- السلام عليكم ورحمة الله وبركاته
السلام عليكم ورحمة الله وبركاته
انا سفرتي لماليزيا راح تكون بعد ثلاثة ايام وعندي مجموعات استفسارات حابه اسال عنها وكلي امل ان اجد الاجابة لدى الاعضاء الكرام لاني بحثت وتعبت كثيرا ولقيت اجابات كثيره ولكن لم تكون شافيه اتمنى منكم الاهتمام بموضوعي بذات سفري مابقي عليه شي وهذا مااتوقعه دائم من هذا المنتدى الرائع
سفرتي راح تكون باذن الله من جده الى كوالالمبور مباشره دون توقف والتوجه مباشرة الى سلانجور :
استفساراتي عن سلانجور::1-كم هي المسافه من مطار كوالالمبور الدولي الى ولاية سلانجور وبتحديد لفندق امباير صوبانج وهو الفندق اللذي سانزل به؟؟
2-اهم امكان التسوق بسلانجور واهم المطاعم؟؟
3-وهل يوجد سوق عائم في سلانجور وين موقعه؟؟
استفساراتي عن لنكاوي::1-اين موقع المطعم العائم في لنكاوي؟
2-السوق الليلي في لنكاوي هل يستحق الزيارة؟
3-ماهي اهم شلالات لنكاوي واين تقع؟
4-افضل ينابيع حاره في لنكاوي وياريت تكون احواض خاصه مو عامه وين عنوانها؟
5-بنسبه للقرية الشرقيه هل اتجول بها اولا او اطلع التلفريك او العكس والتلفريك محطته من داخل القرية ومااهو اهم شي بالقرية الشرقية؟
6-ايش ترشحولي من هذي الحدائق(التماسيح-لاجيندا-حديقة الحياة البرية)وهل حديقة الحياة البرية تكون الحيوانات مفتوحه فيها ونتجول فيها بسياره؟
7-رحلة الصيد والغوص هل تستحق الزيارة؟
8-اهم الانشطه البحرية وين تقع وباي شاطي؟
9-رحلة الغروب هل تستحق الزيارة؟
10-اهم الاسواق في لنكاوي وافضل المطاعم؟
استفساراتي عن كوالالمبور::1-باص الهوهو السياحي هل اطلعة او لا؟
2-مارايكم بمنتجع ومنتزه افاموسا(ملاكا) وكم يبعد عن كوالالمبور؟
3-مارايكم بحديقة بيردانا؟
4-السوق الصيني ماريكم في وهل الكشكات اللي بشارع العرب تعوض عنه ؟ويوجد ايضا سوق تشوكيت ؟ايهم افضل
5-المطعم اللي في اعلى قمة كوالا Lookoutpoint مارايكم في الكل يمدحه؟
6-افضل سينما اين تقع؟
اسئلة عامة::1-افضل عروض للنافورة الراقصة اللي في كوالالمبور اللي بالبرجين او اللي بحديقة ماينزوندرلاند؟ابغى اكتفي بوحده؟
2-افضل مجمعات التسوق في(سلانجور-لنكاوي-كوالالمبور)تكون اسعارها من متوسطه الى رخيصه؟
ادري انه موضوعي ملئ بالاستفسارات ولكن كلي امل انا اجد اجابات على اسالتي عندكم ارجووا من الكل الاهتمام بموضوعي تبقى على سفرتي ثلاثة ايام فقط
اجازه سعيده وسفره هنيئه
من المطار الدولي الى سيلانجور من 45 الى ساعه تقريبا 84رنجت بالتكسي
اهم اماكن التسوق بالصواي عندك البراميد وعند مجمع كبير بشاه علم قريب من المسجد الازرق بس البراميد كافييوجد سوق عائم في الماء في الماينز وندرلاند طبعا الدخول من 6-11م ب37رنجت وتاخذ مركب هناك من 20-30رنجت بس متعه وهناك النافوره الراقصه وكل شي يفتح النفس كبيت النمور وغيره انصحك بالذهاب الصبح بجوله بتروجايا ساعتين وبعد الطهر صن واي لاغون والمسا الماينز
لنكاوي
المطعم العائم لا اعلم الا مطعم شعبي في رحلة المنغروف عند منطقه الاسماك رائع وشهي مايتفوت وسعره ممتاز
السوق الليلي ببينانج افضل من لنكاوي واروع كما ارى ونصيحه اجلي الاسواق لاخر يومين لجل ماتتعبو من الوزن بالمطارات ولان كوالا فيها كل شي تبي كالسوق الصيني وشارع العرب
الشلالات موقعها من القريه الشرقيه القريبه من التلفريك تروح مشي بس متعب شوي للعائلات وممكن تروح له عن طريق الحدائق
بس جميل ورائع وافضل وقت له بعد الظهر اكثر امان
الينابيع الحاره هي الابار السبعه هي واحده فقط بلنكاوي بس للاسف ماجربتها بس لاتحرصي ع زياراتها لانها عاديه
القريه الشرقيه ممتازه لكن يفضل ان تطلع التلفريك وتعود لها ع الظهر لتجول بها وتناول الغدا ولا تنسي هي في ركوب الفيله والكثير من الانشطه
ماانصحك باي من الحدائق المذكوره الا حديقة الفواكه بلنكاوي جميعها موجوده ببينانج وخسارة فلوس ع الفاضي التماسيح ماتسوا الا الطيور والفراشات كوالا وبينانج افضل والاكاريوم كوالا افضل وانت حر
الغوص في جزيره جميله جدا اسمها بولا بياررائعه جدا في الغوص وتستطيع ان تشاهد الاسماك وهي الافضل بالغوص والسباحه لهواه الغوص تروح لها من تنظيم مكتب سياحي في المطار اول ماتوصل او الفندق بتاعك
رحلة الغروب رحله جميله والاروع تناول مشويات رائعه وجميله وتنظيمها اما المطار او الفندق ولاتنسي جزيرة العذرا الحامل نفس الشي جميله بس من وجهة نظري المنغروف تغني عن اي رحله اخرى
طبعا بلنكاوي يوجد في منطقة كواه مجمعات تجاريه والافضل قريب من ميدان النسر وهناك الكثير من المطاعم واذا انت قريب من عالم البحار في مطعم ايراني ممتاز هناك جام جام جربه
كوالا
باصات هو اند هو الافضل تكون اول يوم لجل تعرف المناطق لجل تزورها مره ثانيه مع العلم ان يوقف في 22محطه وكل محطه يعوده لها بعد نصف ساعه وهو دورين الافضل تكون بدور سفلي وتريح بالك اما اذا عددكم كثير ببتعبو ماانصح بهحديقه بردانا من افضل الحدائق وروعه وانصح بها بقوه في فتره المسا واظن تحتاج اكثر من زياره
الماينز وندر لاند والبرجين كلهما رائعتين ولكن لاتفوتها لان الاول باجر الدخول والثانيه مجانيه تقدر تشوفيها من الحديقه وتذهب للتسوق فالافضل لك تبقي بها للاستمتاع
افومسيا منتجعات رائعه وبها العديد من الانشطه كاعالم سفاري المخصص لرحلة حيوانات حره بداخل شبك وكذلك عروض السرك والحيوانات وركوب الفيله وتبعد ساعه ونصف الئ ساعتين وتاكسي من 250-300رنجت ويبقي معك التكسي لنهاية الرحله وهو الافضل كما يوجد به شالهات خاصه بحوض مسبح خاص
بالنسبه للسوق الصيني هو جيد وله بضائعه الخاصه ممكن ماتلاقي منها بشارع العرب والعكس وانت بالخيار بس لازم تروح العصر السوق ولخلك من الليل وخلك حذر من النشالين فيه وكاسر 100 ترا ب20 والمعامله والكلمه الطيبه زينه
بالنسبه المطعم القمه رائع وجميل وتناول العشا فيه يرد الروح وانصح وبقوه رغم انه سعره شوي غالي
انا لست من رواد السينما ولكن شارع العرب يفي بالغرض
افضل محلات التسوق بالاسعار والسلع الاسعار تايم سكوير اللي باخر شارع العرب وجواره بي بي بلازا افضل الاسعار
اما الماركات فعندك البافليون وسيرا بس غاليه جدا جدا
عموما احنا بالخدمه باي استفسار