إذا بتجلس في النوفتيل بطرابزون فهو أفضل لك فخامة ونظافة وبوفية مفتوح وعلى البحر وتحرك لكل المناطق
المحيطة بالسيارة وترجع بالمساء وصناديق أوزونجول كما سميتها إذا تبغى تجربها ليلة أو ليلتين ماانت خسران
شيء والحجز المبكر أفضل(ولكن تأكد من السعركأنه غالي

الله يعطيك العافيه اخوي رحال
بصراحه جو اوزنجول ابرد واحسن من طرابزون بس فخامة السكن تفرق 180 درجه وانا العام سكنت في ايقون وكان جدا سيئ صغيره الغرف وضيق واثاث وفرش تسد النفس وهذا من افضل الموتيلات الموجوده بس المشكله السنه هذي بستاجر سياره وافر الشمال يعني ابي موقع استراتيجي عموما بالنسبه للاسعار انا اليوم اتصلت على ثلاث موتيلات وكانت اسعارهم في جولاي كالتالي
ايقون غرفه شخصين 130 ليره واربع اشخاص 250 ليره
فندق انصار غرفه شخصين 200 ليره والكوخ 325 ليره
فندق انان قال الفندق فل وما في امكانيه

انصحك بالسكن في طرابزون وانا جربت فندق زورلو جراند وكن ممتاز وفي شارع تجاري به الكثير من المطاعم اللذيذة
وانا سكنت في صناديق اوزنجول وابدا ما ارتحت لا المكيف شيء اساسي في حياتي لا اسطيع الاستغناء عنه وموتيلات اوزنجول بلا مكيفات ولا مصاعد

ايقون مرة خطير موقعهم حلو طبيعة ولا في الخيال انا اعتبرة احسن موقع فندق في اوزنجول حتى الناس الي في الفنادق الاخرى المشهورة مثل انصار وانان يجون يتمشون عند فندق ايقون واذا معك اطفال ياسلام حيث الالعاب والارض كانها بساط اخظر قدام الفلل انا عن نفسي لو ارجع اوزنجول اسكن فيها ( طبعاا اذا تبقى تطبخ هي ماتنفع لانة لايوجد مطبخ يعني حقت واحد ينام بس) اناسكنت فيها كم ليلة بعدين بدلت وسكنت في شقق الاهالي عشان احنا عائلة كبيرة ونحتاج نطبخ معانا اطفال حرام نظلمهم
ابعد عن المنطقة الي جنب فندق انصار وانان قمة في الازعاج وهي تعتبر اخر البحيرة وخلك في المنطقة الي جنب المسجد طبيعة و اهدى وهي اول البحيرة
اما انك تسكن في طربزون وتجي وتروح انا ابدا ما انصح فيها زي الي يروح كل يوم مكة جدة لية الجهولة
انا عن نفسي سكنت في اوزنجول 10 ايام بعدين سكنت في طربزون 4 ايام
0

حكيم الاقزام انت تبحث عن الراحة . اذا اسكن في النوفتيل . وخلي اوزنجول يوم تطلع الصباح وترجع العصر يعني حق 8 ساعات والسعر الي تدفعه في اوزنجول ادفعه في نوفتيل .

اخواني رحال جسر المحبه وكاكا وزعيم الزعماء وعمدة اوزنجول اخوي باقر
الف شكر على المشاركه والرد والتعاون
قررت احجز اول ثلاث ايام في ايقون وحصلت غرفة لاربع اشخاص شامل الفطور والتاكس ب200 ليره لليوم ازور فيها المناطق القريبه من اوزنجول وبصراحه جوها والراحه النفسيه فيها غير وتستاهل ابات فيها كم يوم يكفي بس صوت الاذان وقرب المسجد وحريمنا يسرحون ويمرحون بكيفهم
وبعدين خمس ايام في نوفيتيل طرابزون وانا ادري ان اجواء اوزنجول افضل ونفسيا اريح بس مشكلة سكنهم شوي لك عليه ومنها ازور المناطق الاقرب من طربزون مثل ايدير وريز وغيرها
ابو عاصم لا تبخل علي بالتوجيه ادري ان توجيهك من خبير خذه وانت مغمض

نوفيتيل طرابزون موقعه ولا أجمل والإقامة فيه ولا أفخم ...
وكذلك أوزنقول قرية رائعة وجميلة وهادئة كل الهدوء ...
تمنياتي لك وللجميع برحلات سعيدة وموفقة وبعيدة عن المنغصات .....
أطيب وأعذب الأمنيات ،،،،،،

اخي حكيم الاقزام والله برنامجك روعه انك تجلس باوزنجول وتتمشى بتاكسي
كل يوم بمنطقه قريبه منها يمكن اطبق نفس فكرتك بس اخوي استفسار شلون حجزت عن طريق مكتب سياحي ولا شلون؟
وشكرا لك

حكيم الاقزام
هذي وشلون حجزتها عن طريق مكتب او مباشرمن الموتيل ؟؟