- ورحنا نستلم الأمتعه
- وقفنا ننتظر الشنط 5 - 10 دقايق ما اشوفها
مساائكم ورد..
راح ادخل بالموضوع على طول واقولكم القصه
قدر الله علينا أنا واخوي نخطط على رحلة لمصر وناخذ الوالدة معنا
في البداية كلمنا الوالدة ومارضت وبعد محاولة وافقت وقالت خلاص بنروح مصر
طيب بدأنا نخطط عالخطوط والسكن إلى آخره
ورحنا وشفنا اسعار الطيران اللي يقول مافي حجز واللي يقول 2500 وطالع
حصلنا طيران ناس من الرياض إلى شرم الشيخ 1165 ريال
وقلنا تمام
رحنا مكتب حجوزات وحجزنا على يوم 2772009
الرحلة صباح الأثنين الساعه 8 الصباح
طيب على شان ما اطولها
طبعا احنا ساكنين بالخبر ولازم نطلع قبلها بوقت
حجزت عالنقل الجماعي يوم الأحد المغرب وصلنا الرياض الساعه 10 بالليل واستقبلنا احد الأقارب ورحنا منزلهم وجلسنا عندهم وريحنا للصباح
وطلعنا متجهين للمطار صباح الأثنين وصلنا المطار بالظبط الساعه 6:45 يعني باقي ساعه الا ربع
وجينا الكاونتر قال انتو متأخرين قلت له وشو قال متأخرين بعدين قال خلاص عطوني رقم الحجز والجوازات
وحطينا الشنط واستلمنا بطاقة صعود الطائره ورحنا جهة بنك الراجحي وصرفنا شوية جنيهات
المهم ركبنا الطياره وياشين مقاعدهم حتى مناديل مايعطونك
اقلعت الطياره وبعدها وصلنا ونزلنا من الطياره ورحنا وسوينا كشف انفلونزا الخنازير
وختمنا الجوازات
ورحنا نستلم الأمتعه
وقفنا ننتظر الشنط 5 - 10 دقايق ما اشوفها
واشوف وحده مصريه معنا نفس حالتنا شوي ووصلت وحده من شنطنا باقي ثنتين وقف السير اللي ينزل الشنط جانا واحد مصري قال ليه واقفين قلنا ننتظر الشنط قال أنا المسؤول عن طيران ناس قسم الأمتعه طيب وين شنطنا قال شنطكم ماشفتوها قلنا لا
قال
اجل شنطكم ماوصلت ؟؟؟؟؟؟؟؟؟؟؟؟؟؟؟
ايش
قال ماوصلت
قلت له وشلون قال ايوا ممكن ماشحنوها من الرياض ونمسكه انا واخوي بالقوه وبعدين جانا عسكري وقال هدو نفسكم ايش المشكله ونقوله السالفه
قال المسؤول هذا أنا بسوي لكم محضر وتراجعونا فيه
الشكوى لله مافي اليد حيلة سكتنا وخذنا المحضر
تخيل نفسك تسافر بدون شنط
وكرهت ناس وطيران ناس وقتها
المهم مشينا للقاهره
ودقيت على الرقم اللي اعطاني اراجع عليه
اتصل عليه يقفل الخط بوجهي وبعدها رد علي قال كلمنا بكرى عشان ننتظر الرد
كلمته اليوم الثاني الصباح قال ماوصل رد راجع الرياض وتفاهم معهم
شوف كيف المعامله السيئه ؟؟
المهم جا يوم الثلاثاء العصر وجاني خبر وفاة بالسعودية وفاة جدي الله يسكنه الجنه
رحت مكتب للخطوط المصرية في طلعت حرب وحجزت على الدمام الساعه 12 بالليل ثلاث مقاعد ب 4950 جنيه مصري
وياحلاتها وياحلات خدمتها
المهم كلمت مطار الرياض يوم الأربعاء ورد علي واحد سعودي وقال كلمنا بالليل
كلمت واحد هندي بالليل حبوب وطيب وخذ رقم الشنط وقال موجودين تعال استلمهم
رحت يوم الخميس بالليل المطار بالسياره ونزلت الصاله الدوليه قال مكتب خدمة العفش بالصالة الداخلية رحت المكتب كان مكتب الخطوط السعودية شغال 24 ساعه وطيران ناس مقفل قال الموظف مايجلس دايم براا
رحت حق الكاونترات وكلمت الهندي اللي عطاني رقمه قال ادخل المكاتب اللي ورا الكاونترات وادخل واشوف الشنط موجوده بوحده من المكاتب
قلت هذي شنطي قال اعطينا المحضر وشافه وطابق الرقم
قال آحنا اسفين ومدري ايش
قلت له ايش السبب طيب
قال انا بعطيك رقم وراجعنا عليه الصباح وتعرف السبب
قال احنا ممكن نعوضك بتذكره واحنا اسفين والخطأ وارد
الله لايعيدها ياربي
نصيحتي لكم انسو هذا الطيران تراه سيئ والله سيئ
عطوني رأيكم
وبالنسبة لموضوعك الله يكون في عونك .. وإبن آدم يخطئ .. وخلها عبره لك.. وأستفد من عرضهم بتعويضهم لك تذكرتين
والله يكتب اللي فيه خير لنا ولك ولجميع المسلمين