التاكسيات متوفره بس يعتمد عليك انت اذا كنت تبي تطلع تتمشى وتتنقل كثير تاخذ لك تكسي بالساعه اصرف لك اما اذا كنت تبي تطول في المكان الي بتروح له عادي التكاسي متوفره وطبعا حديقة الطيور والزهور والفراشات كلها جنب بعض ماتحتاج تكسي مشي تطلع من الطيور وتقابلك على طول حديقة الزهور وبعدين تروح تمشي لحديقه الفراشات المنطقه مره حلوه بس مشكلتها الرطوبه بس
تحياتي

التاكسي في كوالالمبور زي الرز ويمكن اكثر من سكان ماليزيا (صيغة مبالغه)

مرحباء اخوى يا مصبر الموعود
التكاسى فى كل مكان مثل ماقالو الشباب
المهم افضلك تتعامل مع التاكسي با الساعه اريح لك والساعه 20 رنقت وغير ذلك (نصب)
الماينز والصن واى لاقون كثيره التكاسى بس لاتاخذ من عند التكاسى الموجوده عندالفندق ((اوفر))
تروح وترجع با السلامه
تحياتى لك

السلام عليكم ورحمة الله وبركاته
اخواني لدي ملاحظه بسيطه
لا اعتقد ان التاكسي في ماليزيا وفي جميع انحاء العالم مناسب بالساعه!!
على سبيل المثال
عندما تخرج من الفندق الذي تسكن به وتريد الذهاب إلى مكان سياحي ولنفرض انها حديقة الفراشات
المشوار على ما اعتقد انه ربع ساعه
سيأخذك التاكسي ويستغلك في ذلك ويذهب في طرق مزدحمه جداً وهو يضمن تماماً ان في كل ساعه
رنجات عديده لذلك يحاول قدر الإمكان إطالة المده حتى يرتفع الأجر
ولكن عند الإتفاق على المشوار وبسعر جيد ومناسب
سيتميت حتى يصل بك إلى الحديقه ويأخذ أجره المتفق عليه بأسرع وقت ممكن
وبأقصر الطرق والشوارع المختصره
حتى يقتنص سائح آخر
ولكن بالساعه .. الأجر مضمون لديه .. ستطول المده كثيراً وسينخدع البعض به
ذلك رأيي .. والله اعلم

بسم الله
وأنا أتفق مع الأخ الفهد من واقع تجربة
في كولا لا تأخذ تاكسي بالساعة خذه بالمشوار
وصدقني لا تأخذ أو تاكسي تصادفه أسأل واحد واثنين علشان تعرف السعر
في بعض الأماكن ممكن ما تلاقي فيها تاكسي مثل لما رحنا نصلي الجمعة في المسجد الوطني حقهم
والله انتظرنا أكثر من ساعة لين لقينا تاكسي واحد يوصلنا
والله المستعان

مشكورين والله لا يحرمني منكم

ولكن عند الإتفاق على المشوار وبسعر جيد ومناسب
سيتميت حتى يصل بك إلى الحديقه ويأخذ أجره المتفق عليه بأسرع وقت ممكن
وبأقصر الطرق والشوارع المختصره
حتى يقتنص سائح آخر
اتفق مع الاخ الغالي بهذا الشي
ولاتنسى عند صن واي لاغون لا تركب اي تكسي
فيه عند البوابة الرئيسية كشك تكاسي تروح له وتعلمه وين تبي وتدفع ويعطيك فاتورة او وصل وتركب من التكاسي اللي واقفه (( غالباً فيه واحد ينظم كل شي ))

عند حديقة الحيوان والشلالات لازم ينتظر التكسي
انتبهوا لهالشي لانه بتلقون تكاسي كلهم ينتظرون مافيه احد فاضي..
اما حديقة الطيور لما خرجنا منها لقينا تاكسي..وكذلك الماينز خرجنا متأخر ورجعنا بدبل السعر اللي جينا فيه عشان الزحمه والوقت متأخر ,,
عموما حديقة الحيوان والشلالات لازم انتظار التكاسي بصراحه مو بسهوله يلاقي الواحد هناك..
وسلامتكم..

أتمنى توضيح الأماكن التي يجب أن ينتظر التاكسي والأماكن التي لا ينتظر فيها التاكسي.....
تحياتي للجميع..
:36_6_2: