الاخت / ريمية جده
السلام عليكم
اسعد الله مسائك بكل خير
حي المصيف قريب من المطار لكن فيه احياء اقرب منه للمطار وبالنسبه للوقت من المطار لحي المصيف يتراوح من نصف ساعه الى ساعه كامله حسب زحمة الطريق
وبالنسبه لمطعم توارن الشعبي موجود في حي المصيف لكن مااذكر اسم الشارع
وله فرع ثاني موجود بالقرب من الممشى اللي على طريق الملك عبدالله مقابل جامعه الامير سلطان من الجهه الغربيه وانتي جايه مع طريق الملك عبدالله ادخلي يمين قبل الممشى وخلي الممشى على يسارك ووجهك جنوب يجيك المطعم نهاية الشارع على اليمين
اتمنى اني افدتك
اخوك / غيابك طعني

ان شاء الله تكيفك ثلاث ساعات الطريق من المطار إلى حي المصيف اقل من نصف ساعة إلى نصف ساعة تقريباً

ريمية جدة .. بعد التحية:
بعض المعلومات التي ذكرت في موضوعك غير صحيحة، وبحسب علمي أن:

• مخرج 5 هو حي المروج وليس المصيف.
• مطعم توارن الشهير بتقديم الاكلات الحائلية يقع في حي صلاح الدين، وهي المنطقة الواقعة بين طريق الملك عبدالعزيز وطريق الملك عبدالله وتحديدا بجوار جامعة الامير سلطان بن عبدالعزيز من جهة الغرب.

ثم ان الوصول إلى المطعم والعودة إلى المطار قد لا يكفيه فترة ثلاث ساعات، لاسيما بأنه يجب العودة قبل موعد المغادرة ب 45 دقيقة على الاقل ، والمشوار من المطار إلى المطعم (ذهابا فقط) يستغرق قرابة ال 20 إلى 25 دقيقة.
اتمنى اني افدتك ، وترانزيت سعيد يارب

حي المصيف مو بعيد كثير بس من وجهة نظري القرية النجديه اقرب منه وتجربة احلى بكثير

اخوي سلمان المطعم له فرع ثاني في حي المصيف بس ما أعرف الوصف تمام

يعطيكم العافيه على الردود ..
يعني اروح والا اتجول بمطارنا الجميل لأن مافيه شي يوسع الصدر
مشكلتي ما اعرف الرياض زين .. ومشتهيه توارن من الصور اللي شفتها بالمنتديات
توارن صلاح الدين مافيه قسم عوائل اعتقد ..
القريه النجديه مفتوح وقت الظهر ؟ ووين موقعه بالضبط ؟
سؤال اخر .......... اقدر القى سواق بسياره ياخذني من المطار لهالمكان وينتظرني .. لأن الرياض صعبه مواصلاتها خصوصا التكاسي ..

مطعم توران موجود في حي المصيف
وصحيح هو على شارع زهير بن ابي سلمى مقابل اسواق روم للمواد الغذائيه
والي بيجيه من مخرج 6 افضل وفيه قسم عوائل
والمشرفين عليه اتوقع لبنانين او سوريين
المطعم جيد واكلت فيه كم مره

الطريق الأسهل والاسرع للوصل للمطعم من المطار
هو عن طريق مخرج 5 (طريق الملك عبدالعزيز) مع الدائري الشمالي
تعملي يوتيرن وتستمري مع طريق الخدمه لغاية شارع زهير بن ابي سلمى
من عند بودل للشقق الفندقية تدخلي يمين وبعدها تقريبا كيلو ونص
راح يكون على يدك اليمين مقابل سوبر ماركت روم

http://ekaar.net/maps/alriyadh.gif
هذي خريطة الرياض
حي المصيف في ( مربع ض 9 )
أقرب طريق من طريق المطار على الدائري الشرقي ثم تدخلين على الدائري الشمالي ثم على مخرج 6 طريق أبو بكر الصديق المشوار تقريباً 30 دقيقة وممكن يآخذ أكثر على حسب الزحمة لكن 3 ساعات أعتقد كافية .