بالنسبة لنا
أنا زوجي كلمهم وكانت ترد عليه موظفة موفاكرة اسمها يمكن ساندرا
والله مو فاكرة الاسم المهم
قالت ارسلو رقم الفيزا عالايميل
عاد لازم اتأكد من كل شي عاد جزاء الله الاخ المزيد
رد علي لأني استفسر هل ارسل الرقم بالايميل
قال لي لا بالفاكس اضمن مع العلم إنه اجرينا اكثر من 4 اتصالات
وفعلا ارسل زوجي الطلب بالفاكس وكل شي
ثم اتصل فيهم بعد كم ساعة قالت الموظفة
ايوه وصل وارسلت لنا العقد ما ادري الوصل
المهم الي يثبت إننا دفعنا لهم
وخصمو 30%
بس على فكرة ماعمر رد علينا موظف عربي ؟؟؟
اهي الموظفه الي دايم ترد علينا

السلام عليكم
بالنسبه لي تم الحجز عن طريق موقعهم في شهر 7-2008 و الغريب أنهم خصموا كامل قيمه مبلغ الأفامه
و بعد المكالمات و الرسائل التي أخذت مني 14 يوم تم ارجاع 70% من المبلغ المشكله تكمن في أنهم عندما خصموا المبلغ كان قيمه اليورو 5.7 وعندما ارجعوا الباقي كان 5.3 أرسلت لهم رساله لتوضيح غلطهم ولم أطلب التعويض فقط كنت أريد اعتذار ولكن لا حياه لمن تنادي

miss_europ
و عليكم السلام ورحمة الله وبركاته أختي الكريمة،
انا قبل ساعتين حجزت مثل حالتكم، و لا جاني ايميل الى الأن...
راح انتظر اليوم الى بكره و بعدين بكلمهم... و نشوف وش آخرتها

1. إخواني وأخواتي الاعضاء الكرام


2. فعلا لا حياة لمن تنادي .


3. الحجز ممكن من ساعتين أو يومين لكن انتظار الرد شكله ننتظر شهرين .

إخواني وأخواتي الاعضاء الكرام

الموظف العربي يتكلم اللغةالفرنسية والانجليزية وطبعا ما يبين إنه عربي بالصدفة كلمني عربي وهو قال إنه يتكلم عربي وكان بيساعدنا بس البيانات والحجز عن طريق الموقع أفضل وأأمن من وجهة نظري والموظفة أيضا كلمناها بس من غير فايدة وترى صار لنا أكثر من تسع أيام ولا فيه رد عبر الايميل واتصالات ومكالمات وايد أو بالأصح شبه يومي وهذا غير الايميلات اللي نرسلها .وزين إختي أرسلو لكم الوصل أو الاثبات إحنا عندنا صفحة الحجز والبيانات و المبلغ المدفوع والمتبقي و آخر موعد لدفع المبلغ المتبقي وحافظينه عندنا في الجهاز بس في معلومة ذاكرينها إنه يرسلون ايميل بس ما يرسلون ولا يفيدون بالهاتف عن وجود الاسم من عدمه مرة يقولون موجود بس ارسلوا ايميل ومرة موموجود.
ومرة يقولون ماعندنا في هذا اليوم حجز باسم أحد فاضي أو شاغر بعدين يقولون ضغط بالحجز بهالتاريخبنفس المكالمة ماندري صادقين ولا لأ .

فعلا لا حياة لمن تنادي .

بالنسبة للحجز فضلت إنه يكون من موقعهم أفضل بالنسبة لبيانات الفيزا والله أعلم خاصة بإننا كنا نسأل ونستفسر من الأخ الكريم بوعزيز جزاه الله خير والله ما قصر معانا وقال موقعهم فيه سكيور وهذا يعني محد يخترق المعلومات عكس الايميل والفاكس البيانات واضحة بس بالحجز حت الصفحة التي قمنا بتخزينها ما تبين أرقام الفيزا غير 3 أرقام فقط والباقي غير ظاهر ويمكن يكون الخصم مبرمج والله تعالى أعلم بس هذا اللي شجعنا والله يسهل إختي الكريمة .

الحجز ممكن من ساعتين أو يومين لكن انتظار الرد شكله ننتظر شهرين .

لدرجة إنه نتصل بس حتى نعرف الاسم و حجزنا موجود بهذا التاريخ يقولون رسلوا ايميل فيه بيانات الحجز وأيضا ما يردون ولا يرسلون يعني معرفة الحجز ووجوده من عدمه سهل عن طريق الهاتف بس ما ناخذ لا حق ولا باطل مع إنهم خصموا المبلغ من الفيزا وعطيناهم رقم الحجز بس شنو الموضوع وليش التجاهل ما ندري الله يستر بس من الحجز لا وكل مرة يقولون الانترنت عطلان شلون عطلان وتردون بعض الاحيان بالشقق المتوفرةعندكم بس وقت إرسال الايميل الرسمي ما يردون والله غريبة طريقتهم .

اختي الكريمة مس يوروب،،
وصلني اليوم ايميل منهم فيه الفاوتشر مع العلم اني حاجز أمس!!...
المفروض يوصل بمجرد الحجز...
و بالنسبة للكريدت كارد، الخصم صار على طول بمجرد الحجز... و في الفاوتشر طلع بس آخر 4 ارقام...
وفقكم الله و سدد خطاكم...

بالتوفيق وفقنا الله و إياكم
لكن لم يصلنا إيميل حتى الآن لا أعرف لماذا ؟؟؟؟؟؟ مع إن المبلغ قد خصم .
الموضوع جدا غريب ياليت الاخ بوعزيز يساعنا ويعطينا رقم أو إيميل الادارة الرئيسية؟
لأنه بدأ الشك يراودنا بأنه اللي معطل الموضوع الاخ العربي لأنه لم نتمم الحجز عن طريق الايميل ونعطيه رقم البطاقة وفضلنا الحجز من الموقع والموضوع واضح لأنه طلب إرسال الايميل وفيه بيانات الحجز وهذا من 4 أيام غير الفترة اللي قبلهاكنا نحاول ولم يرسل شي.
و أيضا الموظفة الأخرى الظاهر معطيها ملاحظة على الاسم والحجز يبون يطولونها فالمعاملة باردة جدا جدا وسيئة من البداية حتى التذاكر لم نقم بحجزها ننتظر الايميل منهم والله مستائين ومعنا أشخاص وعائلة أخرى أول مرة يزورو سويسرا فماذا سيكون موقفنا ونحن من قمنا بالحجز ؟؟؟
بوعزيز ما العمل معهم؟؟؟؟
جزاكم الله خيرا

miss_europ
هذا الرقم اللي عندي
0وهذا إيميل الإدارة
e-mail :
والله انا قلقان أكثر منكم وفاهم الوضع اللي انتم فيه
ممكن ترسلين معلومات الحجز على ايميلي الخاص (موجود للكل في صفحتي الشخصية)
إذا انتم حابين اني اكلمهم (لعل وعسى)
بالتوفيق

جزاك الله خير وما قصرت و إن شاء الله راح نحاول نكلم الادارة ونبعث ايميل لهم نشوف الموضوع معاهم وإذا احتجنا مساعدة أكيد راح نبعث لك معلومات الحجز بس ما ودنا نتعبكم معانا يكفي أسئلتنا واستفساراتنا اللي ما تنتهي
جعله الله في ميزان حسناتكم .

الحمدلله وأخيرا وأخيرا وصل الرد عبر الايميل وذلك بعد 12 يوم من إجراء الحجز ألحين نقدر نحجز تذاكر الطيران .
شكر خاص لك إخونا الكريم بوعزيز الله يحفظ لك والدينك وعيالك و أم عزيز و الله يجزيك خير دايم تساعدنا بكل شي تقدر عليه ما قصرت تحياتي لأم عزيز .
ألف شكر لكل من ساعدني وأفادني بتجاربه مع الحجز في الهوم بزنس شكرا إختي ضي العين شكرا إخوانا almohajer وali79 .
جزاكم الله خيرا