولون متمللين هاي النغمه نسمعها
لازم الشخص يمارس هواية تشغله في وقت فراغه

يا شباب .. كلامكم ماخوذ خيره .. معروف بلادنا في تطور مستقبلي بس إلى حاب يعمل شغل .. ولاكن سياحة لنا كالشباب مافيه .. شىء جديد ..
نفس غيرنا في الدول الخليجية ..تشوفون اغلب الشباب يروحون ايام الاجازة ( weekend ) البحرين ودبي ممكن السعوديه .. وحتى في الاعياد .. ايش السبب .. مافي اماكن ترفيهيه كفايه وجديدة حتى الشباب ..
عندنا فقط للعائلات او نساء .. واماكن تقليديه .. ليش ما نقوم في عمل .. اشياء ترفيهيه .. مثل ساحة تحدي .. للي يحبون الاستعراضات .. عمل مدينه للالعاب .. مثل للي في الكويت .. ( الاهتمام في علاء الدين ) .. اشياء اخرى .. تفيد الشباب ..

هلا
اقول اخوي عسى ماشر لهدرجة شايل على الوضع
سبحان الله ....عاد عجيب انك تقول كل ويكند وطاقين على دبي والسعودية والبحرين
اذا اهل دبي صرنا في الفترة الاخيرة نشوفهم بكثرة في قطر
والبحرين نفس الشيء...وبعدين علمني في البحرين شنو فيه مختلف يصلح لكم يالشباب ماهو
موجود في قطر ....ماشاء الله البحرين اسواق وسينما حالها حال قطر والسعودية نشوف اهل الشرقية
خميس وجمعة تارسين مركز بوسمرة.....واسواقنا تشهد .....دبي اتفق معك لان احنا كعوائل قطرية
نستسهل السفر لدبي للتسوق والتشري شيء ثاني لا .....مع انه والله كل اللي في اسواقهم صار عندنا
اللهم محل لوي فيتون وبيفتح في سبتمبر ان شاء الله عندنا ومحل بيربري
وسوالف لو بنروح نتسوق في دبي مافي ....
وفي الاعياد مهرجان الاغنية ومهرجان العيد شحلاته والله من اربع سنوات صرنا نعيد في قطر
صج مانقدر نحضر حفلات المهرجان بس نتفرج عليها واغلب التذاكر رايحة لااخوان الخليجين
وسلين ماشاء الله يجنن وخور العديد كلة شباب وتمشي ووناسة حلوة لكم
واللي ااعرفة ان بعض الشباب يتجمعون عند الشيراتون يستعرضون بسيارات الجرج بالبترول
يعني عندكم كم شيء وغير بحرنا ماشاء الله اش حلاته ....وقهاوي الفنادق كلها حلوة وغير مجمعاتنا
وسينماتنا ....وسوق واقف يهبل ليش ماتروحون ....غير مدينة الخور الي تجن جربوا زوروها
وطبعا شمال قطر اية في الجمال ....وليش ماتسجل في احد النوادي تستمتع بالسباحة والرياضة
اخوي شسالفة بجلس اسرد لك الاماكن وانت اللي المفروض تكون بمواضيعك سفير لبلدك
و بالاماكن اللي يتجمعون فيها الشباب ويتسلون وتشجع على السياحة
طيب خلاص شوف هالرابط ....وقبلة ابتسم لانك قطري ومن هالبلد الطيب
https://artravelers.com/p/re/103657

Qatari82
الله يهديك اخوي ..
بتقولي الحين الشباب يروحون دبي والبحرين .. عشان ساحة تحددي ؟؟؟ ولا عشان الاستعراضات ؟؟؟ ولا عشان مدينة الالعاب ؟؟؟
معروف السبب .. ليش اكثر الشباب .. يروحون البحرين ودبي ....
مايحتاج اذكرها ...
يعطيك العافية اخوي ...

^^
قطر 2007 و اسير الدوحة .. لا تدخلون سالفه في سالفه ..
قصدي السياحة .. بشكل عام و الشباب بشكل خاص .. يعنى كلامي .. الواحد يسافر البحرين او دبي .. يشوف له اماكن يستانس فيها .. بعد عن الامور السيئه ( الخرابيط ) في حركة عكس قطر .. الواحد معروف وين يروح في ويكند .. مافي جديد ..
بخصوص .. انتم فتحون موضوع .. المحلات و الاسواق .. وين قطر من دبي .. و البحرين ترى البضائع توصل لهم احسن جوده من قطر .. عندنا اغلبهم تقليد .. حتى الاصيل .. وين الصنع تايوان او تركيا .. انا مجرب ..
عندكم مثل فانيلة ايطاليا في بوما عندنا صناعه تركيا .. في البحرين او دبي صناعه المانيا .. واضح من الجودة ..
نرجع لموضوعنا .. اتمنى من المسؤولين عن السياحة الاهتمام اكثر في السياحة و خاصه للشباب في امور مفيدة لهم ..
اخوكم قطري 82

أعتقد السياحة الي عندنا مقتصرة على رأي الأجانب ، مثلاً أغلب الأجانب يتمتعون في منتجع سيلين لذلك اهتمام هيئة السياحة لسيلين أكثر من مملكة علاء الدين الترفيهية ، وكذلك اهتمام الأجانب بالآثار ولبت هيئة السياحة النداء لهم بإعادة اعمار سوق واقف ففي أغلب البلدان المتطورة هناك أمكنة أو أندية خاصة بالمواطنين لا تراها موجودة عندنا بل العكس هناك أماكن ترفيهية لا تسمح لك بالدخول إلا إن كنت أجنبياً
وأعتقد أغلب الشباب بفضلون دبي والبحرين والسعودية في الوييك إند لأن هذه الدول تتمتع إما بطبيعة خلابة أو أسعار مغرية للبضائع من المستحيل مقارنتها بأسعارنا الملتهبة أو تطور عمراني مرتب مش ملخبط مثل ما سوت هيئة الأشغال
ومثل ما يقولون : كلن يشوف الناس بعين طبعه :55654:
تحياتي للجميع

أختي qatar2007 و أخوي أسير الدوحة, لا لا لا لا لا لا مالكم حق تعترضون على تفاهة, قصدي رأي الآخر و تنتقدونه
أساساً الدول السياحية المتقدمة ما تمشي سياحتها الأ بساحات أستعراض للتحدي السخيف التافه من روح المنافسة البناءة الشريفة, اللي تبني الدول و تعمرها, و اللي ينتج عنها جيل واعي و مثقف مب جيل همه الأستعراض (المشكلة ما في كاس و لا فلوس) و روحة البحرين و دبي في الويك أند, طبعاً معروفة أسباب الزيارة مب عشان يشتركون في برنامج من سيربح المليون, أو شاعر المليون أو حتى في مسابقة دينية, و المصيبة أن الفئات العمرية التي تروح هناك معروفة...
و الله يرحم أبهاتنا و أمهاتنا اللي ما أشتكوا من الملل لول و لا عرفوا شي أسمه سياحة و كانوا راضيين بالحياة اللي الله قاسمها لهم...
و عشان تعرفون أنكم غلطانيين و مالكم حق تصادرون آراء الآخرين, ترى اللي تعطي تصاريح البنيان و المسئولة عن التخطيط هيئة التخطيط العمراني مب أشغال !!! صج أنكم ما تفهمون و تتدعون العلم و المعرفة و مصدقين عمركم وايد
المشكلة أنكم تكتبون في مواضيع ما تفهمون فيها, و تنتقدون غيركم و أنتو في الحقيقة و الواقع لا عندكم هدف و لا حققتوا أنجاز في حياتكم, و أشك أنكم تقدرون تحطون تعريف للسياحة أو تفهمون دور السياحة في الأقتصاد
رجاء حار, عيب عليكم لا تصادرون آراء غيركم, أستفيدوا و تعلموا من خبرتهم في ساحات الأستعراض و الأستعباط و نشر الغسيل و من تجاربهم العريضة في الإدارة و التقييم و النجاح العلمي و العملي, أنتو لو بس أتعلمون منهم شلون تصيغون الجمل و تحسنون أسلوبكم بيكون وايد أحسن لكم
ترى لولا الأجانب جان ما صار عندكم سيارات تستعرضون فيها و لا طيارات توديكم دبي و البحرين و لو عليكم جان حتى البترول ما طلعتوه من الأرض, الله يرحمنا برحمته والحمدلله أن في عندنا أجانب ناخذ رايهم و نستفيد منهم و الا لو عليكم جان صارت البلاد لاس فيغاس.......الله يستر.......
عاد أنتو لا تزعلون من الأنتقاد, مثل ما أنتو تنتقدون غيركم لازم أتقبلون أن غيركم ينتقدكم...

و لا تنسون أن الدول المجاورة فيها غابات مطرية, و قمم ثلجية و أنهار و غابات صنوبر, و هذي الشي مب موجود عندنا, هناك تقدر تتطلع و أتمشى جوهم أحسن من جو أوروبا, عندنا إذا فيكم خير سووها....
الله يرحمنا برحمته و يستر علينا, اللهم لا تؤاخذنا بما فعل السفهاء منا......