انا للامانه السبت طاير بأذن واحد احد اوصل لبانكوك وعلى طول طيارتي لبوكيت
حجزتها على بانكوك ايرلاين تذكرتين اعتقد 7200 او 7400 رايح راد (لشخصين)
وسويت برنت للحجز وبشوف والله يسهل

اطبع التذكرة وروح وانت تضحك

يعني احجز من النت واروح القى حجزي مضمون؟

هلا اخوي
اذا ماكان مضمون من موقع الشركه نفسها يعني من وين بيكون مضمون
الغالي الموقع اضمن حتى من المكاتب السياحيه الي في اغلب الاوقات يبهدلونك بالحجز .
خلني اقولك انا صارلي موقف مره في مطار بانكوك والسبب المكتب الي حجزت من عندة التذاكر كانت رحلتي من دبي الى بانكوك والوصول الى بانكوك الساعه 8 صباحا وعلى اساس ببدل طيارة تطلع على بوكيت الساعه 10 صباحا واول ماوصلت عند البوردينق قالولي ماعندك اوكيه وانجبرت اني اطير على الرحله الثانيه الي تطير الساعه 1 ولا بالحظ بعد هذا لانه لقولي كرسي .
من بعدها اعتمدت على نفسي وصرت احجز جميع الطيران وبالاخص الداخلي من النت بالاضافه الى الفنادق (ادري طولت عليك بس عشان تقتنع وما تتردد نفسي اول ماحجزت)
تحياتي

تدري يا بوشمسه ان مساعدتك تاج على الراس وتسلملي طال عمرك
انزين بس تعبتك وياي ادري والله بس تدري لاقي خوش سعر على البانكوك ايرلاين
اذا حجزت بالفيزا شلون الطريقه يعني اخذ الفيزا وياي لمن اروح المطار ولا بس اروح على طول مع جوازي واركب من غير تيكيت ولا برينت ولا هم يحزنون؟
انا الي ثقلت عليك يا بوشمسه والله بس تدري اول مره اجرب الحجز يعني اكتب المعلومات وعدد الركاب بعدين يقولي اوكي مسج على الايميل ؟ وبعدين خلاص سيده اروح المطار واركب؟
ومشكور مره ثانيه طال عمرك

افا عليك يالغالي انت تامر واذا نحن ماساعدنا اعضاء هذا المنتدى الرائع انساعد منوه
اسمعني مدام عارف تتبع الخطوات مثل اختيار الوجه والتواريخ وادخال البيانات بجميع انواعها وبعد ماتعمل كونفيرم طبعاً راح يرسلولك تاكيد حجزك على الايميل في نفس الوقت ، من بعدها تطبع التذكره وتخليها عندك على اساس اتشلها معاك المطار بس انتبه في شركات طيران ترسلك الايميل ويكون في رابط في نفس الرساله الي ارسلوها لك تضغط عليه وتطلعلك التذكرة وتطبعها .
وبعدين بخصوص الفيزا افضل اتشيلها معاك يمكن يطلبونها منك بس مش اكيد يعني عندك طيران العربية يطلبها عند اجراءات البوردينق ، واذا الفيزا ماكنت انت صاحبها صورها وخل صاحبها يوقع عليها .
وللعلم انا اليوم حاجز على طيران اير اسيا لشهر سبعه من بانكوك الى كوالالمبور والعوده وذلك عن طريق موقعهم.
وبسلامه ان شاء الله
الغالي اذا كان في شي في ردي مش واضح اسألني ولا يردك الا لسانك

لا والله كفيت ووفيت طال عمرك وشرحك وافي وحلو 100%
ويرحملي والديك انشالله
موفق ووالديك للجنه
سلام

اجمعين ان شاء الله