والله ياخوي النمسا حلوه للعوايل اكثر شي
تقريبا الشباب يبون ترفيه اكثر هذا قليل جدا في النمسا طبعا انا لو تحصلي مع شباب افضل الشرق
بحكم حجم الترفيه الي تتمتع فيه شرق اسيا
النمسا طبيعه رومانسيه مقاهي تسوق جبال ووديان وغيرها
لاكن مو شينه للشباب توكل على الله
وان شاء الله تنبسطون

اذا تحبون الطبيعه والشلالات والانهار راح تعجبكم زيلامسي
وترى فيينا فهيا تسوق والعاب لانهامدينه كترفيه
اذا تبغون تضيفون العاب اليورب بارك تخلون العوده من ميونخ وتروحون لها من زيلامسي 5ساعات تقريبا هذا
انا افضل السكن في كابورن وفيه خيارات كثيره للسكن غير الفنادق وارخص منها واحلى اذا بغيت اعطيني التواريخ وابشر
وسالزبورغ في مناطق كثيره حلوه حوالينها

الافضل
3ليال فينا,,,تستاهل 3ليال
2ليلتين سالزبورغ,,كفايه ليلتين
5ليال زيلامسي
3ليال ميونخ
اذا تحبون الانشطه والطبيعه 5ليال حلوه لزيلامسي
واذا تحبون مدينه صخب وحركه اخترت لكم ميونخ
ولانها اقرب لزيلامسي
لكن لاتنسون استئجار السياره

شكراً للجميع ..
اخجلتونا ،، بارك الله فيكم
ما تقصر اخوي دموع الوجد
بارك الله فيك
بس سؤال اختي الريم

• * ليش فيينا تستحق 3 ليالي مع انه اغلب الناس لا تجلس فيها كثيراً ؟
• * ليش ليلتين فقط في سالزبورغ ،، مافيها سياحه او وناسه وايد ؟؟

بعدين اذا قررت اني اروح ميونخ شلون اقدر ارجع لفيينا لانه رحلتي وعودتي منها ؟؟
وتعرفين موقع ممتاز اقدر استأجر منه السياره ؟ وشكثر ياخذون تأمين ؟
وشكراً لكم جميعا

مرحبا اخوي
تقدر تغير خط حجز الطيران اولا؟؟
الوصول ميونخ والعوده فينا
بصرراحه حلو
ميونخ -زيلامسي-سالزبورغ -فينا
انا قللت من سالزبورغ خوفا من الملل نشاطات فقط بالمدينه تلف سالزبورغ بيومين كفايه
والطبيعه زيلامسي وكابرون

انا اشوف انه تخلي 4ليالي في سالزبورغ وليله من ليالي سالزبورغ زيدها على زيلامسي احلى بصراحه
سالزبورغ فيه اماكن كثيره تروح لها ممكن تروح للبحيرات موندسي وفوشل ام سي وسانت ججلن وولف فانق وهالشتات والمول الكبير اللي فيها
سالزبورغ احلى من فيينا كطبيعه والمناطق القريبه منها حلوه جدا جدا

اذا تحبون الطبيعة والشلالات والبحيرات فهي مناسبة
شف تقريري يمكن يناسبك لاننا ثلاثة نفر
وعلى بالي اكرر التجربة مرة اخرى ولفترة اطول

بارك الله فيكم جميعاً
اختي الريم ..
لا استطيع تغيير خط سير الطيران
( الذهاب والعوده من فيينا )
اما مسأله سالزبورغ فانا مقرر اني اخذلي جوله في المناطق المجاوره لها وليس فقط فيها ..

• * والان انا بصدد اني اغير الجدول حتى ازيد من عدد ايام زيلامسي

لاني افكر اني اروح رحله الى فينيسيا ( البندقيه ) يوم وارجع مره ثانيه زيلامسي ..

• * وايضا بصدد اني استأجر سياره من سالزبورغ وارجعها بفيينا ..

( قاعد ادور على المواقع والسيارات التوفيريه
شرايكم ؟
اخوي دموع الوجد ..
وكأنك قرات افكاري يا عزيزي
نعم قررت زياده ايام زيلامسي
اخوي Mr N
تابعت رحلتكم من الاول حتى النهايه ..
رائعه وهي رحله مثاليه لنا
لاننا 3 نفر ايضاً
( بس فرق الاعمار واضج احنا شايبنا لا يتجاوز ال 22 سنه
)
سؤال علي الطاير اخوي الفاضل .
شنو الموقع الي استاجرتوا منه السياره في المانيا ؟
وجم كان سعر المرسيدس ؟
وجم سعر التأمين الي طلبوه منكم ؟
وشنو العمر المطلوب والمسموح له في استاجار السياره ؟
جزاكم الله خير سلفاً

تابعت رحلتكم من الاول حتى النهايه ..
رائعه وهي رحله مثاليه لنا
لاننا 3 نفر ايضاً
( بس فرق الاعمار واضج احنا شايبنا لا يتجاوز ال 22 سنه
)
سؤال علي الطاير اخوي الفاضل .
شنو الموقع الي استاجرتوا منه السياره في المانيا ؟
وجم كان سعر المرسيدس ؟
وجم سعر التأمين الي طلبوه منكم ؟
وشنو العمر المطلوب والمسموح له في استاجار السياره ؟
جزاكم الله خير سلفاً
في تقريري روابط لمعظم شركات تأجير السيارت يمكن مراجعته
سيارتنا من يورب كار
وتم استئجارها من مدينة ( فرايلاسينق ) الالمانية المجاورة تماما لسالسبورج النمساوية وذلك لرخص السعر
التكلفة6000 ريال
اليورو وقتها قريبا 6 ريالات
يمكن الحجز من مكاتب يورو كار في بلدك
في السعودية حجزت الاسبوع الماضي سيارة لاحد الزملاء واعطاني المكتب خصم 10% عن سعر النت
السعر يشمل التأمين ولكن ليس بشامل في حالة السرقة ويتوجب عليك دفع مبلغ اضافي عند الحادث لاسمح الله قد يصل لحوالي 5000 ريال حسب نوع السيارة
لتفادي ذلك هناك مبلغ يومي تدفعه لجعل التامين شامل
ومثال على ذلك
حجزنا فان 7 راكب وكان المبلغ الاضافي حوالي 25 يورو يوميا ليصبح التامين شامل كل شيء ونسبة الدفع =صفر
في حالة الحوادث والسرقة
اتنمى ان اكون قد افدتك
والدفع عند الوصول
و معظم الشركات تشترط 21 سنة ومافوق
يعني ينفع مع شايبكم