1. بسم الله الرحمن الرحيم


2. بسم الله الرحمن الرحيم ...


3. ’’وبحبك يامصر ’’

بسم الله الرحمن الرحيم

بما إني كتكوت جديد في المنتدى (لاحظو كتكوت) فبإذن الله بأحاول أجيب لكم صور وحجات محصلتش كل نزول ليا لأم الدنيا حنزل تقرير وحزبط أم التقرير إن شاء الله......... تقبلو تحيات ألف ليلة
بخلي الموضوع زي القصة وأقول الاشياء اللي حصلتلي في السفرة الاولى والثانية لمصر عشان الكل يستفيد.....بعدين حأنزل الصور لانها مو كثيرة يعني 60 صورة تزيد أو تنقص ولاني مبتدئ في تحميل الصور فتحملوني شوي ,,,,,,,

بسم الله الرحمن الرحيم ...

’’وبحبك يامصر ’’

أولا أنا إنسان احب المطارات + الطيارات + السفر لدرجة أحسن بسعادة مجنونة وقت السفر تمام ....مضت الأيام وأنا أجلس مع اخوي وهو يكلمني عن مصر وانا أسمع وأسمع وأسمع لدرجة بديت أتخيل وهو يحكيلي عن بعض الأماكن ويقولي مثلا ( هذ الشارع شبيه بشارع كذا اللي لو رحت مصر حتشوفه ) ويوم ورى يوم بديت اخذ فكرة عن هذي البلد لدرجة اسعار الصرف تبع الجنيه اتابعها ........مرت الأيام ودماغي بدأ يمتلي من الكلام والحكايات .....بعدها أراد القدر إن أخوي تجيله سفرة لمصر ومتى ؟؟؟؟ في الصيف يعني يسلام بأحاول أخلي الوالد يقنع أخوي إني اطلع معه لأني ماقد سافرت وحدي خارج المملكة ,,,,,,علما إن أخوي كان طالع عمل ......وبدأت مرحلة الصداقة بيني وبين الوالد تشتد وشتد عشان حاجتين في نفسي ( أول شي يكلم أخوي + يبخششني بمبلغ محترم قبل السفر ) .......مضت الايام وخلصت الإختبارات وبدأ الصيف .......وكان لي ما أردت أخوي وافق إني أسافر معه طبعا فرحت فرحة ماتوصف وجالس أتذكر الأماكن اللي أخوي كلمني عنها .....جلست على الإنترنت والقهوة الساخنة على اليمين و اطقطق واطقطق في لوحة المفاتيح من العرب المسافرون لسفاري .... وجلست أنسخ بعض التقارير وبعضها أطبعها بعد ما أغير فيها ...........استمر بي الحال على هذا المنوال 3 أيام حمل + أطبع ......بعدها بمدة أخوي قلي حجزتلك معي على مصر للطيران جهز نفسك يوم الخميس رحلة 3:45 دقيقة والله فرحت فرح اللي يشوفني يقول هذا مجنون ....ويوم ورى يوم لحد ماحانت ساعة الصفر ((((قبل الرحلة بأربع ساعات )))) طبعا كنت ملازم للوالد لعل وعسى أن يجعل الله من بعد عسر يسرى وكان لي ما أردت 5 ألاف إضافة لمامعي من النقود يعني عشرة الاف ( علما بأن أخوي قالي لاتاخذ من أحد ( لأن أخوي بزنس ) ولكن في نفسي قلت زيادة الخير أيش ؟؟؟ أيوا خيرين ...............جهزت الشنطة من كل ماغلا ثمنه وخف وزنه .........................
راجعلكم بعد شوي بس أشم نفسي ,,,,,,,,,,,,,,,,,,,,,,,,,,,,,