السلام عليكم
اللي خلاني أكتب هذا الموضوع هو إستفسار أحد العضوات و الرد القاسي اللي جاها من بعض الأعضاء
الاخت طرحت سؤال في أحد البوابات: هل 10 آلاف ريال كافيه لتكاليف السفر لها ولزوجها لأي دوله؟
كانت ردود الأعضاء بعضها صريح بأدب و الآخر كان بإستهزاء بدون أدب
أذكر حد رد عليها روحي برحله على سيكل!! واللي قال لها أجلسي محلك أحسن 10 آلاف كلها بتروح على التذاكر
هذا الشي زعلني وقلت (( لازم أجرب بنفسي )) إذا كانت 10 آلاف ريال سعودي تكفي شخصين للسفر إلى تركيا لمدة ثمان أيام شامله لجميع التكاليف الطيران الدولي و الداخلي و الفنادق و الأكل و المصرف وكل شي أو لا ؟
عشان اكون واقعيه حجز الطيران حجزته عالخطوط القطريه الدرجه السياحية أما الفنادق ما تقل عن 4 نجوم (2 أربع نجوم و 1 خمس نجوم) وهالفنادق اخترتهم بتعب مو أي كلام
قررت أسافر 3 مدن بإذن الله إسطنبول-أنطاليا-إزمير
انتو ايش تظنون ؟ 10 آلاف راح تكفي ولا لا ؟ في حد منكم جربها ؟