وعليكم السلام ورحمه الله وبركاته
ع نفسي ودي اخدمك لكن بعد وقتي ضيق وسفر
انت يا غالي وصولك يوم 27 متي بالضبط
بخصوص باريس ابشر البقيه ضع استفساركم في كل قسم استفسارات بالدول المذكوره ولا تضعه بالقسم العام
ينقل لاستفسارات
واسال الله لك التوفيق ويتمم لك علي خير

وعليكم السلامة ورحمة الله وبركاته
ألف ألف ألف مبروك مقدماً
أنا مو خبير في فرنسا بس راح أفيدك باللي أقدر عليه واللي سويته في آخر سفره لباريس في ديسمبر
أول يوم خذيت جولة بالبق باص (مدة التذكرة يومين) يوديك معظم الأماكن المشهور في باريس ومن بعدها كملت يومي مع زوجتي في شارع الشانزلزية وعند قوس النصر
ثاني يوم حجزت قبل ما أوصل باريس بالنت موعد لزيارة برج إيفل ومن بعدها كملنا جولتنا في البق باص لليوم الثاني واستغليناه أحسن استغلال يعني في كل معلم سياحي نزلنا وصورنا وخذينا الباص الثاني عشان نروح مكان سياحي ثاني
ثالث يوم رحنا ديزني لاند والاوتلت (لافالي فيلج) طبعاً يحتاجون يوم كامل ومن بعدها رحنا الحي اللاتيني (اللي فيه المطاعم العربية) وتعشينا هناك
رابع يوم رحنا متحف اللوفر وساحة الكونكورد ومن بعدهم رحنا منطقة اللاديفانس ورحنا عند قوس الدفاع ومول الفور سيزون
طبعاً المناطق اللي زرناها وما ذكرتها هي:

• هضبة المونمارت
• كاتردائية نوتردام
• منطقة الأوبرا (فيها محلات وتجارية ومقاهي وسينمات)
• غاليري لافيت (مجمع تجاري مشهور في باريس)
• الرحلات النهرية
• متحف الشمع
• ملاهي استيركس (قريبة من مطار شارل ديغول)

وإن شاء الله أكون قد أفدتك، والبركة في الجماعة راح يفيدونك بعد

راح نجاوبك بخصوص باريس :
https://artravelers.com/p/re/694189
هالجدول حلو يعطيك معلومات عن اهم معالم باريس
مترو باريس :
https://artravelers.com/p/re/121027
التذاكر والاسعار :
https://artravelers.com/p/re/286080
مطاعم باريس:
https://artravelers.com/p/re/102073
التسوق في باريس :
https://artravelers.com/p/re/43000
كم يوم راح تضلي بباريس واذا حابه نرتب لك جدول بالاماكن السياحيه حسب القرب من بعضها البعض