وعليكم السلام ورحمة الله وبركاته
الصراحه متعة السواقه هناك كانت في لنكاوي جربتها على سنتين ووفرت كثير وما خليت بقعه إلا وزرتها
مشروعي القادم هو كوالا بينانج ملاكا و لوموت ( وقد تضاف جولات الى فريزر هيل و بوكيت تنجي لقربها من كوالا نسبيا يعني يريد لنا شهر هناك
لكن هذا انا صرت عارف كيف استخدم الجي بي اس هناك وعندي الخرائط وكل شي وغير اني سقت مرتين
بالنسبه لك انصحك تسوق في لنكاوي فقط هالمرخ لانها هادئه و السواقه جميله هناك
بعض الاماكن تقدر توفر فيها كثير علشان ما تكون ضحيه لجشع التكاسي
مثلاً في بينانج اركب باصاتهم الكبيره 101 وابحث بالنت عن باصات بينانج بيطلع لك خريطه لكل نوع باص وهم مرقمين 101 له اماكن 102 . 103 204
كوالالبمور اركب باص الهوهو + المونوريل والله بتلف كوالا كلها باقل من 30 رنجت يوم كامل
لنكاوي اجر سياره هناك ماليزيه 50 رنجت الى 70 في اليوم
عبيها 30 رنجت بيقعد معاك ثلاث ايام بالفلفه

هلا فيك اخوي العدني سبحان الله كنت حاس انو لنكاوي بتكون متعه فيها القيادهلاكن انا ناوي ان شالله اخذ سياره بجميع المدن لانها توفير وخصوصيه
خاصة مع الاجهزه الذكيه الي مانستفيد منها ابدا
لكن انا متخوف من جنتنق يمكن يرفضون اطلع بالسياره او فيه خطوره
ماادري نتمنى احد من الاخوان يرد علينا ولا ينسون افاموسى بعد

لالا محد له دخل ومحد له صلاح يرفض
اصلا طلعتها مو هذيك الطلعه بالعكس طلعتها احسن من جبل حفيت بالعين وحاسها اوسع بس ما انصحك تطلع كوالا و جينتينق وبينانج زحمه زحمه بتكره حاله ولا تنسى مستغلين هناك اصحاب المكاتب اي خدش بياخذ منك مبلغ ما تتخيله
هذول مو زي اوربا ادفع 30 يورو اي شي يصير بالسياره سيبها ونجيب لك غيرها
لا هذول اسيويين يطلعوها من عين الواحد