بيروت ست الدنيا
متل اي بلد عربي او اوروبي و فيها الغالي و الرخيص
فيك تصرف 1000$ كل يوم و بتكون مبسوط و مرتاح و فيك تصرف 10$ وانتا برضو مبسوط
كل واحد حسب البودجت اللي معو
في 3 اشيا كتير مهمين لازم كل واحد يعرفهم ازا كنت حابب تجي على بيروت و انتا ميزانتك على قدك
1. السيرفيس من اول بيروت لآخرها بألف ليرة (ريالان و نص)
2. مطاعم الفاست فود ذات السمعة الممتازة في الحمرا و عائشة بكار اطيب ساندوتش 2000 ليرة (5 ريال)
3. الشقق المفروشة بالعمارات السكنية مع نظافة عالية تبدأ من ال 500$ (حسب عدد الاشخاص)
اي شخص حابب يزور بيروت لمدة اسبوع بيقدر يصرف 500 ريال للمعيشة و 500 ريال للطلعات و القهاوي والذي منه
وإزا حابب تبعزق جيب معك 1000 ريال كمان و احلى اسبوع حتعيش ببيروت
اما اللي بجيب عائلته فقريبا حيكون الي مشاركة باهم الاماكن اللي ما سمعتو فيها قبل هيك