بحار وهاوي سفر
حسب راي اعتقد ان 7000 ريال لاتكفي خصوصا ان الرحلة 13 يوم وسيارة واكل وتمشي

ali007
عفوا 12 يوم رحلتي طيب كم

بحار وهاوي سفر
اخي العزيز ماراح نختلف على يوم
المصروف بالنسبة للشخص يختلف من واحد الى اخر حسب تخطيطه للرحلة والاماكن التي سوف يزورها
كذلك التسوق والمشتريات
وبالامكان ترتيب ذلك على نفسك وعمل التخطيط اللازم وانت ماشاء الله عليك بحار وتعرف
كذلك الاخوة المشرفين الافاضل والاخوة الالعضاء الموقرين ماراح يقصرون بس قلت مجرد مرور وترحيب فيك
سامحنا ولاتنسانا بالدعاء

أول شي الله يوفقك .. ويرجعك بالسلامة
لكن المبلغ مايكفي .. بصرآحة
انا توي واصل من النمسا .. الأربعاء الفايت
وجلست 12 يوم .. مع اني وزوجتي وطفلتين .. لم نخصص ميزانية للتسوق .. لكن داهمتنا كثير من المفاجآت التي خيبت توقعاتنا بأن ثمة مبلغ مقارب لحسبتك يكون هو الكآفي ..
يعني إذا تبي شوري .. خل كل يوم مصروفك .. أقل شي 600 ريال .. وعليك الحساب عآد ..
الموية اللي بريال عندنا هناك بحوالي 8 ريال إلى 10 حسب الشركات المنتجة ..
والتشاكليت دبل .. يعني خلك ملحلحها شوي .. أفضل لك ..
ولاتتوهق مثلي ههه
أهم شي انك من هنا وانت حاط في بالك كل ردة فعل لأي ظرف يطرأ ..
وبالتوفيق ان شاء الله
والراجحي ياصلك وانت هناك ان شاء الله

الف شكر لكل من جاوب لازم الواحد ياخذ الحيطه والحذر وشاكرين على مروركم

ليه ليه ليه ما تكفي ... اشفيكم يا جماعة ...
أخي الفاضل تقدر تدخل تقارير الأعضاء اللي سافروا ... وأكثرهم كان المصروف اليومي في حدود 600 ريال ما يطلع وأحياناً 400 ريال وإذا كثر يكونوا اشتروا تذكرة قطار لشخصين من فيينا لزيلامسي يوصل 800 ريال ..
المهم أنه ما تخلي همك المطاعم الغالية إلا مرة أو مرتين .. ويكون عندك في الفيزا (مبلغ معين) للطوارىء لو ورطت في شي..
وأنا أقولك بإذن الله تكفي .. والله ييسر لك

حرام عليكم حبطتوا الرجال ؟؟؟
يااخوي تكفي ونص ..
انا سافرت بنفس المبلغ 20 يوم
والله ان استانسنا ورحنا رحلات انا وزوجي وكنا ناكل من البيتزا والماكدونادز بس مادشينا مطاعم غالية ..
لاتحاتي بس اهم شي يكون عند اهلك رقم الحساب عشان يحولولك فلوس حق الطوارئ لاسمح الله ,,
بس بسالك انت دافع فلوس اجرة السيارة والا لا ؟؟