- بسم الله الرحمن الرحيم
بسم الله الرحمن الرحيم
أخوكم وصل نيويورك ولله الحمد يوم الأحد الماضي صباحاً... طبعا مشى الوضع طبيعي لكل المسافرين اخذوا منهم بعض البيانات وحولهم على مكتب جانبي ومن ثم إلى مكتب آخر اسمهcbp هالمكتب يكمل الاجراءات ويخليك تمشي...
اللي حصل معي شي غريب... لما وصلت Cbp جاني أحد مسؤولي الجوازات ونادى على اسمي ورحت معه وتفاجأت ان اللي سجلت بياناتي اول مره ما عرفت تدخلهم صح... بالتالي الشخص هذا صار يسوي لهم تدريب علي ويوريهم كيف يدخلون البيانات ويتأكدون انها تخزنت بشكل صحيح.. الزبدة.. انه يوم خلص وداني مره ثانيه إلى مكتب Cbp لإكمال الإجراءات وقال لي حاجة مهمه جداً وبصراحه انها شاغله بالي مره مره ومضيقة صدري... قال لما تبي تطلع من امريكا ( رحلتي رحلة عمل ثلاث اسابيع )... رح لمكتب الخطوط في الصالة 1 وخذ منهم بطاقة صعود الطائرة ومن ثم توجه إلى مكتب ( عطاني اسمه بس مهوب معي الحين ) في الصالة 4 ووريهم بطاقة صعود الطائرة حتى يختمون على جوازك انك غادرت والا لو ما سويت كذا ترا راح يعتبر عليك مخالفة وما نقدر ندخل امريكا في المره الجاية !!!
بصراحه انا تضايقت من هالاجراء والتعقيدات والخربطة اللي صارت.. وودي أعرف في أحد صار له هالموقف وارسلوه لنفس المكتب في صالة 4 ... وش هالمكتب ؟ وش المطلوب من هالاجراء ؟؟ والله اني خايف يسوي لي مشكلة وانا طالع وتتعقد الامور..
أرجوكم طمنوني... ساعات احس ان الوضع بسيط وانا معقده واحيانا احس انه مشكلة وراح يسبب لي اشكال وانا طالع
تحياتي... أخوكم
هذا الاجراء متبع مع كل الناس موبس العرب لا
اي شخص يدخل امريكا بفيزا لازم يسوي الاجراء هذا
المساله وما فيها
انه احنا في السعوديه ماتقدر توصل بوابة الطيارة الا لمن تمر من عند الجوازات
في امريكا لا انت لازم تروح للجوازات فقط هذا الفرق