اتشرف اني اول من يرد على موضوعك بالنسبة لبرنامجك انا مثلك كان نفسي بسويسرا وباريس ولندن بس حسيت شحططة على قلة سنع او ل شي لازم فيزتين وحدة شنغن والثانية بريطانية ثانيا طول المسافة ومعك طفلة ثالث شي مايمديك تملين من الديرة وتشوفينها عدل حنا قررنا باريس وسويسرا وعمل مخطط على هالاساس اخيرا اللة يتمم لك سفرتك على خير وصحة وعافية امين

تسلمين الله يعطيك العافيه و ماقصرتي
فعلا كلامك سليم ميه بالميه فيها شحططه من ناحيتين
الاولى : الفيزتين >> وهذي ماعندي مشكله فيها
والثانيه : المسافه من جنيف الى باريس بعيده نوعا ما الا اذا خليت دزني بينهم
اما باقي المدن المسافات قريبه
مثلا من جنيف الى انترلاكن ساعه تقريبا
ومن باريس الى لندن ساعتين
ومن باريس الى دزني لاند ساعه الا ربع وحولها
الشحططه ((( بين جنيف وباريس )))

هذا رد للأخ الفاضل ابو عزيز في موضوع قديم ..
القطار من محطة جنيف الرئيسية geneve gare
إالى محطة ديزني لاند “marne la vallée/chessy”
عن طريق (تغيير قطار) في محطة lyon part dieu
سعر التذكرة (رايح جاي) بحدود 120 يورو
زمن الرحلة من جنيف الى ليون ساعتين ومثلها الى باريس مع انتظار في محطة ليون لمدة 20 دقيقة
زمن الرحلة من جنيف الى ديزني 4 ساعات
ولابد ملاحظة امر مهم وهو انه يوجد عدة قطارات من جنيف الى ديزني في اليوم الواحد وإختيار القطار المناسب مهم وخاصة الذي يكون فيه زمن الإنتظار في محطة ليون قليلة
وش رايكم فيه بيختصر المرمطه ولا ؟؟

واللة مدري انا كنت زيك نفسي فيهن كلهن بس يوم فكرت بعقلي قلت حشى ماصارت سفرة دي بس شايلة شنطتي ومسافرة من دولة بدولة اقول بيني وبينك انتي تبغينها استجمام وريلاكس خليها سويسرا وباريس وانشاللة راح تنبسطين كثير هدا راي والراي الاخير لك ولاتنسين الطفلة اللة يحفظها معكم يعني دولتين بحر وتفرينهم كلهم على راحتك يعني سويسرا اسكني انترلاكن وزوري بيرن ولوزيرن ولاتخلين شي بسويسرا ماتروحين لة ههه اللة يكتب لك السفرة اللي تتمنينها يارب

إذا كنتي أول مرة تروحين اوربا وما تضمنين إنك تسافرين السنتين الجايين
يعني اقصد إذا كنتوا من النوع اللي مايسافر كل سنة
فرصة تشوفين اوربا ولندن
وعادي ترا الفيزتين ما هي مشكلة بس تطلعينها وتقدمين عليها بدري
أنا أسوف المشكلة بس في الطريق من انترلاكن لباريس شوي طويل
لكن من باريس للندن عادي
وجنيف لإنترلاكن عادي
لكن مثل ما قلت لك طريق انترلاكن باريس هذا إذا ما كنتوا متعودين على الطرق والرحلات الطويلة
اما إذا متعودين ماعندكم مشكلة بيمشي الحال

الجدول بشكل عام ممتاز بالنسبة لي هي متعة بحد ذاتها التنقل داخل مدن ودول اوروبا ....
عام 2009 كانت لي زيارة لكل من لندن اولاً لمدة 5 ليالي ومن ثم باريس بواسطة اليوروستار لمدة 4 ليالي واخيراً سويسرا بدءاً من انترلاكن لمدة 5 ليلي ومن ثم جنيف والسكن في ديفون لمدة 4 ليالي لأن كان معاي سيارة
كان الإنتقال من باريس الى انترلاكن بالقطار مع تغيير القطار في بيرن واخذ من الوقت حدود 5 ساعات وكنت جداً مستمتع به1ه اللحظات... يفضل السفر على الرحلات الصباحية يعني الي تكون مابين 8 الى 10 بحد اقصى تكون ارخص وافضل .
هذه السنة وفي نهاية شهر 6 راح تكون لي رحلة مشابهة مع زيادة شغلات شوي...
الرحلة كاتالي:
1- رست في المانيا لزيارة اليووب بارك و الغابات السوداء المدة 4 ليالي
2- انترلاكن 6 ليالي والسكن في Grindelwald
3- لوغانو ليلتين منها زيارة ميلان
4- جنيف اربع ليالي والسكن في تواريه
5- باريس 4 ليالي
6- لندن (معشوقتي) لها طعم خاص جداً 5 ليالي
التنقلات جميعها حتى الوصول الى باريس بالسيارة ....
توكلي على الله ....
ملاحظة اذا كان وقت الوصول مبكراً ممكن الذهاب مباشرة الى انترلاكن بدل تضيع الوقت في جنيف اذا ماكنتم ناويين تزورونها... وجهة نظر ليس الا...
السفير....

أختي العزيزه ام لين
انا انصحك بالتالي
السفر الى جنيف و قضاء ليلتين بجنيف و منها الى باريس ( سافرت مره بالقطار كانت اربع ساعات و بصراحه قمة الراحه لان القطار دايركت )
و بامكانك زيارة يورو ديزني و انتي في باريس يعني تطلعين الصبح و ترجعين المساء ترى بالقطار اتذكرها حوالي نص ساعه يعني حيل قريبه
و بعد باريس بامكانك السفر الى لندن و منها الى بلدك
يعني انترلاكن ممكن تشيلينها من المخطط مالك لانها بعيد عن جنيف حوالي ساعتين و نص بالقطار و هي فوق جنيف يعني لو مخططه تروحين لها بالعوده راح تطول عليك المسافه الى باريس و راح تكون متعبه و بهذله بصراحه
لكن خليك بجنيف او سافري من جنيف لانترلاكن و بعدين ارجعي جنيف و اقعدي يوم و منها بالطياره الى باريس
و بامكانكم السفر بالسياره تراها متعه و الله و بصراحه اللي جرب السياره مره هناك بهالجو الحلو و المناظر الروعه مستحيل يسافر بقطار او طياره
الله يوفقكم و يسهلكم امركم و اجازه سعيده ان شاء الله

اختي عندك اسبوعين وبتزورين هذا كله
حرام عليك باريس ليلتين !!!!!! لاتروحين لها اجل
وجنيف ليله !!!!!!!!!
انصحك تختارين احدهم وتضحين بالثاني
اما باريس + لندن فقط
او باريس + جنيف + انترلاكن
باريس ولندن مدن كبيره تحتاج ايام معقوله
اما لو دمجتي باريس مع سويسرا قمة المتعه مابين صخب المدينة ومابين طبيعة سويسرا

ياحلوكم كل راي احلا من الثاني والله .. الله لا يحرمنا من التعاون
بالنسبه لي ماعندي مشكله في التنقلات خصوصا اللي من جنيف الى باريس 4 ساعات جدا عادي .. متعودين على طريق الرياض من الدمام بالليل وبدون مناظر خ
وماعندي مشكله ازيد بعدد الايام علشان اعطي كل مدينه حقها
الله يسهل