السكن في ديزني : يعتمد عليكم انا شخصيا اشوف انها ماتسوى تسكنون فيها لانها صغيره وممكن تقضون فيها يوم كامل وتشوفونها كلها وبما انكم رايحين بس 5 ليالي تعب ماتسوى التنقل بينها وبين داخل باريس ومعاكم شنط واغراض
افضل فندق حسب ماسمعت الماريوت جديد ويبعد ربع ساعه او اقل اما فنادق ديزني الثانيه فمستواها اقل 4 نجوم و3 نجوم الاخت بنت صقور اعتقد انها كاتبه تقرير كامل عن فنادق دزني والاسعار ممكن تتأكدين من موقع اكسبديا

والله يا أختي أحنا سكنا في دزني الفندق إللي إسمه (نيويورك ) ورجعنا قبل أسبوع أخذمنا يومين وتمنو بناتي اليوم الثالث كمان لأن يوم واحد صراحة إرهاق وتعب كثير لأنك راح توقفي في كل لعبة طابور طويل نصف ساعة أوأكثر والله تتكسر رجولك كسر والله قلت في نفسي لو جيت مرة ثانية بجيب معاية كرسي ضغير الي ينطبق هيههه
والله أنا ما أعتقد أنه يكفي يوم واحد إلا في حالة وحدة
إذا كلكم كبار وما تبغو العاب ولاشئ بس تبغو تتمشو وتتفرجو فيكفيكم يوم واحد

السلام عليكم
والله اختي من تجربه الافضل من باريس ليوم واحد افضل
انا حجزت في الهوليداي ان 3 ايام و لكن يوم واحد كان المطر طول اليوم و ما قدرنا نطلع و مافي شي قريب من الفنادق غير دزني يعني راح تبقين في الفندق
اذا رحتي دزني من اول الصبح راح تقدرين تستمتعين بالحديقه بس لا تنسين تاخذين الخارطه الخاصه بالحديقه راح تسهل كثير
و انتي طالعه من دزني تقدرين تدخلين قرية دزني فيها محلات و مطاعم
و في بعد ديزني ستوديو بس اذا راح تزورينها تراها تسكر قبل حديقة دزني يمكن على ال 6 او 7
حديقة دزني تسكر 11
قرية دزني تسكر الساعه 1 بالليل
في باصات طوال اليوم توصل من فنادق دزني الى الحديقه لين الساعه 12 بالليل بعدها خلاص و مافي تكاسي هناك بس محطة المترو فاذا سكنتي رتبي قبل الساعه 12 راجعه الفندق
اخر نقطه جمعي الفواتيير اذا اشتريتي من هناك بقيمة 175 يورو على شان التكاس فري قبل ما تطلعين من الحديقه و اذا نسيتي تقدرين تسوينها من القريه بعد
تحياتي

أنا ما أنصحكم تسكنون في ديزني ,, إسكنوا في الشانز و تقدرون تروحون كل يوم من الصباح لين العصر او حتى الليل ,,
لأنه لو سكنتوا هناك و جاكم مطر ممكن يحرمكم من التجول في ديزني ,, بكذا خسرتوا كثير ,,
أنا أنصحكم بأنكم تسكنون قريب من قوس النصر أو في شارع واشنطن ,, عشان تطلعون من محطة شارلديجول اللي عند قوس النصر لمحطة ديزني لاند ,, و محطة ديزني لاند هي أخر محطة ,, يعني تاخذون التذاكر لأخر محطه و العوده لمحطة شارلديجول ,,,

اسمح لي يابوخالد انا مومعاك انا اشوف ان السكن بدزني افضل ولعدة اسباب
الاول...اخذ الوقت الكافي في الاستمتاع واستكشاف الحديقه
الثاني...البعد يضيع الوقت يعني لو تجهز وتفطر وتنزل الحديقه وانت بدزني مايخذ من وقتك ساعه اما لو كنت بعيد يمكن ياخذ منك من ساعات ل ساعات وهذا الي حصل معانا...
الثالث... ماتحااتي المترو وانك راح تتآخر خاصه لوكانوا معاك اطفال...
الرابع ...انا اعتقد ان التسوق له طعم آخر في دزني وهذا بعد يبيله وقت ...
وسمح لي مره ثانيه ياامعرس البوابه
واتمني لج اختي الراسيه اسعد الاوقات بمعشوقتي بااريس

الله يعطيكم الف الف الف عافيه كلكم يالي رديتوا ماقصرتوا والله

السلام عليكم
ما انصح بالسكن في الفنادق القريبة من ديزني لاند واذا معزم السكن انتبه من هوليدي ان اوصخ فندق واخس خدمة
انصحك بالسكن في باريس فندق خمس نجوم او اربع
والفنادق القريبة ما تقدم عروض على التذاكر انا رحت هذا الصيف وما قدمو شي
وترى كل فنادق باريس عندها تذاكر حق المدينة يعني ما يحتاج توقف طابور
والله نصيحة من مجرب انتبه

والله نصيحه من القلب السكن بدزني متعه متعه متعه شي ثاني والله وناسه احنا سكنا بدزني هوتيل واو احس جنه حلم وناسه خصوصا للأطفال
الفطور الشخصيات تتريق معانا و تصور مع الاطفال و الفندق راقي و نظيف و اهم شي فيه دزني ستور نفس الي بدزني من داخل و نفس الالعاب يشوق و الريوق والله كان فيه كل كل شي احسن ريوق كليته بأوربا والله بس صج احنا نزلنا بنريق امبجر على 7 كان زحمه ..
و بالكويتي اقولك لكم الفندق زوغه بس غالي صراحه احنا ليلتين حجزنا سويت مع تذاكر دخول دزني ل 3 ايام ب 500 كويتي و هالسنه بشوف غرفهم بدل السويت مع ان حمامهم و انتو بكرامه حلو و نظيف و كبير و نسيت اقولكم انهم عطونا هديه كاكاو على دزني

سبحان الله كل واحد عنده راى
أما عن رائى انا
طبعا الاقامه بيور دزنى وافضل من باريس بنسبه لى انا
والله وناسه بيور دزنى
أما عن فندق هوليدى ان جيد جدا ما فيها شى
طبعا فى بعض فنادق ما يكون فيها خدمه يحمل الشنط
بس بصراحه وعن تجربه فندق هوليدى ان حلو ومكانه رهيب وعجيب
لما تقوم من النوم وتفطر بالفندق يكون امامك حديقه وبحيره
بس ان شاء الله راح احط صور عن هوليدى انا