كونكورد711
31-08-2022 - 02:05 pm
السلام عليكم
كيف الحال ان شاء الله بخير
س1/ سوالي هو هل 20,000الف ريال كافيه لشخصين ولمدة 12يوم في فيينا وزلميسي وميونخ..؟؟
س2/ وش رايكم بفندق ميركوري في فيينا...
وزلميسي نيو بوست...
وميونخ هوليدي ان...
انا في انتظار ردودكم
اخي الحبيب نصيحة لك اذا كانت معك زوجتك وانت ناوي تسافر الى هالاماكن اول مره انصحك بالاتي
1- حدد وجهتك ومقصدك وما تبيه روحك هل طبيعة وتسوق و
2-اانصجك باخذ اول ليلة في المدينة التي سوف تصلها والحجز لباقي الليالي والفنادق خليها على حسب شوف عينك طبعا اخذ الاب توب معاك اكيد فيه فنادق 5 ستار وكافيي شوب انت روح لهالمدن واختار حسب ماتشوفه الطريقة ان كانت قطارت او طيارات او باصات او تكاسي ارجع واقرا اكثر عن المشاركات لا تخلي شي الا تقراه عشان ما يخمونك يعني يشطفونك يعني تروح بخاريرها وتقول ليتني ما سويت حجوزات والعبو علي ونصبو علي بالعربي حدد اتجاهكاذا كان وصولك لمينوخ اجلس يوم وسو الحجز مبكر عن طريق النت واذا وصلت هناك وشفت الوضع مناسب لك تصرف على حسب ما تشوفه انصحك لاتتسوق الا اخر يوم بتسافر فيه طبعا اذا ما اعجبتك ميونخ اطلع للمكان الي انت حابه وحسب وسيلة نقلك الي تشوفها مناسبة لك من خلال اطلاعك على مشاركات القراء واختار الوسيلة بعناية دقيقة عشان تنبسط بسفرتك طيب نقول فرضا سافرت بالطيارة الى زلمسي او استئجرت سيارة وسقتها بنفسك قبل ما تستعجل في اخذ السيارة شف كم راح تصرف على السيارة وايش محتاج مع السيارة مثل الاتي
بطاقة فيزا
جهاز قارمن للطريق الي هو اطلس للطريق
مصرف ديزل للسيارة
مصرف اجار السيارة
مصرف رسوم اضافية للسيارة اذا كنت بترجعها في مدينة غير ميونخ
يعني اطلع على مثل هالامور واسئل عنها هناك لا تفكر بوسيلة الرافاهية العالية عش ببساطة جدا عشان تعيش بكرامة وجيبك مليان
حدد مصروفك اليومي على حسب المكان الي بتسافر له لاتسرف في التمشي والشراء والتبضع الا اخر يوم بتسافر فيه وخصوصا بعد ما تتخلص من السيارة االاجار اذا اخذتها
طيب فرضا قلنا رحة لزلامسي وصلت هناك فر الفنادق وقبل الفر اسئل واطلع على مشاركات القراء عن محاسن ومدح الفنادق فيها رح وشوف بعينك لاتنغش وتحجز من النتت تتحسف على 20 يور اذا ماعجبك الفندق ولا تندم على 400 يورو تحطها في فندق ماشفته من الداخل لدام معاك فلوسك يعني ماعندك مشكلة لو فرضا انزنقة عند وصولوك قل بتسكن اول ليلة ان طولة 140 يور بس بتلاقيك ثاني يوم بتسكن بفندق ب 60 يور لانك دورت وشفت بعيونك لدام معك الابتوب واذا رحت تفرفر وشفت الفنادق وعطوك سعر معين اطلع منهم ورح لفندقك وادخل على مواقع الفنادق وابحث عن الفندق الي عجبك وشف اسعاره ان كان نفس السعر الي عطاك فكويس وان كان انزل فا احجز عن طريق الموقع ورح لهم وبتلاقي حجزك جاهز ولا يتكلمون كلمه حتى لو انك جايهم بوجهك بساعه لدامهم استلمو الفلوس بحسابه ووصلك الاستلام انسخه وصوره واخذه وعطهم اياه بوجيهم وصارت مع شباب من زوار الموقع بكذه انت تطمتننت للفندق الي بتسكنه وعلى مزاجك انت مو تشتري سكر في ماي حلو الكلام
تعلم بعض الكلمات الالمانية المهمه كشكر وعفوا وشاكر حسن معاملتك وكلمات الثناء الي تعبر عن اسلوب ثقافي حلو للاحتكاك مع الاخرين وخصوصا الجنس الناعم لان معاملتهم راقية غير بعارينهم ههه يعني اخذ بالمثل الي يقول من تعلم لغة قوم امن مكرهم
لا تضع كل فلوسك في حقيبتك عن الخرجه والطلعه اذا كان الفندق فيه سيفتي بوكس تمام مافيه خل فلوسك معك وانصحك بالبطايق والفيزا بدال ما هي فيها 15000 الف وزعها على بطاقتين افضلك
احسب حسابك اي عملية سحب من اي مكينة راح ياخذون عليك عمولة كبيرة وانصحك بسواالك للبنك الي تتعامل معه كيف حسابهم للفلوس الي تنخصم من حسابك اذا كنت خارج السعودية وكم عمولتهم على سحوباتك
جدول مصروفاتك يوميا سجل مصروفاتك ولو يورو واحد انت في غربة لاتشتري اي شي ملابس عطور خل التشري اخر يوم واذا معك زوجتك لاتطاوعها في التشري مبكر ترى الحريم ما يراعون المصروفات لشافو الملابس والبضايع ضاعت علومهم ههه نصيحة مجرب يسامحوني اخواتي لكن هذا الواقع الحريم همهم التشري وبس اما احنا نهتم بالشغلات الرئيسية كالمصروفات للفنادق السكن ووسيلة التنقل والاكل فكن حذر
صور جوازك وخل معك صور منه
قلة بعض ممن عندي واتمنى اكون قد افدتك ودعائك لي ولك مني هدية هالموقع تفرج على زلامسي
http://www.zellamsee-kaprun.tv/