حيا الله الجميع :
كانت رحلتنا والله الحمد والمنه موفقه علما بانها ليست رحلتي الاولى وقد تضمنت التالي:
جاكرتا - جزيرة بالي - بونشاك ( الجبل الاخضر) - سوكابومي - باندونق
وكانت رحله ممتعه ومتنوعه لولا التسمم اللي حصل لنا ولحسن الحظ انه في اخر يوم ولم يكن في اولها ولا في وسطها ********> ولا كان تنكدنا صدق
ولا اريد الخوض في تفاصيل الرحله لاني وباذن الله سوف ارفقها في تقرير مفصل في القريب العاجل ..
واليكم تفاصيل قصة التسمم في مطعم في جاركرتا ..
كان ذالك اليوم لليلة موعد رحلة العودة الى الرياض حيث اقمنا في جاكرتا استعداد لذالك
وفي نفس اليوم قررنا ان نتغداء في احد المطاعم المشهوره في جاكرتا وهو مطعم بندر جااكرتاللمأكولات البحريه (سي فوود)
وماكذبنا خبر خصوصا ان المطعم هذ سبق لي ان كلت في عدة مرات في رحلاتي السابقة ..
المهم رحنا للمطعم ونقينا كل شي ولا اخذنا الا فرش يعني من الحوض ماخذنا شي مجمد وماخلينا شي ماطلبناه مثل الاستاكوزا و السمك الهامور باانواعه والقبقب البحري والريبيان ******** ومافيه الا دق بالخمس
يعني تقول داخلين معركه والله ياجماعه اننا نشم ريحة البحر في السمك الهامور خاصه وهذا دليل انهم مانظفوه:112:
ولولا ثقتي في المطعم لاني مثل ماسابق وقلت لكم مجربه عدة مراات ماكان كملت الاكل
يعني مسحنا الطاولها كلها علما اننا اثنين بس انا و اعز اصدقائي ******** ماسويت فيه خير
ووالله الذي لا الله الا هو اننا ياجماعه من نفس الليله ماقدرنا ننوم وكلنا نفس الاعراض يعني حراره وخمول والام مبرح في البطن واسهال شديد (اكرمكم الله)
يعني حتى الشيك اوت ماقدرت اسويه مع الفندق من التعب الشديد ولا استطعنا الذهاب الى المستشفى لضيق الوقت علما بأن رحليتنا الساعه 12:30 صباحا وتخيلو مع المعانات اللي مرينا في خصوصا ان الرحله 8 ساعات و 45 دقيقة واالامرر من هذا اننا وقفنا في دبي ترانسيت 12 ساعه وكان لنا تخطيط مسبق بان نتجول في انحاء دبي >>بس هيهات
اخذنا غرفه في دبي لين موعد الرحله وعلى الرياض ..
يعني ماوصلنا الا واننا كارهين الدنيا وعلى طول على اقرب صيدليه من المطار واخذنا مضادات حيويه و ادويه اخرى ..
ولكن بدون فائدة استمرت الاعراض معنا الى مايقارب الشهرين مع تكرار ترددنا على المستشفيات يعني تخيلو ياجماعه خسرت اكثر من 8 كيلو انا وخويي ..
والحمد الله على كل حال ومن يومها صرت اكره شي يطلع من البحر ولا اتحمل حتى رائحته بدون مبالغة
هذا ماحصل لي بالتفصيل وماحرصت على طرحه هذاالموضوع في هذه البوابه الرائعه الا للتنويه على الجميع بتوخي الحذر والحيطه يعني مو اي مطعم مشهور نوثق فيه حتى لو جربته اكثر من مره .واللي عنده سؤال عن القصه او عن الجزر اللي زرتها يتفضل
تحياتي